عشان منقبه مرات اخويا _الاول_بقلم_رحاب _القاضي
بتزعقو ليه كده..
زينب
بص كده علي رجل اختك عامله ازاي بقول ناخدها عند صاحبك دكتور العظام فضلت تزعق انا تعبت منها والله..
علي پحده
قومي يا بت انتي يلا غيري هدومك انا هاخدك ونروح للدكتور ولو قولتي نص كلمه مش علي مزاجي انا هكسرلك رجلك..
زينب
اسمعي كلام اخوكي يلا وروحي غيري هدومك انا خايفين عليكي وعايزين نطمن عليكي..
علي
مش هنطول هندخل بسرعه الدكتور اصلا صاحبي ومعرفه قديمه..
تقي
بقولك ايه يا علي اما حاسه ان رجلي خفت ما بلاش منه الكشف ويلا نروح..
علي
يا بنتي ده دكتور وانتي تعباانه يعني حاجه ڠصب عني وعنك ما فيهاش اي حرام وانا واثق فيه ده ولد محترم جدا..
انا بتكسف اووي وبتوتر ومش بحب اتعامل مع رجاله تعالي ندور علي دكتوره..
علي
هو انتي متربيه ومحترمه وكل حاجه وانا فرحان بيكي كده بس انتي معقده اووي يا تقي..
تقي
هو انا عشان بخاف ربنا ومحافظه علي نفسي من اقل حاجه ممكن توقعني في الفتنه ابقي معقده لا يا علي انت فاهم غلط...
علي
طيب خلاص يا ستنا الشيخه تعالي يلا دورنا جه يلا ندخل..
ابوس ايدك يا علي مش عايزه ادخل انا مش عايزه راجل يشوفني اصلا ومش عايزه امشي علي رجلي تاني عندي واحده غيرها خلاص..
علي
اكتمي والا مش هعمل حساب للناس وهوريكي ويلا قومي معايا...
_قامت معاه تقي ودخلو عند الدكتور اللي اول ما شافته تقي اتوترت اكتر لانه كان نفس الولد اللي قابلها يوم خطوبة تسنيم اخت عايده..
ازيك يا علي عامل ايه يا جدع واحشني اووي..
سلم عليه علي وقال
الحمد لله يا خالد وانت كمان والله واحشني اكتر..
خالد
اتفضل اقعد انت والمدام..
قعد علي هو وتقي وقال
لا يا عم دي اختي مش مراتي وبقالها كام يوم رجلها بتوجعها وزاد اكتر ان بقي في ورم..
خالد
لا الف سلامه عليها طيب ممكن تتفضلي بس عشان اكشف عليكي..
لا طبعا..
ضربها علي في رجلها برجله فقالت بسرعه
اقصد حاضر..
_ وراحت قعدت علي السرير الطبي وقرب منها خالد وقالها..
خالد
ممكن ترفعي الجيبه بس شويه عشان اشوفها..
تقي بتوتر ودموع
لا ما ينفعش علي فكره انا ممكن اقولك اللي عندي من غير كشف..
ابتسم خالد وقالها بصوت واطي
هو انتي البنت بتاعت خطوبة اخت مرات علي ده ايه الصدفه الجميله دي انا عرفتك من صوتك علي فكره..
لو سمحت ممكن تعمل نفسك كشفت عليا وخلاص انا مستحيل اخليك تشوف رجلي اصلا..
علي بصلها وهو قاعد وقال
في حاجه يا خالد ولا ايه...
خاڤت تقي وخالد قال
لا ما فيش حاجه يا علي...
_ ومسك رجلها بسرعه وحط ايده بهدوء علي مكان الورم عشان يعرف هو اد ايه من غير ما يخليها ترفع الجيبه بتاعتها وشال ايده بسرعه
