جبت ل حماتي هديه الثانيه بقلم هويدا زغلول

كده هو انا لسه قولت حاجه امال لما اقول هتعملي ايه
ثريا 
الله ما تتكلم ياواد فيه ايه
يحي 
بصراحة كده انا عايز اتجوز ريتال اخت مروة مرات هاني
ثريا 
نعم ياخويا واشمعنا بقا ريتال اخت مروة مرات اخوك من قلة البنات يعنى ولا من قلة البنات وبعدين هو انت حيلتك ايه عشان تتجوز
يحيى 
اه شوفت ياعم مش قولتلك يلا قابل بقا
هاني 
اولا ياماما مالها ريتال اخت مروة بنت يتيمة وغلبانة ومؤدبة وعارفينها كويس مش احسن مايجبلك واحدة ولا نعرف أصلها ولا فصلها وبعدين حيلته ايه دي انا وانتي هنساعده ونوضبله الشقه اللي على أدهم هو ومراتة يبقا نستنا ليه بقا
ثريا 
ااه اكيد المحروسة مراتك هي اللي قالتلك جوز اخوك لاختي امال ماهي لازم تتدلل عليها
هاني 
طيب والله العظيم انا اللي قولت لمروة على اختها ريتال لخويا يحيى مش عارف انتي ليه ياماما ظنك دايما كده
ثريا 
خلاص اللي تشوفو اعملو ويلا اخرجو وسيبوني دلوقتي عشان دماغي مشغوله شوية يلا انت وهو
يحي 
يلا ياعم هاني امك طردتنا من اوضتها يلا
وخرجوا من عندها وتاني يوم راحت ثريا عند سهى وسهى قالت 
هنعمل ايه يا ماما انا مامنتش من امبارح ودماغي مشغوله وطول الليل قاعده بفكر هتصرف ازاى
ثريا 
هو ميعاد الدكتور ده الساعه كام
سهى 
النهارده بعد الفطار علطول ماهر حاجز و اخد ميعاد بالليل
ثريا 
طيب متقلقيش مش هخليكم تروحو
سهى 
طيب هتعملي ايه فهميني يا ماما ايه اللي في دماغك
ثريا 
بعد الفطار هتعرفي كل حاجة
وقبل المغرب بشوية رجع ماهر وقال 
الله حماتي عندنا يادي النور يادي النور
ثريا 
تسلم ياجوز بنتي ياغالي والنبي انا مكنت قادرة اجي اصل الضغط عالي عليا اليومين دول بس سهى مراتك بقا قالتلي اجي افطر معاكم
ماهر 
الف سلامه عليكي ياحماتي وبعدين كويس انك جيتي ده انتي منورانا والله وكان المفروض تيجبي يحي وهاني والجماعة بتاعته يفطروا معانا
ثريا 
لا خليها يوم تاني ان شاء الله انت تيجو تفطرو عندنا يوم واحنا كلنا نيجي نفطر معاكم يوم
ماهر 
ان شاء الله ياحماتي وبصراحه كويس انك جيتي كمان النهارده هننزل انا وسهى نروح للدكتور عشان نشوف موضوع الخلفه ده
ثريا 
طيب وانت مستعجل ليه بس ياماهر انتو لسه صغيرين ياحبيبي وتخلفو براحتكم
ماهر 
ماهو ياحماتي المفروض اننا نجيب العيال واحنا صغيرين كده عشان حتى نلحق نربيهم
سهى 
ياحبيبي ربنا يديك طولت العمر متقولش كده
ثريا 
يابني ربنا يديك الصحة وتخلف وتربي وتتهني ياحبيبي ان شاء الله
ماهر 
تسلمي ياحماتي خلاص احنا ننزل بعد الفطار ونسيب نور معاكي لحد مانرجع
وجه وقت الفطار وفطرو وخلصو اكل ودخلت ثريا تغسل ايديها وفجأه اغمى عليها ووقعت قدام الحمام 
نور شافتها اتخضت وقالت 
الحقي ياماما تيتة وقعت قدام الحمام
سهى 
مامااااا