سابني يوم الفرح واتجوز خدامه1 بقلم رحاب القاضي

_سابني يوم فرحنا واتجوز خدامه وانا اتجوزت اخوه الصغير... 

ابو المجد بحده _
يعني ايه اتجوزتها انا مش قولت لاا...

زياد بعند _
انت قولت لا بس انا بحبها يا بابا..

فريده پقلق _
خلاص يا ابو المجد اللي حصل دلوقتي..

ابو المجد بغصبيه ژعق فيهم وقال _
وانا ما يتلويش دراعي ياخدها ويطلع بره..

وبعدين بص لابنه الصغير معتز وقال _
وانت هتتجوز نيره مكانه...

_وقبل ما نبدا قصتنا اعرفكم علي بطلتنا النهارده واللي اسمها نيره وعمرها 24 سنه، وحيدة باباها ومامتها راحت وهي صغيره واتخطبت لزياد لابن عمها اللي بتحبه من وهي صغيره بس اللي حصل يوم الفرح الصبح كان..

_دخل زياد المطبخ وكانت اروي بنت الخدامه القديمه بتاعت القصر واقفه بتحضر الفطار مع باقي الخدم، ودموعها كانت علي وشها، واول ما شاف زياد دموعها اتعصب وژعق في باقي

 الخدم وقال..

زباد بحده _
اطلعو بره كلكم يلااا..

جات اروي تطلع مسك زياد ايدها وقال بجديه _
اروي استني عايز اتكلم معاكي..

اروي ببکاء ردت عليه وقالت _
اللي انت بتعمله ده غلط يا زياد بيه لو حد شافنا ا..

ژعق فيها زياد وقال _
قولتلك مليون مره متقوليش زياد بيه دي، انا زياد وبس يا اروي، انا زياد حبيبك وبس..

بصتله اروي بسخريه وقالت_
ااه زياد حبيبي اللي فرحه النهارده..

زياد پحژڼ رد عليها وقال _
انتي عارفه انه مش بمزاجي يا اروي، انا مش بحب نيره ولا عمري شوفتها اصلا غير اختي وانتي الوحيده اللي حبيتها وقلبي دق ليها...

اروي ببکاء قالت _
محدش هيقبل الحب ده يا زياد، محدش هيرضي ولا هيوافق ان ابن البيه يتجوز بنت الخدامه..