اهلي جوزوني اتنين عشان؟ الجزء الاول بقلم هويدا زغلول 

يعني اي ي امجد هنأجل الفرح..
امجد وهو بيمثل الحزن _
لا طبعا انا عندي حل..
امنيه بدموع _
حل اي بس وانت بتقول ان مقدم الشقه ضاع منك هنتجوز فين بس...
امجد _
في بيت ابويا ي امنيه...
امنيه _
ازاي يعني هنتجوز في بيت اهلك وهما هيقعدو فين..
امجد _
معانا برضو ابويا وامي هيقعدو فاوضتي وانا هاخد اوضتهم الكبيره وفيها حمام يعني كانها شقه صغيره..
امنيه بحزن _
ازاي بس ي امجد طيب وجهازي هحطه فين الاوضه دي مش هتشيله..
قرب منها ومسك ايدها وقال _
ي حبيبتي مؤقتا مش هنقعد ع طول عندهم وجهازك نشيله فكراتين فالاوضه اللي ع السطوح لحد مربنا يفرجها عليا واجيب شقه ونبقي نفرشها...

امنيه بقلق 
بس اا..
زعق امجد فيها وقال بعصبيه _
يووه ي امنيه انا بحاول الاقي حل عشان نتجوز وانتي بتعقديها لو ي بنت الناس مش عايزه تتجوزي قولي وكل واحد يروح لحاله..
خاڤت امنيه لخطوبتها تتفسخ ووقتها محدش هيجيلها وهتبور..
فقالتله بسرعه ودموعها نزلت ع وشها _
خلاص ي امجد اللي تشوفه صح اعمله..
وبعد شويه مشي امجد ومامتها كانت مټعصبه منها جدا...
امنيه بدموع _
عشان خاطري ي ماما توافقي..
الام _
اوافق ع اي هو انتي بايره ولا فيكي عيب عشان اجوزك فاوضه في بيت عيله...
بكت امنيه وردت عليها 
ي ماما لو امجد سابني هبور وهقعد جنبك كل صحابي اتجوزو وخلفو الا انا..
الام بحزن 
انتي اللي مكبره نفسك ع الفاضي ي بنتي لسه العمر قدامك سيبيه وهيجيلك باذن الله احسن منه..
امنيه 
كان جه الاول قبل ميجيلي امجد انا مش هضيعه من ايدي واقعد مستنيه النصيب تاني ي ماما..
الام 
براحتك ي امنيه بس افتكري اني نصحتك..
_عدت الايام وقبل الفرح بكام يوم كلم امجد امنيه وقالها..
امجد وهو بيمثل الحزن _
معلش ي امنيه ي حبيبتي مش هنقدر نعمل الفرح...
خاڤت امنيه وسالته _
لي بس ي امجد حصل اي..
امجد بخبث وكدب _
واحد قريبنا فالشرقيه رااح وغلط نعمل فرح..
امنيه بحزن _
البقاء لله ي حبيبي..
امجد _
وحياتك الباقيه..
امنيه بقلق _
طيب خلاص ناجل الفرح..
زعق امجد فيها _
يووه ي امنيه تاني ناجل الفرح انتي بتتلككي صح..
ادايقت امنيه وردت عليه 
انا ي امجد بتلكك ابدا والله انا بس عايزه افرح ويتعملي فرح..
امجد بضيق _
طيب وانا ااعملك اي حظك كده وبعدين قرايبنا كلهم بيقوليلي اسيبك عشان وشك وحش علينا وانا مش راضي..
خاڤت امنيه ليسيبها فعلا وقالتله بسرعه..
امنيه _
خلااص ي امجد اللي تشوفه اعمله..
امجد _
متزعليش بس انتي وانا ربنا يقدرني واخلي ايامك كلها فرح..
امنيه بحزن _
ربنا يخليك ليا طيب مدام مش هنعمل الفرح منجيب الدهب..
اتوتر امجد وقالها _
مينفعش ي امنيه ااا الدهب بقي غالي اليومين دول وانا مش عايز نتجوز وابقي مديون بره بحاجه..
امنيه بحزن _
خلاص ي امجد. اللي تشوفه..
_عدت الايام واتجوزت امنيه امجد وراحت قعدت معاه في بيت اهله والنهارده كان