جبروت اختي وجوزي عليا _قصه كامله

اختي لما اروح عند امي بتشيل من قدامي الاكل وتحطه قدام جوزي عشان. 
اعرفكم بنفسي انا اسمي سمر وعندي 24سنه متجوزه ومعايا بنت وجوزي راجل غني ومرتاح..وفي يوم كنت رايحه لامي وقبل ما اروح بشويه حصل
كانت امي مجهزه الغدا وطلعت اختي رقيه من اوضتها وقالت..
رقيه
اش اش يا ست ماما كل ده اكل لحبيبة قلبك
نعمه 
وفيها ايه يا بنتي اختي من لما ولدت بنتها ما جاتش عندنا
رقيه
وايه اللي هيجيبها في الفقر عندنا وجوزها مش حارمهة من حاجه
نعمه 
حرام عليكي سيبي اختك في حالها مش كفايه ان جوزها شړاني وكل يوم والتاني هو وامه مزعلينها ونكدين عليها وهي يا حبة عيني لا بتشتكي ولا بتقول حاجه

رقيه 
في ايه يا ماما هو انا يعني هحسدها مثلا انا بقولك اللي فيها
نعمه 
طيب خلاص اسكتي وادخلي هاتي المعالق من المطبخ.
رقيه 
هدهل حاضر بس هاتي طبق الفراخ ده احنا اولي بيه هي مش ناقصها اكل ولا حاجه جوزها تلاقيه كل يوم والتاني جايبلها فراخ ولحمه وحاجات ما نعرفش عنها حاجه
_واخدت رقيه طبق الفراخ وراحت شالته في المطبخ وبعد شويه روحت انا عندهم وانا شايله بنتي واول ما فتحتلي رقيه قالت
رقيه 
اهلا اهلا بحبيبة قلبي وحشااني اووي يا سمر..
دخلت وقولتلها
وانتي كمان وحشااني اوووي والله يا حبيبتي. بقي كده اولد واقعد الفتره دي كلها ما اجيش وانتي ولا تيجي تشوفني ولا حتى تسألي فيا
رقيه 
اعمل ايه بس يا سمر ما الجامعه والمذاكره واخدين كل وقتي اتفضلي با حبيبتي...
_ودخلت سلمت علي امي وقعدنا ناكل وامي قالت وهي زعلانه..
نعمه 
حقك عليا يا سمر علي الاكل ده والله انا كان بودب اجيبلك الدنيا كلها..
رقيه 
بس الظروف يا حبيبتي ده احنا اهو مس لاقين نجيب حتي نص كيلو فراخ نقدمه ليكي..
سمر بهدوء
هو انا غريبه ولا ايه وبعدين ده كفايه الاكل من ايد ماما معلش يا رقيه افتحي الباب تلاقيه خالد جوزي جه.. قامت رقيه فتحت وكان خالد جوزي
رقيه
ايه النور ده كله يا خالد عاش من شافك اتفضل..
دخل وقالها
يزبد فضلك يا رقيه عامله ايه واخبارك الكليه بتاعتك
رقيه 
اهو ماشي الحال تعالي اتفضل انا ما رضيتش اكل ومستنياااك.. ودخلو وقعدو ياكلو وبعد شويه قال خالد..
خالد 
الحمد لله تسلم ايدك يا حماتي الاكل زي الفل ابقي علمي الهانم اللي متجوزها بقي..
نعمه 
بالهنا والشفا يا حبيبي روحي يا رقيه اقفي جنب اخوكي وهو بيغسل ايده
رقيه 
من عينيا يا ماما تعالي يا خالد... ودخلو المطبخ وانا قولت لامي
سمر
شايفه يا ماما بيقلل مني ازاي مش كفايه بطبخله هو وامه واخته كل يةم وما فبش حد منهم حتي بيهون عليه يشيل بنتي شويه او يساعدني
نعمه 
معلش يا بنتي اصبري وربنا شايف لوحده الحال وقادر يريحك..
وجوه المطبخ قبل ما خالد جوزي يغسل ايده طلعت رقيه صنية الفراخ وقالت..
رقيه 
استني با خالد خد الاول كل كان حتت فراخ..
خالد
ايه ده مادام في فراخ مش حطينها ليه بره علي السفره..
رقيه مثلت الحزن
والله انا وماما كنا حطينها بس مراتك بقي قالت نشيلها عشان لما انت تمشي ناكلها..
خالد بضيق
طيب يا رقيه شليها مكانها..
رقيه 
لا لا والله لانت واكل منها والا انا كمان مش هاكل..
خالد 
انتي طيبه اووي يا رقيه انا هاكل عشان خاطرك انتي وبس...
_واكل كام حته وبعدين غسل ايده وطلع اخدنب ومشينا واول ما وصلنا البيت..
سمر
انا ممكن افهم انت ازاي تخليني امشي كده بسرعه مش كنا متفقين انك هتسيبني قاعده معاهم وانت تمشي ولما تخلص شغلك بالليل ترجع تاخدني
خالد
لا طبعا يا سمر انا مش هسيبك هناك ولا هتروحي هناك من غيري الله