جوزي سرق دهبي واتجوز عليا الاخيره

يعني اخرج اتاخر اجي بدري ده بمزاجي...
اتعصبت منار منه بس قررت متردش عليه عشان الموضوع ميكبرش وسابته ودخلت اوضتها وقالت بكره تبقي تعاتبه يكون هدي شويه دخل هو وراها وغير هدومه ونام جنبها واداها ضهره ف بصت عليه لقيته مش نايم وماسك موبيله...
تاني يوم الصبح صحيت منار وقامت اخدت شاور وغيرت هدومها وبعدين راحت تصحيه عشان ميتاخرش ع شغله...
منار بهدوء 
مصطفي ي مصطفي قوم عشان متتاخرش...
رد عليها بعصبيه 
يووه خلاص متنيل قايم اهو...
ادايقت منار وسابته وخرجت وبدأت تجهز في الفطار ودموعها ع وشها وبعدين طلعته ع السفره ولقيته خارج من اوضة النوم وكان مكشر و متعصب...
منار بضيق 
الفطار جاهز اهو عشان متتأخرش..
اتنهد ورد عليها 
مليش نفس...
منار بحزن 
يعني هتنزل من غير فطار ي مصطفي...
مصطفي پحده 
ايوه ولا عندك. مانع في دي كمان...
منار پبكاء 
هو في اي ي مصطفي انا عملت حاجه تزعلك طيب..
رد عليها بكل برود وقال 
انا همشي عشان اتاخرت وبطلي تستفزيني ي منار وتجيبي المشاكل ل نفسك...
مشي هو ع شغله وقعدت هي ټعيط و بعدين شالت الفطار و روقت البيت و بدأت تجهز الغدا وهي مش عارفه اي اللي حصل منها عشان يتعصب كده عليها...
رجع هو بعد مخلص شغله وكانت هي لابسه فستان جديد وفارده شعرها وكانت حلوه جدا وقالتله..
منار بهدوء 
حمد لله ع سلامتك تحب اجهزلك الغدا...
مصطفي بضيق 
لا شكرا انا اتغديت بره...
ادايقت منار وردت عليه 
بالهني والشفي طيب اعملك شاي...
اتنهد ورد عليها بعصبيه 
شربت بره ممكن بس تسكتي هو انا معرفش اقعد في بيتي في هدوء...
منار بدموع 
كل ده. عشان بسالك تتغدي ولا لا او اعملك شاي تصدق انا غلطاانه...
زعق مصطفي 
يااادي القرف اللي عايش فيه كل شويه نكد وعياط انتي لي بقيتي بومه اووي كده...
منار پبكاء 
انا بومه ي مصطفي بقي دي اخرتها...
مصطفي بعصبيه 
تصدقي انا غلطان اني جيت في وشك انا هسيبهالك واغور في ستين داهيه ابكي براحتك بقي...
مشي مصطفي ورزع الباب ورااه وقعدت منار ع الارض تبكي وهي مش فاهمه ومش عارفه هي عملت اي عشان يعاملها بالطريقه دي..
بعد شويه الباب خبط فقاما ومسحت دموعها وراحت فتحت الباب لقيت حماتها في وشها...
ام مصطفي بقلق 
مالك ي بنتي بټعيطي كده لي.
منار پبكاء 
مفيش حاجه ي طنط اتفضلي...
دخلت ام مصطفي مع منار وقعدو في الصاله وكانت منار بتحاول تبطل عياط بس مش عارفه...
منار 
اعملك اي تشربيه ي طنط...
ام مصطفي 
ولا اي حاجه ولا هدوق اي لقمه غير لما اعرف مالك...
منار وهي بتمسح دموعها 
مفيش حاجه ي طنط انا كويسه بس افتكرت حاجه زعلتني...
ام مصطفي پحده 
هو انا عبيطه ولا هبله ي بنت انتي متقولي في اي بقي متتعبنيش