حماتي خلتني اعمل في بنتي؟ الاول
نازل اقعد تحت وروحي شوفي بنتك جوه لتصحي وربنا يهديكي يا سهير علي نفسك..
خلص كلامه ونزل ودخلت سهير اوضتها وطلعت علبة الدهب بتاعت ام مياده وقالت لنفسها...
سهير
الحمد لله وان مرات اخويا ما لهاش حد يدور وراها ولا حد اخد باله من الدهب ده اهو ده كله هيبقي ليا انا ولبنتي..
وفي البلد بتاعت فوزي اول ما وصل وادي البنت لمراته فايزه وقال..
خلي بالك من البنت بقي يا فايزه دي لسه عمرها كام يوم..
فايزه
ايه يا اخويا هو انا مش كفايه عليا العيال جايبلي هم كمان انشغل بيه..
فوزي
يا فايزه دي بنت يتيمه وبنت اخويا خلينا نربيها مع الولاد ونبقي عندها تلات عيال بدل اتنين وربنا يباركلنا فيهم.
فايزه
اربي بنت مش بنتي ليه واخلطها في عيالي وبعدين انت عيالك رجاله هنربي وسطهم بنت ازاي اتقي الله في كلامك شويه..
اتقي الله انتي يا وليه يا خرفانه دول لسه عيال وبنت حتت لحمه حمرا علي ايدك ومقسيه قلبك عليها واسمعي بقي اخرة الكلام البنت دي هتتربي هنا وسط عيالنا ولو انتي مش هتقدري تربيها يبقي اتفضلي علي بيت ابوكي وانا اجيب وحده تربيلي التلاته..
فايزه
خلاص يا اخويا هيتخرب عليا ولا ايه بسبب البنت دي هربيها وامري لله واهو كله بثوابه..
عليكي نور كله بثوابه والبت دي لو لقيتك مهمله فيها او بتعامليها مش كويس انتي عارفه انا هعمل فيكي ايه...
فايزه
يا اخويا دي عيله صغيره وبرضو انا عندي قلب بس كل الحكايه انا مش عايزه اتعب وما صدقت العيال كبرو ودخلو المدرسه وقولت ارتاح..
فوزي
والله استني بس كرم ربنا ليكي بعد ما نربي البنت دي المهم انا لسه ما سميتهاش ومش عارفه اسميها ايه..
الله يا فوزي بص عينيها لونها ازرق زي السما..
ابتسم فوزي وقال
انا خلاص لقيت الاسم اللي هسميه ليهاانا هسميها سمااء يلا خدي سماء وخدي الفلوس دي وانزلي هاتيلها شوية هدوم حلوين
فايزه
طيب هو ينفع طيب نجيب للبنت وما نجيبش لولادك هات بس قد الفلوس دول اهو نفرح العيال..
وطلعلها فوزي الفلوس وقال
كان راجع فوزي من الشغل وقربت منه سماء وقالت وهي مبسوطه..
سماء
باركلي يا عمي انا نجحت وطالعه الاولي علي الثانويه العامه..
فوزي فرح وقال
بجد. يا سماء الف مبروك يا بنتي ربنا يباركلي فيكي وتعيشي وتفرحيني..
دخل عادل ابن عمها وقال
البركه فيا علي فكره انا اللي كنت بذاكرلها ولا ايه يا سماء..
علي كام مره شرحتلي فيهم وبعدين واحد. زيك في كلية الطب اكيد مش فاضي اشرحلي انا..
ضحكك فوزي وقال
هههههه اكيد انتي معاكي حق يا سماء ينفع نفسه الاول وبعدين يتكلم..
وعلي الكنبه جنبيهم كان قاعد يحيي ابن فوزي ومعاه فايزه امه وقال يحيي وهو مدايق..
يحيي
شايفه يا ماما بتتكلم مع عادل ازاي وانا مش مداياني اي
