بسبب خناقات ابويا وامي حصلي_ الحلقه الاولي

ي ملك بصي خافي من بابا بس افتكري انه مش هيعملك حاجه ولو عمل مش هتكون جامده افتكري وانتي فالشارع ان الناس دي مش هتقدر تعملك حاجه وقتها هتتعاملي عادي..
ملك _
مانا لما خبطت فيه هو زعقلي واتريق عليا قدام الناس..
وليد _
مين ده..
ملك _
واحد خبطت فيه وانا طالعه من المطعم اللي شغاله فيه ماما..
وليد _
ممكن يكون متعصب من حاجه وميقصدش او انه واحد مش محترم..
وليد _
مش كل الناس كويسه هبقي كداب لو قولت ان الدنيا كلها ناس كويسه لا فيها الكويس وفيها الۏحش وانتي هتتعاملي فحياتك مع الاتنين اللي بجح وقليل ذوق زي اللي زعق فيكي ده احنا هنبعد عنه انما الناس الكويسه لو حد منهم دخل حياتنا هنحبه ونحترمه..
ابتسمت ملك _
صح ي دكتور وليد..
وليد _
كده احنا خلصنا بس عايز منك طلب..
ملك _
اتفضل ي دكتور..
وليد _
عايزك دلوقتي تطلعي وتقولي لماما روحي انتي الشغل وانا هروح السنتر اخد الدرس لوحدي..
اتوترت ملك فقال وليد _
لازم تعملي كده ي ملك وهناك لو حسيتي بتوتر خدي نفس عميق وطلعيه ع عشر مرات واتكلمي عشان متحصلش تهتهه..
ملك _
طيب البنات هتتريق عليا و..
وليد _
احنا اتفقنا ع اي الۏحش مش هنقرب منه والحلو هنحبه..
ضحكت ملك بحماس وقالتله _
صح الۏحش مش هنقرب منه والحلو هنحبه ونحترمه كمان..
وليد _
برافو عليكي ي ملوكه يلا وابقي ابعتيلي بالليل من ع وتس ماما عملتي اي..
_خرجت ملك وراحت لمامتها وقالتلها انها هتروح الدرس لوحدها خاڤت عليها اميره بس لما عرفت ان ده قرار وليد وافقت وهي برضو خاېفه عليها..
_وصلت ملك السنتر اللي هتاخد فيه الدرس ونزلت من التاكسي اللي وقفته ليها اميره..
وقفت واخدت نفس عميق وطلعته ع عشر مرات وبعدين راحت لادارة السنتر..
وقالت بهدوء _
في حصة فزياء للمستر اكمل هتبدأ اا امتي...
رد عليها الولد اللي شغال فالسنتر _
كمان نص ساعه تقدري تاخدي المذكره وتدخلي..
مشيت من قدامه واخدت المذكره ودخلت الحصه وهي مبسوطه انها اتكلمت من غير متهته..
وقفت وحده صحبتها وراها وقالت بسخريه _
غريبه يعني ي ملك جايه من غير ماما مش خاېفه تتوهي..
كانت هتسكت بس قررت ترد عليها وقالت _
لل لا مش خاېفه..
قالتها بسرعه فضحكت البنت وقالتلها _
طيب بتتكلمي لي بسرعه متقوليها بالراحه..
جات بنت تانيه باين عليها طيبه وقالت _
خلاص ي هبه متبقيش غلسه..
وبعدين قعدت جنب ملك وقالتلها _
انا مها ممكن اقعد جنبك..
ملك _
ايوه عادي..
مها _
مش معقول ي ملك انتي حلوه اووي من قريب عنيكي دي لونها ازرق بجد..
ابتسمت ملك وردت عليها _
ااه لونها كده من لما اتولدت..
مها _
تعرفي احنا ديما بنقول عليكي انك حلوه اووي وشعرك كمان طويل وحلو اووي..
اتكسفت ملك وقالتلها _
شكرا..
_اتبسطت ملك من اللي حصل ولما خلصت وقفت تاكسي وعملت زي مقالها وليد وقالت لصاحب التاكسي ع العنوان اللي فيه مطعم
مامتها وراحتلها عشان تقولها ع اللي حصل..
اول منزلت من التاكسي دخلت جوه فشافت الولد اللي خبطت فيه قبل كده وزعقلها فخاڤت جدا وكانت هتطلع بس هو قرب منها وحضنها جامد فاټصدمت جدا و...
_تفتكرو مين الولد ده ولي حضنها وملك هتخاف ولا لا..
نتقابل الحلقه الجايه...