حماتي _بقلم ايه عادل الفصل_الرابع_الخامس_والاخير

كنت بقيت ست بيت ربنا يسترك زي ماسترتيني في بيتك
الحما
استرك ده انتي اللي كنتي دايما بتستريني يابنتي لما كنت اعملك حاجه كنتي بتنكري وتترمي في حضڼي كنتي بتكسفيني بحنيتك يارب سامحني يارب 
ولقيت فجأه الباب بيخبط ولقينا مذيع مشهور بيقول
المذيع
مساء الخير الحاجه ام عبد الله اللي عندها ديل هنا
لقيت عبد الله بيقوله وهو مضايق
عبد الله
لا مش هنا العنوان غلط يا استاذ
المذيع
لا مش غلط ممكن افهم حضرتك مضايق ليه انا عايز مصلحتك
عبد الله
يا استاذ احنا فينا اللي مكفينا كفايه فضايح وقله قيمه
المذيع
لقيت حماتي خرجت وقالت للمذيع وهي مبسوطه اوي
الحما
أهلا ياابني أنا بحبك جدا ومن متابعينك أنا الحاجه ام عبد الله ام ديل اتفضل
المذيعاتشرفت بحضرتك جدا سبحان الله طلعلك أمتي الديل ده يا حاجه وايه حكايته قوليلي كده
الحما
قبل اي كلام هتساعدني ديلي يتشال من غير ما اموت
المذيع
بإذن الله أنا هوصل صوتك للناس يمكن حد يلاقي ليكي حل او نسفرك بره مصر اكيد هنلاقي حل بعون الله
الحما
تمام اوي وأنا هسجل معاك يابني
وفعلا حماتي سجلت معاه وبعد ما مشي عبد الله قاللها
عبد الله
فكرتي في نفسك بس يا امي مافكرتيش فيا ولا في سمعتي وشكلي قدام الناس طيب انا هروح شغلي ازاي وازاي هواجه الناس ياريتني كنت مۏت قبل ما اشوف اليوم اللي امي تطلع فيه في التليفزيون هي وديلها
الحما
انا يابني بحاول اساعد نفسي يمكن الاقي حل مش احسن ماتستعر تنزل معايا بسبب ديلي
اتعصبت اوي علي عبد الله وقولتله
سماح
انت اللي اناني يا عبد الله يعني فكرت انت في شكلك بس وبعدين ماخلاص الناس كلها عرفت ان خالتي ب ديل والسوشيال ميديا معندهاش سيره غيرها ايه بقي اللي هيحصل اكتر من كده عبد الله انت مين اهم عندك أهل بيتك ولا زمايلك في الشغل ياما ناس عندها مشاكل اكتر من كده وعايشين عادي وسطنا واللي يعاير حد بحاجه زي دي يبقي عنده نقص
ردت حماتي وقالت
الحما
يابني انت مش حاسس بيا الديل ده منرفزني بجد ومش بعرف أنام منه يمكن حد من المسؤلين يسفرني بره بصحيح والاقي حل في ديلي ويشيلوه بدل ماهو مزهقني كده
عبد الله
طيب يا جماعه يا مسهل يارب بإذن الله ربنا هيحلها من عنده وانا ياست سماح مش مهم عندي الناس زي مانتي بتقولي بس شكلنا قدام الناس بقي وحش اوي كفايه العيال في الشارع بتمشي تهوهو عليا انتي مش عارفه انا بيحصلي ايه في الشارع
وعدت الأيام وفي يوم لقيت واحده خبطت علينا وقالت
هايدي
مساء الخير يا مدام مش ده بيت ام عبد الله اللي عندها ديل
سماح
وانتي عرفتي البيت ازاي
هايدي
ام ديل دي بقت مشهوره اوي لو سمحتي انا بصور فيديوهات علي اليوتيوب وعايزه اقضي اليوم معاكم وهديكم المبلغ اللي انتو عايزينه
سماح
حسبي الله ونعم الوكيل في امثالك عشان تلمي مشاهدات وتاخدي فلوس مش مهم عندك ټجرحي شعور الناس
هايدي
انا انا قصدي
سماح
امشي من هنا انا مش عايزه اشوف وشك تاني احسن والله احبسك عندي جوه وهعمل لايف وانا بعدمك العافيه امشي غوري جاتكم القرف
وكل يوم الباب بيخبط وناس تقولي خدي 200 جنيه وصورينا معاها واللي يقولي لو سمحتي وريهالنا من بعيد وأنا اټخانق كل شويه مع ناس كتير وخالتي حالتها كل يوم بتسوء وبقيت اعمل اللي عليا عشان بس ترضي تاكل
وفجأة جالنا تليفون ولما رديت لقيت واحد بيقولي
دكتور
لو سمحتي ده رقم الحاجه فتحيه اللي عندها ديل
سماح
أيوه مين