حماتي اكلتني من الزباله_ الحلقه الاولي

نفسك يا حماتي انا مفيش شغل بعمر فيه حظي وحش في الشغل المهم انا جعانه وانتي قولتيلي جهزي اللكل وانا ملفتش اي حاجه في التلاجه..
الحما بخبث ردت عليها وقالت _
تعالي انا جيبالك سندوتشات من الغاليه دي اللي عمر اهلك ما شموها تعالي كلي وافتحي دماغك كده واسمعيني كويس...
اخدت وفاء الاكل وبصتله باستغراب وقالت _
بس دي حاجات متاكل منها يا حماتي...
الحما بتوتر _
هه لا دول بس انا جيبتهم ليا ومهانش عليا اسيبك من غير اكل وقولت اخليلك منهم..
بدات وفاء تاكل عشان كانت جعانه وقالتلها حماتها _
بقولك ايه ما تنزلي معايا الشغل..
وفاء بسخريه _
وانا هعمل معاكي ايه في الشغل بس يا حماتي..
الحما بحماس _
انا اقولك انتي هتروحي عند. صناديق الزباله تجيبي منهم علب الكانز قزاز المايه وتلميهم في كيس كبير وتبيعيه هتطلعيلك بمبلغ محترم اخر اليوم..
وفاء بضيق قالتلها _
بقولك ايه يا حماتي انا ااه اهلي ىاحو ومرات ابويا العقربه هي اللي ربتني بس انا عمري ما اروح اشتغل في الزباله ومتزعليش مني...
اتغاظت الحما وقالتلها پحده _
اسم الله يا اختي ما انتي بتاكلي من الزباله اهو...
سابت وفاء الاكل بسرعه وقالت _
بقي كده يا حماتي تضحكي عليا وتاكليني من الزباله انتي ايه ما فيش في قلبك رحمه..
_الباب خبط وقامت الحما وفتحت الباب اللي كان بيخبط وكانت نهي مرات ابنها الكبير..
نهي بهدوء _
جرا ايه يا حماتي فين الخضار والحاجه اللي ادماكي فلوس عشان تجبيها...
الحما _
تعالي يا بنتي جوه اهي تعالي نطلع فوق عندك انتي وجهاد نطبخ وناكل سوا...
نهي بخبث _
هي لسه جوزها ما بعتلهاش فلوس..
الحما بضيق _
يا اختي تلاقيه شافله شوفه هناك وعايش حياته بعيد عن البومه الهم دي..
_مشيت حماتها وسلفتها وهي بصت للاكل اللي كان من الزباله ومن الجوع اكلته وهي پتبكي وبعدين حوزها رنت عليه فقالتله علي اللي حصل وهو ادايق ورد عليها وقال..
عاطف بحزن _
معلش يا وفااء اتحملي شويه وانا تظبط اموري وهبعتلك كل شهر اللي يكفيكي ويزيد....
وفاء پبكاء قالتله _
لا والله هي تمورك لسه ما اتظبططتش ده انت مسافر يجي ليك شهر ونص...
رد عليها عاطف وقال _
طيب انا اعمل ايه يعني يا وفااء انا اللي اشتغلت بيهم بعتهم للناس اللي كنت مستلف منهم ولا انتي نسيتي اني مكانش معايا قرش وانا مسافر...
مسحت وفاء دموعها وقالت _
ماشي يا عاطف المهم خلي بالك من نفسك ومتشغلش بالك يا ما دقت علي الراس طبول...
_بعد كام يوم صحيت وفاء من النوم زكانت جعانه جدا ومن الجوع مش قادره تتحرك دورت في المطبخ علي اي حاجه لقيت في كيس في عيش فاسد وناشف وطبق فيه جبنه قديمه مسكت العيش الناشف وبلته في مايه وبعدين فضلت تاكل جبنه بس فجاه حست انها هتقع من طولها ومقدرتش تسند نفسها ووقعت مغمي عليها..
_وبعد شويه جات حماتها ولما لقيتها كده قومتها وفوقتها ودخلتها جوه فقالتلها وفاء پبكاء..
وفاء _
عايزه اروح المستشفي يا حماتي لازم الدكتور يشوفني انا بطني بتتقطع..
الحما ببرود ردت عليها وقالت _
اهدي كده وقولي هديت انا بقالي كام يوم شاكه فيكي انك حامل ف هنزل اجيبلك اختبار حمل من الصيداليه واجي..
_نزلت الحما وقعدت وفاء مصدومه من كلام حمانها هي ممكن تكون حامل وقالت لنفسها پبكاء..
وفاء _
يارب يطلع بجد في حمل وارزقني يارب بعيل يكون ليا انا وابوه السند من بعدك..
_فضلت حاطه ايدها علي بطنها وبتدعي انها تطلع حامل وجات حماتها بعد شويه ودخلت هي الحمام وطلعت اديت الاختبار لحماتها وقالت..
وفاء بحماس ولهفه _
هاا يا حماتي قوليلي طلعلك ايه في حمل صح...
ردت عليها حماتها بضيق وقالت _
والنبي با اختي ما فاهمه حاجه هما ايه العلامتين اللي حمرو دول..
وفاء بغيظ _
وانا هعرف منين يت حماتي يعني هو انا كنت حملت قبل كده مش انتي مخلفه تلات عيال ما تعرفي..
الحما بضيق ردت عليها وقالت _
مكانش علي ايامنا الحاحات دي كانت لما بطني تكبر اعرف اني حامل بقولك ايه روحي عند السلم واندهي علي جهاد تيجي هي تجيبلنا قرار البتاع ده..
وفاء بارهاق _
يا حماتي انا بطني بتقطع فيا ودايخه روحي اندهيلها انتي..
زعقت فيها الحما وقالت _
ما تتحركي يا بت انتي وبطلي دلع فااضي...
_اتنهدت