قبل الافطار بدقايق_كامله
انت في الصفحة 1 من 7 صفحات
ابني ساعه الفطار وبعدها اقعد يتفرج علي رامز
وقبل ما بدا حكايتي اعرفكم بنفسي انا اسمي احلام عندي 45 سنة عندي ولد وبنت وجوزي على المعاش ومريض قلب وسكر
وفي قولت لجوزي
هو انت مش ناوي تجيب العلاج بتاعك برضو ياعبده حرام عليك صحتك
عبده
مش مهم يا احلام انا عايز اوفر الفلوس بتاعت العلاج دي انتي عارفة هند بنتك داخلة على جواز اهيه ولازم نجيب لها بقيت الجهاز بتاعها وكمان غير كده رمضان بعد بكرة وعايزين نجيب شوية حاجات في البيت
احلام
لا ياخويا تشوف نفسك الأول وتجيب علاجك وبعدين نبقا نشوف موضوع الجهاز ده ياعبده هو يعنى الجهاز هيطير لو استنينا شوية وحاجة رمضان مقدور عليها انا هجيبهم ملكش انت دعوة مشتغلش بالك غير بصحتك وبس
مانتي عارفة ان خطيبها مستعجل عشان عايز يدخل بعد العيد
احلام
وانا قولت له مفيش ډخله غير على العيد الكبير ان شاء الله وساعتها ربنا يبقا يسهلها من عنده انا هاقوم اجيب الفلوس من جوه وانزل هات علاجك
ودخلت الاوضة عشان اجيب القرشين اللي عبده جوزي شايلهم لعلاجة وملقتش الفلوس مكانها قولت
يلهوي الفلوس راحت فين وخرجت من الاوضه وقولت لجوزي
هو انت شيلت الفلوس من مكانها اللي كنت شيلاها فيه ياعبده
عبده
لا يا احلام انا مشلتش حاجة من مكانها وبعدين ما انتي اللي بتشيلي الفلوس علطول
انا مش لاقيه الفلوس مكانها ياعبده دخلت عشان اجيبهم ملقتش حاجة خالص ولا مليم
عبده اتعصب وقال
انتي بتقولي ايه يا احلام امال الفلوس هتكون راحت فين اسألي هند يمكن تكون شالتهم وهي بتنضف الاوضة ولا حاجة
احلام
لا اكيد مش هند ده اكيد الصايع ابنك هو اللي عملها محدش يعمل العملة السوده دي غيره هو
عبده
انتي بتقولي ايه يا احلام تقصدي ان ابنك سامح سرقنا لا لا مش معقول ابننا يعمل كده
احلام بټعيط
لا عملها يا عبده زي ماعملها كذا مرة قبل كده وانا اللي مكنتش برضى اقولك ولا اتكلم
عبده
طيب والله لما يرجع بس من برة اشوف حكايتة ايه ابن الكلب ده بقا معقولة ابني يسرقني
ها ياهند عملتي ايه ياحبيبتي جبتي الحاجة بتاعت البيت
هند
جبت كل حاجة قولتي عليها تصوري ان الاسعار غليت اوي ياماما انا مش عارفة ايه بقينا عايشين فيه ده
احلام بحزن
هنعمل ايه بس يابنتي ربنا يرحمنا برحمته
هند
هو بابا ماله ياماما شكلة زعلان كده ليه وراحت هند ناحيتة وقالت مالك يابابا في ايه ياحبيبي انت تعبان ولا ايه
عبده
شوفتي اخوكي ياهند اخوكي الصايع سرق الفلوس اللي كنت شايلها عشان اجيب لك بيها الحاجات اللي ناقصاكي في جهازك وحاجات رمضان اللي داخل علينا ده لا وامك تقولي خود الفلوس هات بيها علاجك اهو لا طولنا نجيب العلاج ولا نجيب حاجة خالص
هو عملها ومد ايده تاني
عبده
هو انتي كنتي عارفة انه بيعملها علطول يعنى انا اخر من يعلم ياهند انتي وامك
هند
هو بصراحة عملها كذا مره يابابا وانا كنت ساكتة مرضتش اتكلم عشان حضرتك متزعلش
عبده
يعني داريتي عليه انتي وامك وخبيتو عليا عشان معملش ليه حاجة وادي النتيجه اهو سرقنا
ولقيت سامح داخل من باب الشقه عمال يغني ومبسوط ولما شافنا قال
ايه ده مالكم قاعدين كده ليه هو انتو عندكم عزا وانا مش عارف
عبده
عزا ياقليل الادب ياواطي فين الفلوس اللي كانت في الدولاب ياكلب
سامح
فلوس فلوس ايه دي انا مشوفتش حاجة
احلام
انت هتكدب ياواد الفلوس اللي كنت شيلاها في الدولاب عشان نجيب بيها العلاج لابوك وديتها فين
هند
محدش اخد الفلوس دي ياسامح فقول بقا كده انك اخدهم
سامح
ااه انا
