اخويا بيتاجر عشان الفلوس

جهاد لحماس وقالت _
فاهمه حاضر..
_وبعدين خرجت جهاد من عند الست نورا ودخلت البيت بالمفتاح اللي معاها واول ما شافها عماد زعق فيها وقال....
عماد _
انتي هتستهبلي ياا بت مروحتيش ليه عند الراجل اللي مستنيكي....
بصتله من فوق لتحت بقرف وقالت _
مروحتش ومش هروح لحد تاني والفلوس اللي عايزها اهي..
مسك عماد الفلوس وهو مبسوط وقال _
ايه ده جيبتهم منين علي كلمني وقالي انك ما روحتيش اصلا..
بصتله بسخريه وقالت_
هيفرق معاك جيبتهم منين اوووي...
اتملت عيون عماد دموع وقالها بضيق _
مش بايدي اعمل كده انا لو مبقاش معايا فلوس اجيب بيها الزفت اللي بقي مالي جسمي ده مش هقدر اتحمل التعب اللي هتعبه مش هقدر اعيش يا جهاد..
زعقت فيه پبكاء وقالت _
ان شا الله عنك ما عشت ولا عملت فيا كده يا شيخ انا کرهت نفسي بسببك منك لله ربنا ينتقم منك...
_سابته ودخلت اوضتها وفضت تبكي وهو كمان دموعه نزلت بس برضو مرجعش عن اللي في دماغه واخد الفلوس ونزل عشان يجيب بيها اللي عايزه..
_تاني يوم راحت جهاد مع الست نورا للمطعم بتاع قريبها وكان راجل طيب اووي وقالهم..
الحج خالد _
تنور المطعم يا ست نورا كفايه انها من طرفك..
الست نورا _
تسلم يارب يا حج خالد طيب هي هتبدأ من امتي..
بص الحج خالد لجهاد وقالها بهدوء _
تحبي تبدأي من امتي يا جهاد يا بنتي...
كانت جهاد مبسوطه جدا انها هتشتغل وردت عليه وقالت _
من دلوقتي لو حضرتك ما عندكش مانع..
الحج خالد بهدوء _
طيب اتفقنا تقدري تدخلي جوه هتقابلك بنت اسمها اميره هتديكي اليونيفورم بتاع الشغل وهتفهمك كل حاجه..
ردت عليه جهاد وعيونها اتملت دموع وقالتله _
انا بجد مش عارفه اشكركم ازاي...
ضحكت الست نورا وقالتلها _
هههههه اشكرينا بشغلك الحلو يلا بلاش كلام كتير..
_ودخلت جهاد جوه واتعرفت علي اميره اللي كانت بنت في سنها تقريبا وكانت طيبه اووي وعلمتها الشغل كويس جدا ولما رجعت بالليل لقيت اخوها عماد قاعد في الصاله ومعاه البنت اللي اسمها سماح فبصتلهم بقرف وجات تدخل اوضتها بس وقفت لما سمعت سماح بتقول..
سماح بسخريه _
طيب ارمي السلام حتي ولا انتي داخله علي شياطين..
بصتلها جهاد من فوق لتحت وردت عليها بقوه وقالت _
الشياطين مفرقوش عنكم كتير...
_قالت كلامها ودخلت اوضتها وكانت مبسوطه انها لقيت شغل فلوسه حلال وقامت غيرت هدومها واتوضت عشان تصلي الاوقات اللي فاتتها وبره كانت سماح متغاظه منها وقالت لعماد..
سماح پحده _
شايف اختك بترد عليا ازاي هي مالها شايفه نفسها اووي كده ليه ما الحال من بعضه...
اتنهد عماد بضيق ورد عليها وقاال _
ما لكيش دعوه بيها يا سماح سبيها في حالها..
وبعدين عيونه اتملت دموع وقال _
كفايه اللي حصلها وبيحصلها بسببيوبسبب القرف اللي بشربه...
سماح بسخريه ردت عليه وقالت _
وكان عليك ايه من الاول ما كنت سيبتها عند. اخواتك بس انت طماع يا عماد متعملش فيها غلبان وانها صعبانه عليك عشان لو الفلوس اللي معاك خلصت دلوقتي هتعمل فيها اللي عملته قبل كده ولا هيفرق معاك حاجه وقتها غير انها تجيبلك فلوس عشان مزاجك..
اتعصب عماد وزعق فيها وقال _
وبعدين طيب قفلي علي الموضوع ده خالص..
سماح بضيق ردت عليه وقالت _
خلاص يا اخويا نقفل عليه بس علي فكره علي مبقاش يكلمني غير عشان يسألني علي اختك ومبقاش يطلب اي حاجه غير انه يعرف حاجات عنها شكلها شاغله باله اوووي..
اتغاظ عماد وقالها _
بقولك ايه امشي غوري اطلعي بره...
ضحكت سماح وقالتله _
ههههههههه لا عندك نخوه اووي يا اخويا بلا نيله..
_قالت كلامها وطلعت وعماد كان متغاظ جدا وفي اللحظه دي قال ان لو الزمن رجع بيه ما كانش عمل في اخته كده خالص...
_بعد كام يوم كانت جهاد شغاله في المطعم تقدم طلبات للزباين هي واميره صاحبتها الجديده وكانت مبسوطه في الشغل جدا وفي يوم دخلت اميره جوه وقالتلها بهدوء..
اميره _
يا جهاد...
ردت عليها جهاد _
نعم يا اميره خير ان شاء الله...
اميره _
في واحد بره سال عليكي وقال عايزك..
قلقت جهاد وقالت _
يالهوي ليكون عماد اخويا وجاي يعملي مشاكل هنا..
قالتلها اميره بهدوء _
لا لا مش اخوكي اللي ورتهولي في الصوره ده واحد تاني حتي مش من زباين المطعم..
جهاد _
طيب هتعبك يا اميره تودي الطلب ده