جوزوني واحد اكبر مني بعشرين سنه واللي حصلي كان؟

منه بكام سنه ومراته مش بتخلف فطلقها وبيدور علي وحده صغيره عشان يضمن انه يخلف...
ام عبد الرحمن _
يا اخويا وافق ده راجل مقتدر ومعاه وهيخلي بنتك عايشه برنسيسه..
فتحيه _
ويا سلام يا ماما لو خلفت منه بسرعه هتبقي الكل في الكل..
عبد الرحمن _
بس حرام ارميها كده لراجل كبير وهي لسه ما كملتش عشرين سنه..
فتحيه _
يعني هو انت هتاخد ايه من الصغير اللي يبكي ويضحك ويجوع فيها علي مزاجه ده راجل كبير وفاهم وهيرحها....
_سكت عبد الرحمن وكلام امه واخته ملي دماغه ورجع البيت وقال لمراته اللي فضلت تزعق وتقول بعصبيه...
ام ندي _
انااا عارفه ان امك واختك هما اللي ملو دماغك بالكلام ده بس علي مين انا محدش هيتحكم في حياة بنتي تاني...
عبد الرحمن _
جرا ايه يا وليه يا خرفانه انتي دي بنتي انا كمان وبعمل كل ده لمصلحتها..
جات ندي وسالتهم وقالت _
في ايه يا ماما انتي وبابا الدنيا ليل علي صوتكم العالي ده الناس هتتفرج علينا كده حرام عليكم..
ام ندي پحده _
تعاالي يا اختي شوفي ابوكي هيعمل فيكي اييه عايز يجوزك لمحمد الجندي اللي قده في العمر..
اټصدمت ندي وقالت _
ايه ازاي بس يا بابا..
قال عبد الرحمن بعصبيه _
بمزاجي منك ليها انا راجل البيت وانا اللي اقرر اعمل ايه وما اعملش ايه مش كفايه مشيت وراكم ودخلتها ثانويه بدل الدبلون وصرفت اد كده عليها واداينت لطوب الارض وفي الاخر كسفتنا وما جبتش مجموع...
ندي پبكاء _
يا بابا انا مش هتجوز الراجل ده انا من حقي اوافق وارفض براحتي...
زعق فيها عبد الرحمن _
لا ما عنديش انا الكلام ده انا اللي اقوله يتنفذ وبس..
_وبعد كام شهر اتجوزت ندي محمد اللي في الشكل والسن اكبر من ابوها وكانت حزينه جدا واول ما دخلت معاه الشقه قعد علي الكنبه وقال ليها پحده...
محمد _
بقولك يا ندي عشان نبقي متفقين انا ماليش في دلع البنات ولعب العيال انتي بقيتي ست متجوزه ومسؤله..
مسحت ندي دموعها وقالت _
حاضر..
محمد _
روحي طيب غيري الفستان ده وجهزي العشا عشان ناكل وبعدين ننام..
ندي _
حاضر...
_دخلت غيرت الفستان وبصت للاوضه والعفش كل حاجه هنا حلوه وما كنتش تحلم تقعد فيها بس هي المره دي مش عايزاها بوجود الراجل اللي بره ده اللي بيقولو انه بقي جوزها وهي لسه في اول حياتها..
_وتاني يوم صحيت ندي علي صوت خبط علي باب الشقه فقال ليها محمد پحده..
محمد _
ما تقومي تفتحي يا بت انتي..
قامت ندي من جنبيه وقالت _
حاضر قايمه اهو..
_طلعت فتحت الباب وكانت سهير اخت محمد الصغيره ومعاها فتحيه عمتها فقالت فتحيه..
فتحيه _
صحيناكم يا حبيبتي ما انا قولتلك يا سهير بلاش نزعج العرسان..
سهير بضيق 
ما هما صاحين اهو..
قالت _
ايوه صحينا خلاص اتفضلو..
دخلت سهير وقالت ليها بضيق _
ابقي غيري هدومك يا حلوه