مراتي وابوها قـ تـ لو امي والسبب؟ 3

هيبقي ليا الشرف..
هاجر بتوتر
يا ماما هو وقته الكلام ده برضو بابا لسه رايح و..
مروه 
انا موافقه وعلي اخر الشهر كتب كتابك عليها وطبعا مش هنعمل فرح عشان الظروف..
ماجد 
انا مش عارف اقولك ايه والله بس كل اللي تطلبيه انا هنفذه وربنا يقدرني واقدر اسعد هاجر..
ادايقت هاجر وقالت
انا داخله اوضتي انام بعد اذنكم..
مروه 
معلش يا ابني بس هي عشان اللي حصل للمرحوم مدايقه..
ماجد 
لا ولا يهمك انا هنزل بقي اشوف الناس اللي بتلم الفرش...
وخلص كلامه ونزل واحمد قال
يا ماما انا قابلني ابو سهي مراته الاولانيه واحنا في الترب وقالي ان ماجد هو اللي عمل كده في ابويا تفتكري ان هو بيتكلم بجد..
سكتت مروه وقالت
ادخل نام يلا انا وافقت بماجد عشان انت لسه صغير وانا واختك والبيت ده عايز راجل كبير يتسند بيه..
ادايق احمد ودخل نام ومروه كانت بتفكر في كلام احمد االي قاله وتاني يوم راحت لبيت سهي وقالت لابوها..
مروه 
الكلام اللي انت قولته لاحمد ابني جيبته منين..
ابو سهي
هكون جيبته منين يعني من اللي شوفته ما حدش يعرف ماجد قدي انا..
مروه 
طيب ايه اللي يخليه يعمل حاجه زي دي بس..
ابو سهي 
والله مش عارف بس اكيد في سبب عمل عشانه كده..
مروه بتفكير
هو قبل اللي حصل لجوزي بيوم جه واتقدم عشان يتجوز بنتي بس جوزي رفضه..
سهي 
ماجد يوم ما جه يطلقني قال انه هيطلقني عشان يتجوز واحده بيحبها من وهي صغيره وقيل ما يشوفني..
مروه بقلق
طيب وانا اعرف ازاي دلوقتي هو ولا مش هو...
ابو سهي 
انا هقولك ازاي تعملي كده....
وبالليل راح ماجد بيت الست مروه وهو جايب حاجات كتيره واول ما قعدت مروه معاه قالتله..
مروه 
ما كانش ليه لزوم كل اللي انت جايبه ده كله يا استاذ ماجد...
ماجد 
ما تعمليش فرق يا حماتي احنا بقينا اهل..
مروه 
بس انا مش موافقه بصراحه كده ما ارتاحتش للموضوع انا وبنتي وياريت كل واحد يروح لحاله من البدايه..
اتعصب ماجد وايده بدات تترعش وقال
بس انتي قولتيلي ان انك موافقه وانا عشمت نفسي و..
مروه 
وخلاص مش موافقه هو بالعافيه. ولو سمحت خد الحاجه اللي معاك دي واتكل علي الله..
_وقف ماجد وبص لمروه بكل حقد واخد الحاجه اللي معاه ومشي....
هاجر 
انا بجد ما بقتش فاهمه منك حاجه ليه طيب قولتيلو انك موافقه من الاول..
احمد 
هاجر معاها حق يا ماما ليه قولتي انك موافقه وانتي مش موافقه..
مروه 
انتو هتحسبوني ولا ايه انا داخله انام ومش عايزه كلام تاني في الموضوع ده وكل واحد فيكم يرمز في مذاكرته...
وتاني يوم بالليل كانت مروه جايبه حاجات ومروحه وقابلها ماجد وكان شكله هادي اووي وقرب منها وقال..
ماجد 
ازيك يا ست مروه عامله ايه..
مروه
بخير الحمدلله لله يا استاذ ماجد في حاجه ولا ايه..
ماجد 
كنت عايزك في كلمتين كده قدام بيتي مش هعطلك..
مروه 
ماشي يا ابني يلا بينا...
وراحو وقفو قدام البيت وكانت البيوت ليها نظام مختلف ليها بابين باب كبير ومن جوه الباب بتاع البيت نفسه..
مروه 
ايوه يا ابني انا سمعاك اهو..
ماجد 
انا عايز اتجوز هاجر وهتجوزها سواء انتي رضيتي او لا انتي معذوره ما تعرفيش انا عملت ايه عشان اتجوزها..
مروه 
انا عارفه تحب اقولك انا عملت ايه انت اللي عملت في امك والست نعمه وجوزي اللي حصلهم مش كده..
ضحك ماجد بشړ
طيب ما انتي عارفه كل حاجه اهو وفرتي عليا كلام كتير وشكلهم كانو غاليين اووي عليكي وانا هخليكي تحصليهم..
وقبل ما يقرب منها دخلت الشرطه ومسكته ومعاهم ابو سهي والظابط قال..
الظابط 
وقعت ولا حد. سمي عليك يا ماجد فعلا يوضع سره في اضعف خلقه..
ماجد 
انا ماليش دعوه هما اللي عقدوني هما اللي كرهوني في حياتي انا هاجر اللي هكون مبسوط معاها..
الظابط زعق في العساكر
انتو واقفين ليه خظوه علي البوكس وانت يا حج انت والست مروه تيجو بكره عشان تقولو اقولكم وكويس انكم بلغتو وخلتونا نراقب تحركاته...
وقال الظابط كلامه ومشي وقالت مروه لابو سهي
انا مش عارفه اشكرك ازاي انا كنت هجوزو بنتي وانا مغمضه..
ابو سهي 
خافي علي عيالك يا ام احمد وبلاش الثقه الزياده في الناس ده المثل بيقول يا ما تحت السواهي دواهي..
مروه 
معاك حق يا حج بعد اذنك بقي..
وطلعت مروه لولادها واستعوضت ربنا في جوزها واللي حصله اما ماجد اتحكم عليه انه مش طبيعي واتحول لمستشفي الامړاض العقليه وصفيه طلعت براءه بس
رجعت بلدهم وعاشت فيها وسابت الحاره...
_وفي الاخر ياريت نكون اتعلمنا ان مش اي حد ندخله بيتنا وحياتنا ونثق فيه وبلاش نصدق اي حاجه بتتقال علي حد ان بعد الظن اثم...