الحقيقه والسراب _ المشهد الناقص

دراسات عليا زي منال
سهي متعجبة والله وجه الوقت اللي بقيت فخور بمنال وعاوزني ابقي زيها
أحمد پغضب حاسبي علي كلامك منال بنت أستاذ يوسف واخت رياض وحسام
سهي وايه كمان
أحمد بطلي أفكارك دي أنا مش شايف منال غير أخت ليا وبس
سهي أخت أه ماشي ممكن بقي تسيبنا من منال وننزل نسهر زي ما وعدتني
أحمد باستسلام أمري إلي الله
كان استسلام أحمد وضعفه حتي لا تلاحظ سهي ندمه علي الزواج منها وتركه منال مع أنه كان يحمل لها الكثير من المشاعر ولكن رفضها له في الماضي جعله يفضل كرامته عن مشاعره ولذلك اختار زميلتها لتشعر بنفس الچرح الذي جرحته له في الماضي ولكنه يدفع الآن ثمن عناده.
أما منال فأصبحت أستاذ في كلية الآداب وأصبحت حديث الطلاب بنشاطها وحيويتها وكانت تساعدهم دائما
ويوما كانت ذاهبة إلي الكلية بسيارتها وكانت هناك سيارة تسير بجانبها بيها شاب وسيم ظل يعاكس منال ولكنها كانت جادة وحاولت أن تبتعد عنه بالسيارة لم ييأس الشاب وظل يطاردها ويضحك لها حتي اختفي عن الأنظار
لم تبالي منال لذلك الشاب وكانت نظرتها له نظرة احتقار وتذكير لها باستهتارها في الماضي وقررت السير في طريقها ووصلت الكلية ودخلت المحاضرة ووسط المحاضرة دخل شاب فجأة بدون استئذان وكانت صدمة ل منال إنه نفس الشاب وكان يحمل ضحكة جميلة يحاوطها بيها جعلتها تشرد للحظات وفجأة قالت پغضب
منال فيه ايه مش فيه حاجة اسمها تخبط علي الباب
الشاب آسف جدا جدا أنا كنت فاكر المحاضرة لسه ما بدأتش
منال وحضرتك مين بقي أنا أول مرة اشوفك
الشاب اسمي ياسر أنا طالب في جامعة إسكندرية ولسه محول هنا جديد أرجو ما اكونش ضايقتك
منال متعجبة ضايقتني! اتفضل يا فندم علي محاضرتك ودي آخر
مرة حاسمح تدخل بعدي
تلتفت إلي البورد لتكتب ولكنها تتذكر شيء
منال وتاني مرة تبقي تخبط علي الباب قبل ما تدخل دي مش إشارة مرور بتكبس بعربيتك علي اللي قدامك
ابتسم ياسر حاضر
الحقيقة_والسراب
مشهد_ناقص