اختي وجوزها _كامله

اختي 
الاول 
وقبل ما نبدا حكايتنا اعرفكم علي نفسي انا اسمي انجي متجوزه وعايشه 
في دبي واهلي عايشين في مصر انا ابويا الله يرحمه من وانا صغيره 
وعشت انا وامي وع خالتي اللي كانت مطلقه ومعهاش اولاد لانها كانت ما بتخلفش 
اختي جهاد اصغر مني بست سنين وعندها 22 سنه

وفي يوم صحيت جهاد من نومها وطلعت بره اوضتها لقيت خالتها ومامتها بيفطرو
جهاد
صباح الفل يا جماعه الله انتو جايبين فطير علي الفطار اومال فين بقي الجبنه المالحه
الخاله ناهد 
لا جيبنا عسل تعالي يا قلب خالتو افطري
روحيه الام 
استني انتي وهي يا بنتي انا مش مليوم مره اقولك ما تطلعيش من اوضتك غير وانتي 
مغيره هدومك ومظبطه حالك ينفع المنظر ده وشعرك المنعكش
جهاد 
يا ماما انا جايه افطر مع عيلتي واهلي مش جايه افطر في مطعم خمس نجوم
روحيه 
يعني هي النضافه حرام يعني ولا شكلك كده حلو اووي ويفتح نفس اللي قدامك
ناهد 
لو مش عايزه تاكلي يا روحيه قوومي وسيبي البنت تاكل براحتها
جهاد 
سؤال بس هو ليه يا خالتو مش انتي اللي امي
روحيه 
يعني انا بقيت وحشه دلوقتي معاكي انتي وخالتك يا جهاد
جهاد 
لا طبعا يا ماما انا بهزر معاكي يا حبيبتي
روحيه 
انتو عرفتو اللي حصل الشقه اللي جنبينا سكنت بيقولو اخدها دكتور وهيفتحها عياده
جهاد 
طيب قولولي بقي الدكتور ده حلو ولا ااا
روحيه پحده 
يا بنتي اتلمي عيب كده وبعدين انا اللي عايزه اعرفه هو هيفتحها عياده وهتفضل الناس نازله وطالعه عندنا 
ولا ايه الحكايه ويا سلام لو كان هيقيم كمان فيها تبقي كارثه
ناهد 
وليه كراثه يعني هو هيقعد عندنا يعني الراجل قاعد في شقته
روحيه 
بس راجل وساكن قصادنا واحنا هنا تلات ولايه انا لولا المشاكل اللي بيني 
وبين الست صاحبة البيت والله كان زمااني مكلماها ما تسكنش حد راجل في الشقه دي
ناهد 
المحترم محترم من نفسه يا روحيه واحنا ناس في حالنا من زمان 
هو ايوه ساكن قصادنا بس يعني مش هيكون بينا غير السلام وقت الصدف
روحيه 
سمعتي الي قالتو خالتك يا جهاد اياكي اشوفك واقفه تتكلمي معاه ولا اي حد
جهاد بضيق 
حاضر يا ماما انا هقوم البس عشان اروح الجامعه
ناهد 
طيب كملي فطارك الاول يا حبيبتي انتي ما اكلتيش حاجه
جهاد 
معلش يا خالتيو هبقي اخد حتت فطير اكلها وانا نازله
ودخلت جهاد اوضتها وناهد زعقت في روحيه وقالتلها بعصبيه
ناهد 
ما كفايه بقي يا روحيه حرام عليكي عقدتي البنت ما تسبيها تتعامل وتعرف ناس بلاش التقفيله 
اللي انتي قفلاها عليها دي البنت كده هتطق منك
روحيه 
بقولك ايه يا ناهد مالكيش دعوه في طريقة تربيتي لبناتي
ناهد 
انتي حره انا ما قولتش حاجه بس التقفيله دي وانك مرقباها الاربعه وعشرين 
ساعه في الاربعه وكده هتخليها تدور علي حاجه تانيه تحس انها براحتها فيها 
التربيه يا اختي يا حبيتي مش انك تخنقيها بالعكس انتي لازم تحسسيها انك 
واثقه فيها
روحيه 
لا انا كده صح ومرتاحه اطلعي انتي براها وما تدخليش في