يوم دخلت اتجوزت اخو العريس والسبب؟ الاول والتاني

بيتي ولا هتكون لواحد. من ولادي بس لما فكرت فيها قولت خساره بنات عارف ادب وجمال يروحو بره فقولت فتون غلبانه وعاقله هتظبط عزت وتلمه انما ريتال دماغها ناشفه ومحدش هيلينها غير مصطفي...
مصطفي بسخريه _
قصدك معندهاش دماغ خالص عايزني اتجوزها واخلف منها انا ناقص جنان...
ضحكو عليه ابوه وامه ورد. عليه راشيد _
زمان لما كانت ريتال كل يوم تعمل مصېبه فالمدرسه ومع العيال فالشارع وقتها انت قولت اللي يحكمتي ع البنت دي ويسبهالي اربيهاله من اول وجديد وانا اهو بحكمك عليها ربيها وعقلها..
وفاء _
وبصراحه البت حلوه وصغيره ومتعلمه ودكتوره فالجامعه وكل بنات البلد ببغيرو منها تستاهل تبقي ام عيالك ي مصطفي وتبقي مرات الكبير..
مصطفي _
بقولكم اي انا طالع انام واعملو حسابكم لو اسراء مرجعتش انا لا هتجوز ولا هخلف فاهمين..
_طلع مصطفي اوضته فقعدت وفاء جنب راشيد وهي خاېفه..
وفاء _
وبعدين ي حج راشيد مصطفي لو مرضيش يتجوزها هتخرب من الناحيتين لا هنشوف عيل للواد والبت ريتال سمعتها هتبوظ..
راشيد _
متخفيش ي ام مصطفي اسراء هترجع بنت اخويا وعرفها كويس..
_تاني يوم صحيت فتون من نومها بصت حواليها لقيت عزت نايم ع الكنبه جنبها واتخنقت اول مفتكرت انها خلاص اتجوزتو ودموعها نزلت..
_قامت ودخلت الحمام بعد مخدت هدوم ليها من بتوعها اللي بعتتهم امها ليها امبارح قبل متيجي..
_صحي هو كمان وبص ع السرير ملقهاش وسمع صوت مايه جايه من الحمام فعرف انها جوه..
طلع موبيله وكلم صاحبه اللي فالقاهره وقاله _
ايوه ي خالد معلش مخدتش بالي من الموبيل امبارح..
خالد _
انت بجد اتجوزت امبارح معرفتش توقف الجوازه دي يعني..
عزت _
للاسف معرفتش المهم انا هجيلك النهارده ع طول ع الشركه وبالليل ظبطلي سهره من اللي قلبك يحبها..
خالد _
يخربيتك يا ابني ده انت اتجوزت امبارح وعايز برضو تسهر النهارده..
عزت _
اخلص ي زفت ونفذ اللي قولتلك عليه..
_قفل مع صاحبه وقعد ع الكنبه وبعد شويه طلعت فتون من الحمام وهي بتنشف شعرها واول مشافته قاعد اتخضت..
فزعق فيها عزت _
في اي شوفتي عفريت..
ردت عليه وهي متوتره ومكسوفه انه اول مره يشوفها بشعرها والبجامه الخفيفه دي..
فتون_
لا مش قصدي بس كنت سيباك. نايم..
قام وقف وقرب منها وقال بعصبيه _
اكيد مش هفضل نايم طول عمري..
خاڤت منه لما قرب منها وسالته _
انت عايز اي يعني..
كتم ضحكته ع شكلها الخاېف ورد عليها _
عايز ادخل الحمام واخد شاور وانتي وقفالي كده ع الباب مش عارف ادخل..
اتكسفت جدا منه وبعدت بسرعه عن الباب فدخل هو ورزع الباب جامد ورااه..
اتخضت هي جامد وقالت بصوت عالي من غير متاخد بالها _
خبطو دماغك فحيطه ي شيخ..
فتح ااباب وسالها بصوت عالي _
بتقولي اي كده سمعيني..
خاڤت وردت عليه بسرعه _
مقولتش حاجه والله..
_دخل تاني وقفل الباب ورااه..
_بعد شويه غيرت فتون هدومها لفستان اوف وايت سيمبل وجميل وحطت حجابها ع شعرها ونزلت تحت لقيتهم بيفطرو..
فتون _
صباح الخير..
ردو عليها كلهم وسالتها وفاء _
اي اللي نزلك بس ي بنتي انتي لسه عروسه احنا هنبعتلكم الفطار فوق..
فتون _
ملوش لزوم ي عمتي انا هفطر معاكم بعد اذنكم..
ابتسم ليها راشبد وقالها _
تنورينا ي بنتي تعالي اقعدي جنب عمتك..
_قعدت فتون معاهم وكان مصطفي كمان قاعد بيفطر وبعد شويه نزل عزت ووقف جنب راشيد وقاله..
عزت _
انا مسافر ي حج في شغل مهم فالشركه لازم اروح اشوفه..
ادايق راشيد وردت عليه وفاء _
شغل اي ده بس اللي هياخدك من عروستك يوم صبحيتك ي عزت..
اتنهد عزت _
معلش ي ماما بس دي ظروف شغلي..
راشيد _
مجهزتيش لي ي فتون عشان تسافري مع جوزك..
اتوترت فتون وردت عليه _
ااا انا يعني مم..
ادايق عزت وقال بصوت عالي _
هو انا رايح العب ي حج ولا اتثلي انا مسافر لشغلي اخدها فين..
وقف راشيد وزعق فيه _
يمين عظيم لو صوتك علي عليا تاني ولد لاډفنك مكانك احترم نفسك وانت بتكلم ابووك..
وقف مصطفي بينهم وقال بهدوء _
مقيصدش ي حج امسحها فيا..
راشيد _
قومي ي فتون جهزي حاجتك هياخدك. تسلمي ع اهلك وتسافري معاه وابقي خدي الورق بتاعك معاكي عشان يقدملك ع كلية الطب فالقاهره جنب جوزك..
اتوترت فتون وردت علي راشيد _
معلش ي جوز عمتي بس انا مش هقدر اسافر معاه دلوقتي زي محضرتك عارف فرح ريتال الخميس