علاقه غير صحيحه _الاول _بقلم هويدا زغلول

جه في وشهم..
عدي پصدمه قال _
ايه المقابله دي بقي..
ريهام بغيظ _
لا ما تاخدش في بالك دي ماما..
عدي _
انتي مش قولتي هتتغدي لوحدك...
ريهام ردت عليه وقالت _
لا لا انت فهمت غلط وشكلك كده ما قابلتش بنات بلد ومتربين قبل كده..
طلعت نورا مامت ريهام زقالت _
انتي يا بت انتي مش قولتلك ما تروحيش اي مكان غير لما اعرف وكمان جيبالي راجل في ايدك وانتي جايه..
ريهام بغيظ د
يا وليه اتهدي بقي ده عدي اخو مي..
نورا باحراج _
ياا اختي علي الكسول لامؤخذه يا ابني هي الناقصه اللي جنبك دي مش جيبالي غير الكسوف نازاني الشبشب يا حبيبي..
ريهام _
انت لسه هتتنح ناولها الشبشب بدل ما هتلاقي الفرده التانيه في وشك..
مسك عدي الشبشب وراح ادااه لنورا وقال _
اتفضلي يا طنط..
نورا بهدوء _
نورتنا يا حبيبي ده انت اخو الغاليه مي المهم اقعدو علي السفره لحد ما اجهزلكم الغدا انتو الاتنين..
طلع عبد الرحمن ابو ريهام من الحمام وقال _
تعالي الاول يا ابني نصلي العصر حاضر في المسجد احد ما يجهزو الغدا..
اتوتر ندي انه بقاله كتير مش بيصلي بس ما قدرش يرفص وقال _
تمام يا عمي يلا بينا..
ريهام _
بابا هاتلي معاك شوكلاته..
_نزل عدي صلي مع عبد الرحمن وفضلو يتكلمو وكان مبسوط اووي عدي بالكلام معااه وكمان بالمنطقه كلها واشتري شوكلاته كتيرةلريهام واول ما دخلو البيت لقيو ريهام بتجهز في السفره فقرب منها عدي وقال..
عدي _
الشوكلاته يا ستي..
ريهام _
بس انا قولت لبابا..
ابتسم ليها وقال _
لا ما هو نسي وانا فاكر..
ريهام بتتوتر قالت _
لا بس دول كتير اووي انت جيبت الشوكلاته اللي تحت كلها..
رد عليها وقال _
مش كتير عليكي كفايه اليوم الجميل ده اللي قضيته بسببك..
ريهام _
ابقي تعالي كل يوم بقي وانت هتتبسط اووي..
ضحك ورد عليها وقال _
من عينيا يا اسطااا..
_قضي معاهم عدي اليوم اتغدي وشرب شار زلعب طاوله مع عبد الرحمن كمان وكان مبسوط انهم ناس طبيعيه مش متصنعه وبيتعاملو معاه كانهم يعرفوه من زمان وغير كل ده ريهام اللي كل حركه بتعملها بتخليه يتشد ليها اكتر والاغرب من كل ده انه اتعلق بيها من اول نظره كده..
_وبالليل كانت ريهام قاعده في اوضتها وبتاكل الشوكلاته اللي جابها ليها عدي وفجأه موبيلها رن برقم غريب ردت وسكتت فقال عدي..
عدي _
حلوه الشوكلاته..
ضحكت وقالت _
هتزلنا بقي ما كانوش شوية شوكلاته دول..
ضحك عدي اووي _
هههههه المهم انا اخدت رقمك من مي عشان عايز اسألك عن حاجه..
ريهام بحماس _
لا مش مرتبطه ولا مخطوبه ولا حد قايل عليا..
ضحك اووي تاني وقال _
هههههه يا بنتي اتقلي شويه وبعدين انا عارف كل ده انا بس عايز اسالك بتعرفي تعملي شربات..
ردت عليه بخبث وقالت _
لا بس بعرف اعمل قهوه ساده..
عدي بغيظ _
اقفلي يا بت انتي انا غلطان اني كلمتك..
ضحكت ريهام وقالت _
هههععه بهزر يا اسطا خليك راويح شويه..
عدي _
المهم بقي انا الخميس الجاي هجيب ماما وبابا ومي وهاجي اقرا فاتحه تمام..
فرحت جدا وفضلت تتنطط في الاوضه وقالت _
طيب ما تديني فرصه افكر..
عدي _
لا وعلي ايه بلاش احسندي لسه نتفكر قال..
ريهام بسرعه ردت عليه وقالت _
استني يالا هنا موافقه والله ده لو عايزنا نتجوز دلوقتي موافقه...
_فضلو يتكلمو مع بعض وما حسوش بالوقت خاالص وراح فعلا تدي وقرا فاتحه وحددو معاد الخطوبه وكانت بعد اسبوع...
 
_وقبل الخطوبه بيومين كانت ريهام رايحه الجامعه وفجأه وقفت كامليا قدامها بالعربيه ونزلت وقالت..
كامليا _
ايه يا عروسه علي فين..
ردت عليها ريهام وقالت _
طنط كوكي حضرتك هنا بنفسك اما كنت رايحه الجامعه..
قالت كامليا بخبث _
طيب بقولك ايه الاتيليه بتاعي جايب شوية فساتين حلوه اوووي وانا هجيب ليكي فستان الخطوبه هديه بمناسبة الخطوبه ولازم دلوقتي تيجي نجربيه..
ريهام بقلق _
مالوش لزوم حضىتك تتعبني نفسك..
كامليا _
لا كده هزعل منك وبعدين لو ما جتيش هفتكر انك مش بتعتبريني من العيله..
_وافقت ريهام وراحت معاها واختارت قستان الخطوبه وفجاه طلعت كامليا فستانين كلها مكشوف وقالت..
كامليا بخبث _
بقولك ايه ما تجربي الحاجات الحلوه دي واهو الاتيليه كله بنات..
ردت عليها ريهام بقلق _
بس انا مش بلبس الحاجات دي خالص..
ضحكت كامليا وقالت _
لا بس لازم تلبسيها عشان جوزك في اللي جاي وبعدين دي فساتين وانا هختار ليكي