اخويا وجوزي عملو؟ كامله
اصلا ده انا كنت هكلمك واقولك انو من ساعة مارجع من غندك وهو راح اتلحق علي القهوة مع صحابو المقاطيع وسهر طول الليل ومجاش غير وش الفجر
انهار
انهاره اسود معايا اومال كان واخد مني فلوس علي اساس انو هينزل يشتغل ازاي
مني
هو قالك كدا
انهار
ايوه هو قالي كدا امبارح واخد مني الفلوس علي الاساس ده روحي ياماما الله يسترك دخليله الفون خليني اكلمه
حاضر يابنتي حاضر
ودخلت. مني اوضت حماده وقالت
قوم قوم ياللي تنام عليك حيطه قوم شوف اختك عايزه منك اي
حماده
سبيني ياماااا سبيني عايز انام
مني
قوم يازفت الطين شوف اختك عايزه منك ايه اخلص
حماده بنرفزه
هاتي ياما هاتي علشان نخلص في ام الليله دي
واخد منها التليفون وقال...
الووو
انهار بعصبيه
الو ياخويا مش انت قولتلي امبارح هاتي فلوس علشان انزل ادور علي شغل صح هااا فين بقا الشغل اللي لقيته ولا ضيعت الفلوس علي ايه
منا فعلا روحت وكل اللي اروحله يقولي تعالي بعدين الحال نايم اعمل ايه تاني بس ياربي
انهار
يعني مدياك الفلوس من ورا جوزي علشان انت تنزل تتصرمح بيهم وترجع تقولس الحال كان نايم المر الكام دي اللي اقعد معاك فيها ونتفق انك هتنزل وتشتغل وانت تقول حاضر خااضر وترسملي البحر طحينه وتحسسني انك مسكت الشغل في ايدك هاااا قولي
ماانتو طلام قعدلي علي الواحده كدا وعمالين تقولو شغل شغل يبقا قبلوني بقا لو اشتغلت او طلعت من البيت حتي انبرو انتو فيها بس
انهار
حوش حوش اللي بناخده منك من شغلك علشان تقولنا كدا روح روح ياحماده انا يأست من من كتر الكلام معاك اللي مافيهوش فايده معاك اصلا ومهما اتكلمنا انا ولا امك الكلام بيدخل من هنا بيطلع من النحيه التانيه ياروح ومن غير سلام حتي
حماده
خدي ياستي خدي دي عيشت بقت زفت
مني
والله زي علي دماغك انت لوحدك روح نام ياخويا نام
وطلعت مني من الاوضه وحماده رجع كمل نومه عادي
بعد مرور 6 شهور
كانت انهار قاعده مع بنت بتجهزلها الرضعه وفي الوقت ده دخل. جمال من الشغل وكان باين علي وشه انو مدايق وسألته انهار وقالت
مالك ياخويا خير باين علي وشك انك مدايق خير. كفالله الشړ
جمال
صحاب العماره كلمني من يومين كدا وقالي انو العماره جايلها قرار ازاله ولازم يعمل اخلا للمبني بكرا او بعدو بالكتير وانا مش عارف اعمل ايه ولا نروح فين بس ياربي
انهار
يالهووي ازاي ده وقرار ازاله ايه اللي يجي للبيت مره واحده
جمال
طلع الراجل صاحب البيت باني علي ارض. ملك للحكومه فاهمه عازين يزيلو البيت
ليها حل ان انا شاء الله اكيد ليها حل
جمال بيأس
ازاي بس يالنهار ازاي وانتي عارفه اني مقطوع من شجره ولا ليه اهل ولا اي حاجه هنروح فين دلوقتي احنا بسسس
انهار
بعد وقت من التفكير قالت
لقيتها احنا نروح عند امي نقعد معاها لحد ماربنا يفرجها علينا
جمال
ايه لا طبعا ماروحش انا اعيش في بيت ابوكي
انهار
ماتخدش الموضوع علي صدرك كدا ياجمال عادي احنا مش هنعيش هناك عمرنا كلو يعني ده يادوب فتره وخلاص وامي والله مش هتمانع بالعكس خالص دي هترحب بينا
جمال
مش عارف ياانهار مش عارف انا الدنيا متلخبطه معايا اصلا وجه موضوع البيت ده كملها
انهار
اسمع انت بس مني انا هكلم امي دلوقتي وهقولها وان شاء الله هتتحل
جمال
اللي شيفاه صح اعمليه انا داخل اريح دماغي شويه
وسبها جمال ودخل اوضته وانهار مسكت التليفون واتصلت علي امها اللي ردت علطول وقالت
مني
الو ازيك ياانهار ياحبيبتي عامله ايه وعمله ايه
