اتجوزت اخو خطيبي٢_بقلم رحاب القاضي

اتجوزت اخو خطيبي «٢»... 
ــــــــــــــــــــــــــــــــــــــــ
_فبيت راشيد العدوي، قعدت فتون فاوضة عزت من لما جات وهي بتبكي وسمعاه عمال يزعق مع اهله تحت..
عزت بزعيق _
هو حضرتك شايفني اي ي حج، الاول تفرض عليا اخطب ريتال وانا اصلا مش طايقها وسكت وحطيت جزمه في بوقي، ودلوقتي تجوزني وحده الحاجه الوحيده لللي اعرفها عنها اسمها، لي بتعمل فيا كده!..
راشيد بهدوء _
كفاياك ي عزت انا معملتش فيك حاجه غير الصح اللي هتشكرني عليه بعدين..
عزت بعص.بيه _
اشكرك ع اي انك عاملني زي الارجوز بتحرك فيا ع مزاجك ورغبتي اخر حاجه تهمك..

وقف راشيد وزعق فيه _
انا قولت اسكت يبقي تسكت واخر مره هسمحلك تعلي صوتك عليا ي ولد انت..
وقف مصطفي قدام اخوه وقال لـ راشيد._
ميقصدش ي حج بس هو حقه بصراحه..
راشيد بحده _
حقه اي بس، هو يحمد ربنا انه اتجوز وحده. زي فتون دي الاولي ع الثانزيه العامه والبلد كلها تشهد ع جمالها واخلاقها..
عزت بضيق _
 
ي بابا انا مشكلتي مش في فتون ولا في ريتال، انا بس كل مشكلتي انك بتفرض عليا قراراتك من غير متاخد حتي رأيي وكأني عيل صغير..
راشيد _
رد. عليه انت ي مصطفي..
مصطفي بهدوء _
ابوك عايز مصلحتك ي عزت وعمره معاملك انك عيل والا مكنش خلاك تمسك الشركه بتاعتنا فالقاهره..
اتنهد عزت وقالهم _
عمركم ما فهمتوني، ولا حد فالبلد دي كلها فهمني..
_سابهم وطلع اوضته، فوقف مصطفي قدام ابوه وهو مدايق..
راشيد _
في انت كمان هتحاسبني ع اي؟..
مصطفي _
العفو ي حج عاش ولا كان اللي يحاسبك، بس انا مرضتش اتكلم قدام عزت عشان الموضوع ميكبرش ومستنيك تفهمني اللي حصل في بيت خالي..
ردت عليه وفاء مامته _
محصلش حاجه ابوك لم الموضوع وقالهم ان في سوء تفاهم وان خطيبة عزت فتون، وريتال خطيبة مصطفي..
اتعص.ب مصطفي _
الله واكبر عليكم بقي عشان متفضحوش الست ريتال تخربو بيتي انا، اسراء راحت عند. بيت اهلها زعلانه حد فكر فمشاعرها وانتو بتقولو كده..