اخو جوزي عايز يتجوزني _ الحلقه كامله _ بقلم هويدا زغلول _

وقال _
طيب اومال ليه الناس قالت انها طفشت مع عشيقها..
نزلت دموع نيره وردت عليه وقالتله _
عمي بعد ما عرف انها اتجوزت اتعصب وادايق وطلع عليها الكلام ده وما عملش حساب اني بنت وسمعتي من سمعت امي واول ما اتقدملي اسامه اللي اكبر مني بعشرين سنه وكمان كان متجوز قبل كده مرتين وكمان مش بيخلف وافق عليه علي طول وحرمني من اني افرح بجوازي او حتي ابقي ام..
مد ايده حسام ومسح ليها. دموعها وقال _
ممكن تبطلي عياط مع ان عينيكي شكلها حلو اووي وانتي بټعيطي بس كفايه..
ابتيمت نيره وقالها حسام _
علي فكره انا مصدقك ومصدق كل كلمه. انتي قولتيها...
نيره بحزن _
انت الوحيد اللي مصدق اسامه ومامتك واختك كدبوني واديك شايف المعامله اللي بتعامل بيها علي ءنب انا ومامتي ملناش اي دعوه بيه..
حسام پحده _
عشان ما يستهلوكيش يا نيره انتي المفروض كنتي تتجوزي واحد بيحبك واحد يقدر انك ست جدعه وبنت بمليون راجل واحد يعوضك ان غياب باباكي ويبقالك هو الاب والاخ والزوج والابن كمان..
مسحت نيرع دموعها وقالت _
يلا الحمد لله علي كل حال اي ده الساعه خمسه المغرب احنا ازاي اتاخرنا كده..
ضحك حسام وقالها _
يا ستي كبري دماغك هي خروجه واتحسبت علينا وخلاص تعالي بقي نشتري كام حاجه عشان هفرش بيهم شقتي اللي فوق شقتك انتي واسامه...
نيره بهدوء سألته وقالت _
انت هتتجوز فيها صح..
بصلها وسرح وبعدين رد عليها وقال _
لو اللي في بالي هي اللي كانت صاحبة النصيب يبقي مش هتجوز فيها هجيبلها احلي شقه في احلي مكان في مصر...
ادايقت نيره وهي مش عارفه ليه حست بغيره انه ممكن يتجوز ويبقي مع وحده تانيه وبعدبن حاولت تبتسم وقالتله..
نيره _
ربنا يرزقك ببنت الحلال يارب..
ضحك حسام ورد عليها وقال _
طيب يلا يا بنت الحلال عشان منتاخرش اكتر من كده..
_رجعو البيت وكانت ام اسامه قاعده مټعصبه انهم اتاخرو واول ما دخلو قالتلهم پحده..
ام اسامه _
ما لسه بدري منك ليها...
خاڤت نيره فقعد حسام جنب مامته وقال بخبث _
اسكتي يا ماما مش انا جالي مشوار مهم واحنا في محل الموبليا وسيبت نيره هناك وروحت وقعدت اكتر من اربع سعات ورجعت يا حرام لقيتها مستنياني..
الام پحده قالته _
ينفع كده يا حسام حرام عليك البنت دي لسه قدامها ترويق وتنضيف وتجهيز اكل..
اتنهد حسام بضيق وقال _
مرات البواب بتاع العماره اللي جنبينا انا هبعتلها تيجي تخلص كل حاجه وادفعلها اجرتها..
الام بضيق _
طيب وليه المصاريف دي كلها بس..
حسام پحده _
يعني يا ماما البنت معايا اليوم كله وطلعان عينها وكمان اخليها تعمل شغل البيت عشان اوفر كام قرش...
الام بهدوء ردت عليه وقالت _
خلاص اللي تشوفه اعمله..
وبعدين بصت الام لنيره وقالتلها بسخريه _
وانتي واقفه عندك ليه يا نيره يلا يا حبيبتي جوزك جه من شويه فوق اطلعي شوفيه ليكون محتاج حاجه كده ولا حاجه كده..
_اتنهدت نيره بضبق وطلعت شقتها وحسام كان مدايق جدا انها راحت لراجل تاني حتب لو اخوه هو حس انه غيران وعايزها ليه هو..
_طلعت نيره شقتها ولقيت اسامه قاعد بيتفرج علي برنامج ديني علي التلغزيون واول ما شافها قالها ببرود..
اسامه _
كويس انك. جيتي حضريلي الاكل..
نيره بضيق _
طيب قولي حمد. لله علي السلامه الاول وبعدين اطلب مني اعملك الاكل..
اتنهد اسامه بضيق وقال _
حمد لله علي السلامه يا ستي حضري الاكل بقي...
نيره پحده زعقت فيه وقالت _
انا بجد زهقت منك وتعبت لو كنت عايز شغاله كنت جيبت شغاله مش تتجوزني وتهملني كده انت مش شايفني غير وحده تشوف طلباتك وبس وطلباتها هي مش مهم..
اسامه بعصبيه قالها _
وانتي عايزه ايه اكل وشرب وبتاكلي وتشربي وهدوم بجيبلك وفلوس بديكي عايزه ايه تاني بلاش تتبتري علي النعمه..
ضحكت بسخريه وقالتله _
ههههه لا بحد. ضحكتني فلوس ايه اللي بتديهالي الفلوس اللي بتشيلها معايا وترجع تاخدها وكمان لو احتاجت حاجه مش بقدر انزل اجيبها لوحدي اللبس اللي انت بتختاره ليا وانا مش عايزه بس لازم البسه عشان انت ما تزعلش..
اسامه ببرود رد. عليها وقال _
انتي فعلا زي امك مش عاجبك العجب المهم روحي جهزي الاكل واتعودي علي حياتي دي...
_نزلت دموعها ودخلت المطبخ وبعدين افتكرت كلام حسام ليها