عروسه للايجار

_عروسه للايجار
علياء
جرا ايه يا سوكر انت نسيت الاتفااق اللي بينا ولا ايه..
نوح
لا ما نسيتش ولا حاجه انا فاكره كويس ومش هنفذه واعلي ما في خيلك اركبيه..
علياء بغيظ
لا ما انا ما عنديش خيل اركبه انا واحده علي قد حالها وانت استغليتها وضحكت عليها واتجوزتها منك لله تلاقيه في عيالك يارب..
نوح 
خلصتي فقرة امينه رزق دي انزلي بقي هاتيلي فطار من تحت..

علياء بخبث
بس كده من عينيا يا جوزي يا تدبيسة عمري..
نوح 
بسرعه انتي لسه واقفه..
علياء
ايه اطير يعني ولا اعملك ايه..



_ وقبل ما نبدأ حكايتنا اعرفكم علي بطلتنا النهارده واللي اسمها علياء عندها 18 سنه وعايشه مع عمهة ومراته بعد ما اهلها قابلو وجه رب كريم..
وفي يوم صحيت من نومها في اذان الفجر وكانت نايمه علي الارض وساره بنت عمها نايمه علي السرير قامت وطلعت عشان تتوضا وتصلي لقيت عمها هو كمان طالع من اوضته وقالها..
فايز 
علي فين يا بنت انتي..
علياء
طالعه اصلي الفجر يا عمي محتاج حاجه اعملهالك..
فايز 
ايوه اعمليلي كوباية شاي وهاتيلي شوية فاكهه..
علياء
شاي وفاكهه ازاي يا عمي مع بعض..
فايز 
وانتي مالك انتي ياا بت انتي هو انا كنت بقولك هاتيلي حاجه من بيت ابوكي..
علياء بغيظ 
لا ما اقصدش كده يا عمي انا بس عامله علي كرشك قصدي بطنك..
فايز
روحي ياا بت من وشي اعملي اللي قولتلك عليه انجزي يلااا..
علياء
طيب اصلي الاول يا عمي كده الفجر هيفوتني..
فايز 
ما يفوتك اقعد مستنيكي يعني..
علياء بغيظ 
لا ازاي تستناني يا ابو لهب بس دقيقه وهعملك اللي حضرتك عايزه..
_ وعملت فعلا الشاي لعمها وغسلتله الفاكهه وحطتها قدامه وراحت صلت ورجعت نامت تاني غلي الارض.. وفي نفس اليوم بالليل كانت غلياء بتتعشي في المطبخ وعمها ومرات عمها وبنتهم بيتعشو مع بعض بره..
ندهت عليها مرات عمها وقالت
علياااء انتي يااااا بت..
قامت علياء بسرعه وقالت
نعم يا مرات عمي تحت امرك..
هنيه 
لمي الاطباق دي وتغسليها قبل ما تنامي وتنضفي المطبخ..
علياء
حاضر يا مرات عمي..
ساره قالت لباباها
بقولك ايه يا بابا هو انا هقدم امتي علي الكليه بتاعتي..
فايز 
انا سالت وعرفت ان التقديمات الاسبوع الجاي يا عيون بابا..
علياء
طيب وانا يا عمي هقدم علي كلية الهندسه زي ما حضرتك قولتلي..
ساره بغيظ 
نعم بقي انتي عايزه تدخلي هندسه وانا ابقي واخده كلية التجاره بس..
علياء
وانا مالي بقي انا كنت بذاكر وبيطلع عيني وانتي كنتي بتقضيها خروجات وفسح..
هنيه 
جرا ايه يا بت انتي هو انتي هتردي عليها الكلمه بكلمه ولا ايه
فايز 
بس انتي وهي وبعدين يا علياء انا مش هقدر ادخلك اي كليه اصلا
علياء
ليه بس كده يا عمي انت وعدتني..
فايز 
بس اعمل الظروف بقيت دايقه اووي والفلوس اللي سيبهالك ابوكي يدوب تكفيكي في جوازك لما يجيلك نصيبك...
علياء بدموع
يعني ايه يعني مش هدخل الجامعه يا عمي..
هنيه 
هو احنا اللي هنعيده هنزيده ايوه مش هتدخلي الجامعه يا عين امك..
_ مسحت علياء دموعها ولمت الاكل وكانت لسه رايحه تنام بس لقيت ساره بتقولها..
ساره
انتي رايحه فين غيري هدومك ويلا بينا رايحين النادي..
علياء
بقولك ايه انا لا فايقالك ولا فايقه لصحابك بتوع النادي دول انا امك مطلعه عيني وعايزه انام..
ساره 
هو باخدك معايا من حبي فيكي لا ده عشان بابا يرضي يخرجني يلا يلا قومي..
_ قامت علياء ولبست بنطلون جينز واسع وبلوزه لونها اسود وهدومها شكلها قديم بس هما اللي معاها بس وراحت النادي مع ساره وكانت قاعده لوحدها وسمعتها هي وصحابها بيقولو..
ساره
انا نفسي بس نوح يشوفني ووقتها مش هيشوف غيري..
علياء بصوت واطي
طبعا من صډمته من شكلك..
بنت تانيه
نوح الشرقاوي صعب بنت تلفت نظره لازم تكون توب في كل حاجه..
علياء بسخريه 
وكمان هنكفر ما كامل الا الزين يا اختي منك ليها..
_وقامت علياء وراحت قعدت في مكان لوحدها وبصت للسما وقالت بدموع..
علياء
انا مش بعترض علي حكمك ياارب بس انا لو كان بابا وماما عايشين كنت هكون مبسوطه اكتر من كده كنت هدخل كلية الهندسه من غير ما عمي يقف في طريقي ياارب حققلي خلمي وادخل الكليه انا نفسي بس ابعد عن عمي ومراته الحربايه الصفرا دي وبنته السلعوه واشتغل وادخل الهندسه واحقق حلمي..
قعد فجأه جنبيها نوح اللي ما كانتش تعرفه وقالها
واللي يخليكي تدخليها وتحققي حلمك وما تحتاجيش لعمك ومراته تعملي ايه..
علياء
انت مين ياااه وازاي تقعد معايا كده وتت تسمع كلامي