مراتي وابوها قـ تـ لو امي والسبب؟ 1
الحق بيت البنت قبل ما يتخرب....
نعمه بخبث
هو انا مش عارفاكي وعارفه انك عينك من الواد ماجد وما حدش بيسخن امه علي مراته غيرك..
صفيه
طيب كويس انك عارفه انا هاخد بقي العشا واوديه للاستاذ ماجد وحماتي المستقبليه بعد اذنك..
نعمه
روحي يا صفيه ما هو كله في الاخر هيجي علي دماغك انتي بس اللي ما يزعلش..
واخدت صفيه صنية الاكل وراحت بيت ماجد اللي كان قاعد مع مامته وقام وقف في الشباك وكانت البلكونه في الدور الارضي وقدام بيت مروه كانت هاجر واقفه بتكلم صاحبتها في الموبيل ابتسملها ماجد. وقال.
يا انسه هاجر صوت ضحكتك عالي شويه بعد اذنك ممكن تتكلمي جوه..
اتوترت هاجر وقالت
اا انا اسفه حاضر بعد اذنك يا استاذ ماجد..
ودخلت جوه بسرعه وهو كان بيبصلها بكل حب ومامته ضحكت وقالت بسخريه..
ام ماجد
هههههه لا حمش اووي يا ابن بطني..
ماجد
خير يا ست الكل البنت من اهل حتتي ومش عايز حد يقول عليها كلمه كده ولا كده..
هو انت فاكرني نسيت يوم ما جيت وقولتلي انك عايز تتجوزها بس كانت لسه هي في اولي ثانوي ووقتها انا مني لله روحت جيبت ليك اللي ما تتسمي وكنت فاكراها بنت اصول..
ماجد ادايق وقال
يووه بقي انا زهقت والله من السيره دي اقولك انا سيبهالك ومشي..
وكان طالع لقي في وشه صفيه وهي ماسكه صنية العشا... واول ما شافته قالت..
علي فين بس يا استاذ ماجد ده انا عملت العشا بنفسي وجايه نتعشي سوا..
ماجد بضيق
بالهني والشفا علي قلبك انتي وامي..
وبعدين بص لمامته وقال
ابقي اقفلي الباب يا ست الكل انا هبات في الشغل في حاجات ضروريه لازم اخلصها..
ام ماجد
طيب انت مش واخد معاك المفتاح ولا ايه..
ماجد
لا انا جاي الصبح ان شاء الله وهبقي اخليكي تفتحيلي..
طيب خلي بالك من نفسك بقي يا استاذ ماجد...
ماجد
الله يخليكي يا ست صفيه بعد اذنكم..
وفي بيت اهل سهي مرات ماجد كانت قاعده مع باباها وقالتله..
سهي
بقولك ايه يا بابا انا هرجع بكره بيتي كفايه بقي كده بقالي اكتر من اسبوع قاعده هنا..
الاب
لا طبعا انتي مش هتروحي هناك غير لما يجي المحروس جوزك ويعتذر عن اللي عملته امه..
يا بابا ماجد غلبان وانا بصراحه باجي عليه لاني بكون مټعصبه من حماتي ومش بلاقي حد غيره اطلعهم عليه..
الاب
ولو برضو انتي لازم تبقي ليكي قيمه معاهم ويعرف يوقف امه عند حدها..
سهي
معلش يا بابا خليها عليك المره دي ماجد احنا ما شوفناش منه حاجه وحشه ده انت نسيت لما كان بيروح يلف علي العلاج بتاعك..
خلاص يا سهي اللي يريحك يا بنتي اعمليه..
سهي
ربنا يخليك ليا ويباركلي فيك يا احسن اب في الدنيا...
وخلصت كلام مع ابوها ودخلت نامت بس كلمت جهاد صحبتها وقالتلها..
سهي
ايوه يا جهاد انا كلمت ابويا وقولتله اني هاجي بكره ارجع بيت جوزي
