اخويا بيتاجر عشان الفلوس
انت في الصفحة 7 من 7 صفحات
جدا وبص لجهاد وقال بدموع..
عماد _
حقك عليا يا جهاد سامحيني...
نزلت دموعها وردت عليه وقالت _
اللي بيسامح ربنا يا عماد ربنا يشفيك..
عماد پبكاء _
والله ما كنت عايز اعمل فيكي كده سامحيني ابوس علي ايدك انا خلاص اتقبض عليا وكان معايا الزقت اللي بشربه يعني خلاص مستقبلي ضاع...
مسحت جهاد دموعها وقالتله _
مقدرش اسامحك بس برضو مش قادره اكرهك عشان انت اخويا وصعبان عليا فاللي عملته في نفسك ده ربنا يهون عليك يا عماد..
_قالت كلامها وسابته وطلعت ومعاها شيماء وعلي وبعدين موبيل شيماء رن فقالت..
شيماء _
ده المحامي اللي ماسك القضيه بتاعت الورث هرد عليه علي جنب واجيلك..
علي _
انا عندي اخت اسمها ملك..
جهاد بضيق _
وانا مالي بتقولي كده ليه..
رد عليها علي بهدوء وقال _
عارف يا جهاد اوقات بتيجي حاجه كده لا علي البال ولا الخاطر تغير حياتك 180 درجه انتي كنتي الحاجه دي يا جهاد بالنسبالي لولاكي كان زماني في مكان اخوكي او في مكان اوحش منه كمان والله واعلم كان هيحصل ايه في اختي لو ما كنتش فوقت بدري من اللي كنت بعمله في بنات الناس..
جهاد بدموع _
انت عايز مني ايه طلبت منك حاجه واحده بس انك تسيبني في حالي ليه مش عايز تنفذها ليا..
تتجوزيني يا جهاد انا عايز اصلح اللي عملته واقسم بالله اتغيرت...
جات شيماء وقالت _
جهاد في خبر حلو مجدي قال نحل الموضوع ودي وهديكي انتي وعماد حقكم وحق عماد هيتحط في البنك لحد ما يخلص عقوبته ويطلع يستلمه..
قال علي بسرعه _
طيب بالمناسبه الحلوه دي مش ناويه توافقي بقي علي طلبي..
شيماء بعدم فهم _
طلب ايه..
ردت عليهم جهاد وقالت بتوتر _
انا دلوقتي هبقي مشغوله بسبب الورث والقضيه وكده هبقي اشوفك وقت تاني يا علي..
ابتسم علي وقالها بفرحه كبيره _
بجد يا جهاد..
_اتكسفت جهاد واخدت شيماء ومشيت وكانت دي بدايه لتغير حياتها والعوض ليها عن كل اللي شافته..
_واخيرا بقي لكل اخ وكل اخت لازم تبعدو الشيطان عن علاقتكم ابعدوه عن اجمل علاقه في الدنيا علاقة الاخوه الاخ يا اصدقائي اب تاني لاخته والاخت ام تانيه لاخوها بلاش الكره يدخل وسط الاخوات بلاش اجمل علاقه في الدنيا تبوظ بسبب الطمع..
