الدكتور والرقاصه بقلم هويدا زغلول
كنت بتهرب بضايع.
عزة
يا باشا ده ارحم بكتير مش احسن ما كان يستمر في موضوع سرقه الاتوبيسات والعربيات ده كان يطلع الاتوبيس من دول يفضي جيوب الناس اللي فيه وخصوصا اول الشهر.
الظابط
ده واضح ان مش اصحابي بس اللي في شرطه السياحه عارفينك ده واضح إن مديرية الأمن كلها تعرفك
عزة
بس الشهاده لله يا باشا هو دلوقتي بقى مظبوط اي نعم في سكة شمال بس احسن من الأول مش عايزين نظلم حد...
حسام
يا باشا ما تصدقهاش دي واحده مجنونه ومش عارفه هي بتقول ايه.
عزة
سامع وشاهد يا حضره الضابط لو سمحت انا عايزة اعمل محضر سب وقڈف.
الظابط
ده انت كمان رخصك منتهيه حلاوتك.
صدقتني مش قلتلك لسه في سكه شمال احبسوا بقى.
الظابط
انت بقى عماله تتكلمي تتكلمي هو انتي مين.
عزة
انا عزة
الظابط
بجد اسمك جميل يا عزة بطاقتك...
عزة
ليه ما احنا كده حلوين.
الظابط
ما انا لما اشوف بطاقتك هنبقى كده احلى.
عزة
طيب هتديهاني تاني.
الظابط
اكيد
عزة
اعتبر ده وعد.
الظابط
ما تخلصي جيبي بطاقتك ده انتي مش ناقص غير تقولي اطلبلنا اتنين ليمون.
عزة
ليمون اي انت تيجي عندنا الكباريه وتاخد احسن قزازه شمبانيا مضړوبه من اللي بيبيعها مستر حسام للزبان على اساس انها مستورده وهي مضړوبه اصلا تشربها من هنا وتسمع اغنيه صعبان عليا حالي... اتفضل يا سيدي البطاقه.
البطاقه منتهيه بقى لها سنتين... ومكتوب فيها طالبه.... انتي بتشتغلي رقاصه باين عليكي
عزة
لا لا لا ما اسمحلكش افضل ده كارنيه مزاوله المهنه شوف المهنه فيها ايه....
الظابط
فيها ايه يعني الفنانه استعراضيه من رقاصه ما فرقتش وفي الاخر انتوا الاتنين بتلبسوا بدله رقص ولا لا
عزة
اقنعتني.
الظابط
انزلي بقى وهاتي الشنطه بتاعتك دي عشان تلزمني
عزة
يا لئيم قول كده عجبتك الشنطه بس تصدق هي هتمشي مع الطقم اللي انت لابسه.
الظابط پغضب
ما تحترمي نفسك هو في راجل هيلبس شنطه حريمي انا عايز الشنطة افتشها انزلي يلا وافتحي الشنطة وفضي كل اللي فيها...
الظابط
اي ده
عزة
دي سماعة
الظابط
ايوه ما انا عارف انها سماعه وايه اللي جاب سماعة الدكتور عندك.
عزة باستغراب
لا عادي ما انا معرفش
الظابط
هو انتي بتشتغلي رقاصه في مستشفى القصر العيني ولا ايه.
حسام بينزل من العربية وبيحاول ينقذ الموقف
حسام
اصل احنا النهارده حضرتك هنعمل استعراض عن الدكاتره وعن دورهم الوطني في خدمة المجتمع
الظابط
والاستعراض ده ما لقيتيوش مكان انسب من الكباريه تعملوه فيه
حسام
اهو حاجة على قدنا يا سعاده الباشا.
الظابط
طيب انا هتغاضى عن البطاقه المنتهية بس هعملك مخالفه بالرخصه المنتهية وانتي اعملي حسابك بكره تروحي تغيري البطاقه دي وتكتبي فيها المهنة بتاعتك....مع اني شاكك انك رقاصة....
الدكتوره الرقاصه
الحلقه 3
مشي حسام وعزه ووصلوا الكباريه.
حسام
انت حد مسلطك عليا انا عملت فيكي حاجه.
عزة
انا عملك الاسود ان شاء الله.
حسام
كان يوم اسود يوم ما اقنعتك تشتغلي معايا.
عزة
ولسه ان شاء الله مش هسيبك غير لما اجيب اجلك.
رفيق ل حسام
انا عايز اسيب الكباريه ده واروح اشتغل في مكان تاني بصراحه انا عايز اشتغل في مكان محترم.
حسام
في داهية يبقي ريحتني منك
عزة
ربنا يقوي ايمانك يا ابني شفت حتى اخوك مش عايز يشتغل معاك انت بني ادم مافيش حد بيطيقك..... والله و انت يابني محترم قولي بقى يا رفيق هتروح تشتغل فين.
رفيق
هشتغل في ديسكو .
عزة
ربنا ياخدك يا بعيد تطلع من الكباريه على ديسكو.
رفيق
ما انا ما اعرفش اشتغل حاجه غير كده.
عزة
انتوا كلكم عيله شمال اصلا ربنا يتوب علينا من الشغل ومن شغلكم كلها كام يوم واغور في داهيه من وشكم.
حسام
انت مش هتمشي من هنا غير لما الاقي واحده تسد مكانك.
عزة
بسيطه البس بدله رقص وانت تسد مكان اجدعها رقاصة
رفيق
هههه ده عليه هزت وسط احسن من فيفي عبده.
عزة
حلوه ملعوبه يا رفيق.... غور يلا هتصاحبني ولا ايه ابو تقل ډم امك
حسام
لسانك ده عايز قصه
عزة
اخلص نمرتي وارجع ارد عليك يا حوس باي
رفيق
انت ليه صابر عليها كل ده.
حسام
انت حمار مش بتفهم عزه لو مشيت من الكباريه انا وانت هنمد ايدينا ونقول لله ام لسان طويل دي نص الزباين بتيجي عشانها وبتتمنى رضاها.
رفيق
طيب اي رأيك اتجوزها ونشغلها معانا في الكباريه ببلاش ولو رفضت أطلقها
حسام
تطلقها انت قوام اتجوزتها عشان تلحق تطلقها دي رفضت ثري عربي هتبصلك انت يا كسر الرجاله امشي من وشي يا رفيق مش فايقلك دلوقتي.
رفيق
اهو انت كده دايما بتحبطني.
حسام
احبطك احسن ما تجيبلي جلطه.... روح شوف مصلحتك بعيد عني
بعد حوالي ساعتين بتخلص عزة شغلها في الكباريه وبترجع علي شقتها
بصت حوليها باستغراب ودخلت الاوضه قعدة فتره سرحانه وراحت في النوم
تاني يوم صحيت وبصت في كل مكان بدوخه كانت سامعه صوت رنة فونها بس مكنتش عارفه تركز وكل مدا الصوت بيعلي وهي مسكه دماغها وبتبص حوليها لغايت ما اخدت الفون وفتحته
اسر پخوف
عزه انتي كويسه
عزه
كويسه
اسر
هتيجي المستشفى النهارده
عزه بتعب
اه هاجي
اسر
انا هجيلك يلاه
عزه
هستناك.. قفلت الفون وفضلت مغمضه عيونها فتره وبعدها قامت راحت تاخد شاور واصرت المره دي متبصش للمرايه وتشوف شكلها.. بعد ما اخدت الشاور كان اسر مستنيها ونزلت
اسر
مالك يا حبيبتي انتي تعبانه
عزه
ليه بتقول كده
اسر وهو بيدقق في ملامحها
عندك هالات سوده ووشك اصفر اوي
عزه بتنهيده
لا عادي ممكن من السهر
اسر
سهر مين يا عزه انا اتصلت عليكي اكتر من مره الساعه عشره ومردتيش يبقا كنتي نيمه
عزه
انت هتبصلي في النوم يا اسر
اسر بتنهيده
ريحيني وتعالي نعمل تحاليل ونشوف التعب ده من اي
عزه بلامبلاه
كبر دماغك يا اسر انا كويسه
اسر پغضب
انتي مش فارق معاكي حياتك اساسا.. ياستي لو مش فارقه معاكي هي فارقه
