جبروت حمايا؟؟

ما تسواش تلاته ابيض..
عبد الصبور بضيق رد عليه وقال _
اهو اللي حصل بقي وانا اترميت في الشارع هتشيل ابووك ولا هترجعني للشارع تاني يا ابني يا حبيبي..
قال ليه علي. بسرعه _
كلام ايه ده بس يا بابا ده بيتك يا حبيبي وان ما شالتكش الارض اشيلك فوق راسي ..
طبطب عليه عبد الصبور وقال _
ربنا يجبر بخاطرك ويكرمك خير بس اا..
علي بقلق سأله _
بس ايه يا بابا في ايه تاني..
رد عليه عبد الصبزر بسرعه وقال _
لا لا لا ما فيش حاجه انا بس قلقان لا تكون مراتك زعلانه من وجودي او ما ترضاش تخليني قاعد معاكم هنا..
قال ليه علي بهدوء 
لا لا من الناحيه دي ما تقلقش اسراء بنت حلال وطيبه وبتحبك زي ابوها دي كانت علي طول تقولي تعالي نروح لابوك طيب كلمه خليه يجي يقعد معانا..
عبد الصبور بخبث _
لا برضو يا ابني معلش قوم اسألها دي صاحبت البيت وانا مش هقعد هنا دقيقه واحده غير وهي راضيه ولو ما وافقتش ما تقلقش عليا انا ممكن اجيب اوضه ايجار في اي حته اقعد فيها..
علي پحده _
بس يا بابا والنبي اوضه ايه واي حته ايه وبيت ابنك موجود وعشان ترتاح انا هدخل اسألها دلوقتي..
_دخل علي المطبخ عند اسرااء اللي اول ما شافته قالت..
اسراء _
كويس انك جيت يا علي خد العصير ده اديه لعمي بره لحد ما اخلص تجهيز الغدا انا ما رضيتش اطلع وازعجكم لتكونو بتتكلمو في حاجه خاصه..
علي بهدوء رد عليها وقال _
لا ولا خاصه ولا حاجه ده مشكله بس حلت علي دماغ ابويا والله يا اسراء..
اسراء بقلق _
خير يا حبيبي كفا الله الشړ ماله عمي..
رد عليها علي بحزن وقال _
واحد ابن حرام ضحك عليه وخلاه يمضي علي ورق تنازل عن البيت ورماه في الشارع...
اسراء بحزن قالت _
لا حول ولا قوة الا بالله طيب ليه ما راحش عمل بلاااغ..
علي رد عليها بجديه وقال _
لا ما هو عمل بلااغ بس انتي عارفه القواضي والحاجات دي بتاخد وقت في المحاكم وهو هيقعد معانا هنا فتره وخاېف يكون عندك اعتراض وعايز يمشي يقعد في اوضه ايجار..
قالت اسراء بسرعه وحزن _
ازاي بس كده يا علي ابوك ده ابويا يعني انا لو ابويا الله يرحمه كان عايش واتحط في موقف زي ده كنت هقف جنبه ولا اسيبه اطلع قول ليه ده بيتك يا بابا وانا ومراتي اللي ضيوف عندك...
باس علي راسها وقال _
تسلمي يا بنت الاصول ربنا يبارك ليا فيكي..
_طلع علي وهي كملت تجهيز الغدا واتغدت معاهم وبعدين قامت لمت الاكل وعملت ليهم شاي وجابت كيكه وقدمتها لعبد الصبور وقالت..
اسراء بهدوء 
اتفضل يا عمي دوق الكيكه دي وقولي ايه رئيك لحد ما اروح اروق ليك الاوضه