ظابط الشرطه وبنت الليل٢

_في مكان تاني بيت كبير وراقي واضح انه بتاع ناس اغنيه جدا، نزل عمر من اوضته ولقي مامته وباباه واخته الصغيره بيفطرو، قعد معاهم وقال..

عمر _صباح الخير يا جماعه..

ردو عليه كلهم وقالت مامته _هتيجي امتي من الشغل النهارده..

رد عمر عليها _مش عارف بس يا هاجب علي الفجر يا هبات واجي الصبح...

ادايقت مامته وقالتله _بقي ده اسمه كلام افرض كنت متجوز دلوقتي تسيب مراتك لوحدها وتبات بره البيت..

عمر _لا طبعا يا ماما هجيبها تبات عندكم هنا وابقي ارجع اخدها..

ضحك باباه وقاله _ههههههه جامد يا ولد زي ابوك...

ام عمر بضيق _امممم هو فعلا مش هيجيبه من بره، المهم بكره طنطك سمر وبنتها نادين هيتغدو معانا..

اتنهد عمر وقالها _لي هما ما عندهمش غدا ولا اي؟..

ردت عليه المره دي اخته الصغيره وقالتله _لا ي عموري عندهم، بس معندهمش عريس وجايين يشقطوك..

زعقت ام عمر فيها وقالت _انتي يا بنت ايه الالفاظ اللي بتقوليها دي يا قليلة الادب..

ردت شهد اخت عمر الصغيره علي مامتها بخوف وقالت _سوري يا مامي بس عمر قال كده قدامي مره وانا افتكرت انه عادي...

ام عمر بعصبيه _بقي دي الفاظ تقولها قدام اختك...

رد عليها ابو عمر وقال _ايوه صح اي اللي بتسمعه وبتخلي اختك تسمعه ده كمان يا ولد؟..

عمر بسخريه _جرا ايه يا بابا مبلاااش انت يا بتاع نسوان قناة المولد...

ام عمر بعصبيه _الولد ده بيقول ايه ياا فهمي...

فهمي بخوف _بيخرف يا حبيبتي بيخرف...

ام عمر _وانت ي عمر باشا، ي حضرة الظابط يا محترم هتقابل نادين ولو عجبتو بعض هنروح نخطبها...

ادايق عمر وقالها _يا ماما هو انتي لي مستعجله كده وعايزه تجوزيني هو انا بنت وخايفه تبور، وبعدين ريحي دماغك انا مش هتجوز غير اللي قلبي هيختارها...

قام وقف وقال بهدوء _همشي انا عشان متأخرش علي الشغل...

_طلع عمر بره بيتهم وقبل ما يركب العربيه موبيله رن، رد علي عزت صاحبه اللي قاله بسرعه..