حماتي خلت جوزي يتجوز عليا في السر

وانا كنت في سابع نومه ومعرفش حاجه عن اللي حصل بره...
تاني يوم الصبح صحيت وقومت جهزت الفطار وصحيت الولاد عشان المدرسه وبعدين تيا صحيت وفضلت تبكي وهشام صحي ع صوتها ونده عليا وزعق وقال...
هشام 
ي حياااه حياااه تعالي شوفي بنتك..
انا كنت بجهز في شنط الولاد في اوضتهم ورديت عليه وقولتله...
حياه 
دقيقه ي هشام وجايه اهووو..
انا فضلت اجهز في الولاد وهشام قام شال تيا وفضل يسكت فيها بس هي مكنتش بتسكت فجه وجبهالي في المطبخ وانا بجهز الفطار وقال بعصبيه...
هشام 
امسكي ي حياه بقالي ساعه بنده عليكي وانتي مطنشه اهلي...
رديت عليه بضيق 
بجهز الفطار اهو ي هشام عشان الاتوبيس بتاع مدرسة الولاد قرب يوصل وانت مش هاين عليك تشيل تيا شويه...
هشام 
والله مش مشكلتي دي مسؤليتك انتي هدخل اخد شاور واطلع الاقي الهدوم جاهزه ع السرير والفطار جاهز...
حياه 
حاضر ي هشام من عينيا...
دخل هشام اوضته انا سكت تيا وبسرعه حطيت الفطار ع البوتجاز ودخلت الاوضه حطيت تيا ع السرير وطلعت هدوم وحطيتلها لعب ع السرير وطلعت كملت الفطار وحطيته ع السفره وبعدين لقيت هشام طالع من الاوضه وماسك القميص ومتعصب.. 
سالته 
خير ي هشام في اي..
زعق فيا وقال 
اي اللي علي القميص ده...
حياه 
دي تيا تلاقيها قشطت عليه...
هشام بعصبيه 
وانا البسه ازاي دلوقتي ي ست هانم..
قولتله بسرعه 
هاته انا هحطه في الغسيل وادخل اطلعلك واحد غيره...
هشام 
لا شكرا انتي تعالي خدي بنتك وانا هطلع لنفسي...
هشام 
دي بقيت عيشه تقرف...
دموعي نزلت ع وشي وبعدين دخلت اخدت تيا وطلعته قميص تاني وخرجت اكمل تجهيز الفطار وطلعت لقيته مشي ع شغله من غير ما يفطر ف لمېت الفطار وقعدت تيا ع الارض وحطيتلها شوية حاجات تلعب فيهم وبدات اعمل اللي ورايا في الشقه زي كل يوم ترتيب وتنضيف وغسل وطبيخ...
وصل هشام شغله وقبل ما يطلع الاسانسير لقي داليا هي كمان لسه واصله...
هشام 
صباح الخير ي داليا..
ردت عليه داليا 
بس متتكلمش معايا انا زعلامه منك ومخصماك...
هشام بقلق 
انا لي كده هو انا اقدر ع زعلك بس...
داليا 
لا انت سهرتني امبارح والصبح مكنتش قادره اقوم وانا مش متعوده ع الدلع ده..
هشام 
هو انتي بتسمي ده دلع ده انت طيبه والله ي داليا...
قربت منه داليا وقالت بخبث 
اومال الدلع بيكون ازاي..
اتوتر من قربها منه ومقدرش يبعد عينه عنها وعن جمالها غير لما جه موظف تاني فبعدت هي عنه ووقفو مستنين الاسانسير وهما ساكتين وهشام مكنش قادر ميبصلهاش بطرف عينه كل شويه...
بعد شويه كنت واقفه جوه المطبخ بجهز الغدا والباب خبط رحت حطيت حجابي وفتحت الباب وكانت حماتي مامت هشام فرحبت
بيها وقولتلها بهدوء...
حياه 
اي المفاجأة الحلوه دي طنط اتفضلي...
دخلت حماتي وبصتلي بقرف وقالت 
اي المنظر ده واي ريحة البصل والتوم اللي طالعه منك دي...