يوم فرحي اتجوزت المأذون والسبب؟_الحلقه الثانيه_بقلم رحاب القاضي

_خطيبي سابني يوم الفرح فاتجوزت المأذون
 
وعدي كام يوم وكانت ولاء بتلمع الجزمه لمحمد..
محمد 
مش معقول يا ولاء بقالك ساعه بتلمعي في الجزمه..
ولاء
ما انت رايح فرح ولازم تكون الجزمه منوره..
محمد 
والناس بقي هتسيب لبسي واني ماذون كاجول وهتبص للجزمه..
ولاء
مش عايزه اقولك اني وحده من الناس اللي بتحكم علي شخصية الراجل من جزمته..
محمد 
شئ طبيعي بتحكمي من ناحية الحاجه اللي تشبهلك..
ولاء
ايوه طبعا و.... اي ده انت بتغلط فيا ولا ايه..
محمد ضحك 
ههههه خلاص مش قصدي هاتيها كفايه واتمني لما ارجع ملاقيكيش عامله خڼاقه مع امي..

ولاء بغيظ 
علي فكره بقي امك هي اللي بتجر شكلي وانت عارفني طيبه وغلبانه وبرصي بقليلي والا مو كنتش رضيت بيك..
محمد 
اسكتي يا ولاء واسمعي كلامي دي مهما كانت امي وانا ما اقدرش اوعلها..
ولاء
خلاص هاتلي شقه بعيد عنها ونقعد لوحدنا..
محمد 
اولا انا ما كنتش فاكر اني هتجوز بالسرعه دي والمصاريف مش عارف ازاي كترت معايا اليومين دول فلما اموري هتترتب هجيلك شقه بعيد عن هنا..
ولاء بغيظ 
طيب انا عايزه انزل الشعل الاجازه بتاعتي خلصت..
محمد پحده 
شغل ايه يا ام شغل انا مراتي مش هتروح تشتغل تدي حقن للرجاله..
ولاء
انت بتقول ايه دي مهنتي وبعدين هو انت في حاجه وقعتك فيا غير الحقنه يا ابو خدود حمراا..
محمد 
انا مااشي هتأخر علي الفرح..
واول ما طلع كانت مامته قاعده مدايقه فقرب منها وقال بهدوء..
محمد 
يا ماما هو انا كل ما اروح فرح الاقيكي قالبه خلقتك عليا كده..
صفيه 
انا مش عارفه انت ايه اللي عاجبك فيها الشغلانه دي اصلا ما كنت فتحت المصنع بتاع ابوك واشتغلت فيه..
محمد 
هو انا اتعلمت كل ده يا ماما عشان افتح المصنع بتاع ابويا وبعدين انتي تكرهي يبقي ابنك ماذون..
صفيه 
لا يا حبيبي طلعا بس المثل بيقولك امشي في جنازه ولا تمشي في جوازه..
طلعت ولاء وقالت 
والمثل بيقول برضو يا حماتي يا بخت من وفق راسين في الحلال..
صفيه 
وانتي ايش دخلك بيني وبين ابني هو انا ما اعرفش اتكلم معاه كلمتين لوحدي..
ولاء
هو انا قولت حاجه انا بس جوزي حبيبي نسي الموبيل بتاعه وطالعه اديهوله..
محمد 
انا اصلا متاخر ولازم امشي واغلي حاجه عندك انتي وهي بلاش ارجع الاقي الجيران بتحجز بينكم زي كل مره..
صفيه بحزن 
كله منها يا ابني يا حبيبي ده انا اغلب من الغلب وهي اللي مطلعه عيني..
ولاء
حاسبي كده يا حماتي احسن جنحاتك طرفت عيني..
صفيه
شايف اهو شايف كلامها عامل ازاي معايا انا خلاص وكلت امري فيك وفي مراتك لربنك..
محمد 
امم طيب اتلمي يا ولاء ومالكيش دعوه بامي لو سمحتي..
صفيه فرحت وقالت 
حبيبي يا ابني ربنا يجبر بخاطرك وينصرك علي مين يعاديك روح يلا علي شغلك بس اوعي ترجعلي بعروسه تانيه كفايه الهم اللي عندنا..
ولاء بغيظ. 
لا والنبي ارجع بعروسه بس تكون ام. اربعه واربعين عشان تنفع معاكم..
ومشيت ولاء ورجعت اوضتها ومحمد اتنهد وقال لمامته..
محمد 
ابوس ايدك يا ست الكل