جيبت لحماتي في عيد الام _السابعه

جيبت عقربه لحماتي في عيد الام 
الحلقه السابعه
سهير 
جلاا ايه يا افندي انت هو الكلام علي الباب كده 
وبعدين ايه في السر ده
وطلع فتحي وقال 
في ايه يا سهير ايه ده استاذ ماهر مش كده
سهير 
انت تعرفه ولا ايه يا فتحي
فتحي 
ايوه الاستاذ ماهر يبقي جوز اخت هاني جوز مروه بنت اختك الله يرحمها 

ومش بس كده كمان ده رئيس القسم عندي في الشركه اللي انا شغال فيها
سهير فرحت وقالت 
بجد طيب اتفضل ادخل ده احنا اهل ونقعد بقي ونتكلم في اللي انت عايزه
ودخل ماهر جوه وقعد في الصاله ودخلت سهير عند ريتال اللي كانت نايمه وقالتلها
سهير 
انتي يا بت قووومي فزي
ريتال قامت وقالت 
نعمم في ايه يا خالتي انا مصدعه والله وعايزه انام وقبل ما انام غسلت المواعين
وجهزت اغلب الاكل اللي هنطفحه قصدي هنفطر بيه وروقت الشقه وعملتلك الشاي 
بالنعناع في ايه تاني بقي يا خالتي ما تسبيني اناام
سهير 
سبحان الله الخالق الناطق امك نفس الرغي اللي ما لوش لازمه 
قومي غيري هدومك وحطيلك شوية احمر واخضر واطلعي في عريس بره
ريتال
عريس ليا انا مين ده يا خالتي وجاي في وقت زي ده ليه
سهير 
الله واعلم بقي اتنيلي اعملي اللي قولتلك عليه واطلعي يلاا
وطلعت سهير وريتال لبست فستان بسيط وفردت شعرها واټصدمت لما طلعت ولقيت 
ماهر قاعد مع فتحي جوز خالتها وخالتها وهما بيتكلمو ومبسوطين
ريتال 
انت ايه اللي جابك هنا
ماهر بهدوء 
انا جاي اخطب ريتال يا استاذ فتحي انت ومدام سهير واتمني طلبي ما يترفضش
فتحي بقلق 
بس يا استاذ ماهر انت متجوز ومعاك بنت كمان ومش متجوز اي واحده 
ده انت متجوز اخت جوز اخت ريتال يعني الوضع مش ساهل
ماهر 
احم ما انا عشان كده ااا لو سمحتي يا ريتال اقعدي
قعدت ريتال وقالت 
اديني اهو قعدت يا استاذ ماهر قول اللي عندك مع انك عارف ردي كويس
فتحي 
هو انتو تعرفو بعض ولا ايه 
سهير 
استني انت يا فتحي كمل كلامك يا ابني احنا اهو كلنا سامعينك
ماهر 
كل الحكايه اني شوفت ريتال قبل كده اكتر من مره وهي بنت متربيه ومحترمه 
وانا بصراحه ومن غير لف ودوران حبيتها واتمنيت اتجوزها وعارف الظروف اللي احنا فيها
ريتال پحده 
ومدام عارف الظروف جاي تاني ليه 
سهير 
ما تخرسي خالص يا بنت انتي كمل كلامك يا ابني
ماهر 
وعشان كده انا جاي وعايز اتجوز ريتال بس في السر فتره مؤقته 
لحد ما اظبط اموري مع مراتي والبيت التاني وكل حاجه هتبان
فتحي 
نفترض اننا وافقنا ليه مش من دلوقتي تقول كل حاجه للناس
ماهر 
عشان مره وهاني هيكون الموضوع بخساره عليهم 
وانا هستني هاني يجيب بيت بعيد عن امه او حتي اخوه يتجوز ويكون في مكان ممكن 
يقعد مروه لوحدها وقتها هقدر اقول كل حاجه ومش هخاف علي ريتال ولا اختها اللي انا هكون في مقام اخوها
ريتال پحده 
وانا مش موافقه ليه كل التعب ده معلش انا مش مستعده اغامر