عشان منقبه مرات اخويا _الاول_بقلم_رحاب _القاضي
انت في الصفحة 4 من 4 صفحات
وبصلها بهدوء وقال..
خالد
اسف بس كنت لازم اعرف الورم ده اد ايه وازاي اتفضلي تعالي..
_في اللحظه دي كانت تقي مكسوفه ومتوتره جدا وراحت قعدت جنب علي اللي قالها.
علي
بطلي رخااامه بقي ما حصلش حاجه لكل ده..
خالد
اطمن يا علي ما فيش حاجه خطړ هي بس تروح تعما اشاعه عند اختي اهي بنت زيك عشان ما تتوتريش وان شاء الله هبقي ابلغك بنفسي بحالتها..
انا مش عارف اشكرك ازاي يا خالد انت شايف هي بتتوتر ومش بنحب الدكاتره ازاي بس انت اخويا ومش غريب وان شاء الله الشفا يكون علي ايدك..
خالد
باذن الله والف سلامه علي الانسه تقي تقي مش كده..
ما ردتش عليه وعلي قاله
ايوه اسمها تقي بعد اذنك يا خالد..
_ ومشيت تقي وعلي وخالد بصلهم وابتسم وكان مبسوط جدا ان لسه في بنات زي تقي كده في لبسها وكسوفها...وفي بيت تقي بالليل قالتلها زينب وهما قاعدين قدام التلفزيون..
تلاقيه دلوقتي بيقول عليكي معقده وتخنقي..
تقي
يقول اللي يقوله هو انا كنت رايحه اتجوزو ولا كنت رايحه اكشف..
زينب
وفيها ايه لما تتعاملي كويس مع الناس وتبقي فكاها شويه بدل الطريقه الناشفه دي..
تقي
انا بتعامل عادي مش لازم يعني اضحك واهزر مع اي حد عشان اعجب انتي تعرفي يا ماما ان الكلام للبنت بصوت رقيق زياده عن اللزوم او بطريقه مايعه ده حرام وعليه ذنب.
يووووه انتي قلبتيها ليه نكد كده حرام عليكي كل حاجه معقداها كده انا تعبت وزهقت منك..
_دخل في الوقت ده عندهم علي ومعاه مراته اللي شايله ابنها علي ايدها وقالت...
عايده
الف سلامه عليكي يا تقي مالها رجلك..
تقي
الله يسلمك يا عايده شوية تعب مش حاجه كبيره يعني..
عايده
ممكن عشان السن وكده ما انتي خلاص اهو عديتي التلاتين..
كبر ايه يا عايده هي عنده خمسين سنه ولا ايه ده انت بنتي في عز شبابها وبعدين ما انتي اكبر منها..
علي
اسكتي يا عايده وما تتكلميش تاني المهم يا ماما انا خالد كلمني وقالي ان رجلها مافيش فيها حاجه وهو عايز يجيب مامته ويجي يقعد معانا شويه..
تقي
وايه اللي يجيبه بقي ما خلاث انا كويسه اهو وما فيش حاجه...
علي
جاي يخطبك يا حيلة اخوكي..
_ونتقابل الحلقه الجايه
