الدكتور والرقاصه بقلم هويدا زغلول

يا عزة
عزة
طالما مقتنع بكلامي ايدك بقى على 2000 جنيه.
حسام
ليه.
عزة
بدل غلاء معيشه ... وكمان 1000 جنيه تانيه.
حسام
ودي بدل اي كمان
عزة
بدل ما اسيب الكباريه وما ارجعش تاني.
حسام
ده جزات الالي يشغل معاه رقاصه متعلمه.
عزة
قلتلك 100 مره قبل كده ما اسمهاش رقاصه اسمها فنانه استعراضيه يا حيوان.... قصدي يا مستر حسام بعد اذنك بقى وعلى فكره احتمال ما جيش كمان غير بعد يومين.
حسام
انتي كدة عايزة تخربي بيتي
عزة
مش مهم فدايا ...باي يا حسام وابقي سلملي على طويل العمر...ربنا يقصر باجلكم انتوا الاتنين

مشيت عزه وراحت علي شقتها وحست بصداع جامد كل يوم بيجلها في نفس الساعه فنامت بتعب وتاني بوم صحيت فضلت ماسكه دمغها بتعب وهي بتبص حوليها واول ما وصلت قدام المرايه استغربت نفسها وفضلت تدور في كل حاجتها عشان تفهم ازاي هي بتنسا او مين بيحطلها الكلام ده وهي نيمه... فاقت من تفكيرها علي صوت فونها

عزه بتعب
الو
اسر
ايوه يا عزه اتاخرتي ليه
عزه
معلش يا اسر دقايق وهكون عندك
اسر باستغراب 
مالك صوتك باين عليه التعب
عزه
حبة صداع بس هاخد اي برشامه وهيروح
اسر
طيب اجهزي وانا دقايق وهكون عندك عشان اخدك في طريقي
عزه
لا متتعبش نفسك انا هاجي بتكسي باي
اسر
اخلصي يا عزه قومي غيري عشان دقايق وهكون عندك
عزه بتنهيده
تمام يا اسر بتقفل المكلمه وبتروح تمسح الميكب اللي علي وشها وهي مش فاهمه فيها اي وبعدها بتغير واسر رن وقالها انه تحت
بتنزل عزه وبتركب من غير كلمه
اسر
مالك يبنتي سكته كدا ليه
عزه
الصداع بقاله فتره مش بيسيبني وعاوزه اكشف
اسر
متقلقيش هيكونوا شوية ارهاق مش اكتر
عزه
ربك يسهل المهم في شغل كتير النهارده
اسر
انا اتصلت علي الاستقبال وقالوا مفيش عمليات
عزه
كويس لاني مش قادره
اسر
خدي نص اليوم والباقي خديه راحه
عزه كركت راسها وبعدها وصلوا المستشفى وكل واحد اتشغل في عمله
صديقهم في العمل
عزه عامله اي
عزه
كويسه ياسامح انت عامل اي انت ومني
سامح 
كويسين... ولا قوليلي كنتي فين امبارح في نص الليل فضلنا ننادي عليكي انا ومني نوصلك بس انتي مبصتيش نحيتنا ومشيتي علي طول
عزه باستغراب 
مش فاهمه نص الليل اي انا مخرجتش من شقتي من بعد ما مشيت من هنا
سامح 
ازاي يبنتي دا انا ومني شيفينك وكمان كنتي ماسكه دماغك وحاسه بصداع
عزه بتهرب
اكيد واحده شكلي او حاجه وكمان لو كنت انا كنت رديت عليك
سامح باستغراب 
مستحيل يكون في شكل قريب بطريقه دي
اسر بص نحيت عزه لقاها بتحاول تطلع من الموقف.... يلاه يجماعه مش هنقضيها كلام كل واحد يروح علي شغله
سامح 
تمام هستأذن انا
اسر
مالك يا عزه في اي
عزه بتعب
مش عارفه يا اسر في حاجات كتير بتحصل انا مش فهماها
اسر 
تقصدي اي
عزه بتعب مسكت راسها وسكتت

الحلقه الثانيه 
أسر
طيب يا عزة انتي في حاجة مخبياها ومش عايزه تقوليها ليا..

عزة
وايه بس اللي هخبيه عنك يا أسر ما انت عارف كل حاجه عني وعن حياتي انا بس مصدعه مش عارفة ليه وحاسه بحاجات غريبه بتحصلي
أسر بتفكير 
مش ملاحظه ان موضوع الصداع ده بقاله معاكي فتره يعني مش بيجي مره ويروح.
عزة
انا هاخد اسبرين وكله يبقى تمام.... بتفتح شنطتها عشان تاخذ الاسبرين... بتلاقي صاجات وقلم روج
عزه في سرها
... مين اللي جاب الحاجات دي هنا.
أسر بضحكه
روح وقلنا ماشي لكن صاجات يا عزة...
عزة بتهرب
لا يا عم صاجات اي بس انت عارف البيتي فور صح تعرف البيتي فور.... اللي هو شبه الكحك
أسر
اه اعرفه ماله بقى وده ايه علاقته بالصاجات.
عزة
اصل انا كان نفسي اعمل بيتي فور فلما رحت عشان اشتري مكنة بيتي فور ملقتش فالراجل بقا الله يكرمه اقترح عليا الصاجات دي قالي أنها موفرة والطعم هيبقي احلي
أسر 
ېخرب عقلك يا عزة مش كنتي تقولي أن نفسك في البيتي فور وانا كنت اشتريلك جاهز
عزة
ها.. لا ما انت عارف اني مش بحب الأكل الجاهز وبحب اعمل الحاجة بنفسي
أسر
امممم طيب ايه رايك بقى ان انا مصمم اكل من ايدك البيتي فور.
عزة
وحياة امك
أسر
نعم 
عزة
قصدي هعمل كمان حساب امك
أسر
امي راحت ياعزة هي دي كمان نسيتيها
عزة
ايوا مانا قصدي هنوزع علي روح امك
أسر
هنوزع بيتي فور علي روح ماما... عزه امشي من قدامي دلوقتي.
عزة
انت تعصبت ليه يا عم يعني الحق عليا طب وربنا ما انت دايقه ولا هوزع حاجه على روح امك اشتريلها بقى.
أسر بصوت واطي
مچنونة
عزة
سمعتك على فكره.
اسر
همضيلك على اجازه خمس ايام عشان ترتاحي.
عزة
مش عارف اودي جمايلك فين.
أسر
ابقي هاتيلي بيهم بيتي فور...احم على فكره ذوقك في الروج يجنن.
عزة
في الروج بس لكن انا باقي اختياراتي عره على راي احمد سعد اختياراتي مدمره حياتي.
أسر
حاسس انك بتلمحي علي حاجة لاحظي أن كلامك جارح
عزة
يارب البعيد يفهم...
اسر بغمزه
البعيد بتحبيه فبطلي تتكبري
عزه بسخريه
هه قوله بلاش يحلم.... ضحك اسر وهي مشيت
بعد فتره من الوقت كانت عزه نايمه فضلت تتقلب وتعرق بسبب احداث كتير بتيجي في عقلها ومره واحده صحيت وفضلت تنهج... رجعت براسها تاني علي المخده وفضلت باصه لسقف. فتره كبيره.... ابتسمت نص ابتسامه وراحت قدام دولابها طلعت جكت اسود وبنطال اسود وحطت ميكب غامق وخرجت
تاني يوم
قامت علي رنة فونها وهي مصدعه
عزه 
الو
اسر
ايوه يا عزه بتصل عليكي من امبارح فينك يبنتي
عزه بتعب
معلش يا اسر مسمعتش الفون.. في حاجه ولا اي
اسر
لا كنت بتطمن عليكي بس... وقلقت لما رنيت اكتر من مره وانتي مردتيش حتي جيت تحت شقتك وبردو مطلعتيش
عزه باستغراب 
اه اصل انا اخدت منوم وعشان كده نمت ومحستش بحاجه
اسر
متاكده ان مفكيش حاجه
عزه
صدقني هتكون اول واحد عارف
اسر
كدابه ياعزه انا مش لسا هعرفك..... في حاجات كتير بتقوليها وانتي اصلا مش مصدقاها وبقول بكره هتيجي وتحكيلك