بسبب جارتي ام عين وحشه حصلي انا وجوزي؟_كامله

لما بتكلميني بتزعقي اصلا..
ودخل انس الحمام وحسن ضحك وقال
والله دمه زي الشربات المهم يلا قومي وارجعي بيتك..
وفعلا بعد شويه رجعت سالي البيت ومعاها انس واكرم كان قاعد مع مامته ولما شافها قال..
اكرم
انتي ايه اللي رجعك بقي يا ست هانم..
ناديه 
وهي هتلاقي مكان احسن من هنا فين ان شاء الله..
قربت منها سالي وقالت
معاكي حق والله هو انا هلاقي احسن من بيتي فين..
ناديه 
ومن امتي العقل ده كله يا مرات ابني..
سالي
من زمان يا ماما وحقك عليا ما تزعليش..
ناديه 
اييه انتي قولتيلي يا ماما..
سالي. 
ايوه فيها حاجه ولا ايه هو مش انتي بتعتبريني زي بنتك...
ناديه 
اكيد. طبعا يا حبيبتي وانتي كمان ما تزعليش مني..
قام اكرم وهو مدايق وقال
انا داخل انام مش عايز دوشه يا ست هانم..
قال كلامه ودخل اوضته وناديه قالت
قومي ورا جوزك صالحيه الراجل طلعان عينه في الشغل وكفايه بقي نكد عليه في يوم اجازته..
سالي قامت وقالت
حاضر يا ماما بس معلش خدي بالك من انس..
ناديه 
انتي هتوصيني علي ابن ابني ده انا بحبه وبخاف عليه اكتر منك انتي..
ابتسمت سالي ودخلت لقيت اكرم قاعد بيقلب في موبيله وقالت..
سالي
ياللي زعلان مني ومخاصمني..
اكرم 
نعم عايزه ايه..
سالي. 
هو انا كلمتك يا عم ده انا بغني..
اكرم 
بقي كده طيب اطلعي بره يلا شوفي هتعملي ايه انا رايح اناام..
سالي
خلاص بقي يا اكرم انت من امتي قمااص كده..
اكرم 
من دلوقتي وسيبني لوحدي يا سالي عشان تعرفي تسيبي البيت كويس..
سالي
انا اسفه مش هتتكرر تاني ما تزعلش بقي..
اكرم ابتسم وقال
طيب خلاص وروحي بقي جهزيلي اكل..
سالي
اييه يا اكرم ما الاكل علي السفره بره لسه ما اتشالش وبعدين انت لازم تخس..
اكرم 
شوف مين بيتكلم بصي لنفسك الاول..
سالي
ما هخس معاك هنمشي علي نظام غذائي ونخس مع بعض ونرجع زي ما كنا زمان..
اكرم 
زمان ايه يا وليه ما تعيشي سنك بقي..
سالي
انت تبطل تقولي وليه دي فاهم ولا لا وخصوصا قدام ابنك ده بياخد الكلام منك وبيقولو وهو مش فاهمه..
دخل انس وقال
ماماااااا انا عايز اروح اعمل بيبييي..
سالي
هو الواد ده تعبااان اكيد فيه حاجه انه يروح الحمام كتير كده مش طبيعي..
اكرم
انتي مش عارفه ابنك يعني هو بيروح يلعب في المايه في الحمام ومش بيعمل حاجه..
سالي 
مدام بتكدب كده عليا يا انس مش هكلمك انا اصلا مخصمااك..
انس 
عادي علي فكره انا برضو مش عايز اكلمك ما حدش احسن من حد..
سالي پصدمه 
شايف الولد بيكلمني ازااي..
اكرم 
سالي انا بجد جعااان...
سالي 
ارحمني وما فيش اكل لحد الكوره الكفر اللي في بطنك دي ما تخس..
اكرم 
لا انتي تروحي وتزعلي عند بيت ابوكي ارحملي مليون مره انا هطلع لامي تأكلني..
سالي 
مش هتاكل يا اكرم وهتمشي علي نظام الدايت اللي هقولك عليه وانا كمان معاك..
وبالليل كانت سالي قاعده بتستف في الهدوم ودخل انس وهو ماسك الكتاب بتاعه وقال..
انس
ماما مش هتيجي تعملي معايا الواجب زي كل يوم..
سالي
لما تبقي تعامل ماما كويس هبقي اجي واعمل معاك الواجب..
انس بدموع 
انا اسف بس كلميني والله مش هزعلك تاني بس كلميني..
قربت منه سالي وقالت
بطل ټعيط بس. انا مش هخاصمك تاني بس تسمع كلاني وتبقي ولد مؤدب مش نوتي..
انس 
ايه نوتي دي انتي بتكلمي عيل انا راجل صغير..
ضحكت سالي وقالت
معلش لست ما اخدتش عليك وانت كبير يا راجل يا صغير وتعالي نعمل الواجب بره..
وطلعتو وقعدو يذاكرو مع بعض وسالي كانت بتزعق وقالت..
سالي 
بص يا حبيبي انت مش هتعمل حاحه غير انك هتخمد الجمله دي من هنا وتكتبها هنا..
انس 
اخدها ازاي طيب وهي لاسقه في الكتاب يا ماماا..
سالي
يا ولد ما تعصبنيش هتخليني امسك في شعري قصدي تكتبها..
انس 
طيب واكتبها ليه تاني وهي مكتوبه في الكتاب..
سالي 
معلش تعالي علي نفسك وخليك انت احسن مننا واكتب...
سكت انس وسالي قالت
انت ساكت وباصصلي كده ليه يا حبيبي ما تكتب..
انس 
ما انا مش عارف اكتب..
سالي
انت مش بتعرف تكتب يا حبيبي..
انس بحزن
ما انتي ما كنتيش بترضي تذاكريلي يا ماما وانا بقيت اكتر واحد مش شاطر في صحابي...
اتملت عيون سالي دموع وقالت
انا اسفه يا حبيبي انا هذاكرلك كل حاجه من النهارده هو انا عندي اغلي منك..
انس
طيب اقولك علي سر بس ما تزعليش من بابا وتتخانقوو..
سالي
مش هنتخانق يا حبيبي بس قولي في ايه..
انس
بابا واقف جوه في البلكونه بيتفرج علي طنط فيفي وهي بتخليه يتفرج عليها..
ادايقت سالي وقالت 
عيب يا حبيبي اللي انت بتقوله ده ده