جبت ل حماتي هديه الثانيه بقلم هويدا زغلول
بتاع جوزك ده
ودخل هاني عند يحيى وقاله
ازيك ياعم يحي انت قاعد لوحدك ليه ومش قاعد معانا بره تتفرج على المسلسلات ده في مسلسلات السنه دي حلوه
يحيى
لا ياعم انا مليش في جو المسلسلات ده انا اقعد بقلب في الفيس
هاني
ماشي يا معلم براحتك المهم كنت عايز اخد رايك في حاجة كده
يحي
حاجة ايه دي
هاني
طيب ماتسيب ام الفيس ده وتنتبه لي كده
ها ياعم هاني في ايه
هاني
شوف بقا يامعلم اما انا جايبلك حتة عروسة بنت انما ايه جمال وادب وأخلاق واحترام مفيش بعد كده
يحيى
اييييه حيلك حيلك ياعم هاني عروسة ايه وبتاع ايه هو مين قالك اصلا تشوفلي عروسة وبعدين هو انا حيلتي ايه عشان العروسه توافق بيا
هاني
ماهي لا هتطلب منك ابيض ولا اسود يعنى بنت حلال وهتبقا عايزة تعيش وخلاص انت بس وافق وانا هساعدك ملكش دعوة
ااه تساعدني طيب وتطلع مين بقا العروسه دي
هاني
والله عروسة غلبانة بس يارب انت بس تعقل كده وتبطل تسهر مع الشله الصايعة بتاعتك وتلتزم وتبقا اد المسؤليه
يحيى
ياعم هاني اخلص وقولي مين هي
هاني
ياسيدي هي تبقا ريتال اخت مروة مراتي
يحي بصله باستغراب وقاله
ريتااال ااه عشان كده
هاني
عشان كده ايه يااض انت
عشان كده عمال انت ومراتك تغمزو لبعض ومروة تقول ايه رايك في الأكل ياهاني وهاني يقول ايه رايك في الأكل يا يحيى دي ريتال اللي عاملاه وتسلم ايدك ياريتال وانا قاعد اكل زي الطربش ولا كنت فاهم حاجة
هاني
ماهو عشان انت فعلا طربش يا يحيى ههههه بس بزمتك مش البت حلوه وتستاهل
يحيى حط رجل على رجل وقال
هاني
ايه ياض الانزحة اللي انت فيها دي نزل رجلك ياض واتعدل بدل ما اعدلك ها موافق ولا لا
يحيى
طيب وافرض انا وافقت وهي رفضتني هتعمل ايه ساعتها مع كرامتي اللي هتروح هباء مع العيلة دي
هاني
والله دي لو رفضت تبقا امها داعيه لها المهم انت بس قول لأمك بقا وشوف رايها ايه
يحيى
هاني
يابني ما انت هتقولها وانا هاكون معاك ونكلمها سوا يلا دلوقتي ندخلها يلا
وخرج هاني وقال لمروة
اعملي لنا تلات كوبيات شاي وهاتيهم على اوضتة ماما يامروة ماشي
مروة
حاضر ياهاني
ودخل يحي وهاني عند امهم لقو اقعده تكلم نفسها
يحيى
الحق امك ياهاني دي بتكلم نفسها
ايه ياماما في ايه ياحبيبتي مالك بتكلمي نفسك ليه في حاجة مزعلاكي ولا ايه
ثريا
ها لا يا ولاد مفيش حاجة بس ايه التجمع ده
هاني
احنا قولنا نيجي نقعد معاكي شويه وقولت لمروة تعلمنا شاي واهو الشاي كمان جه اهو
مروة
اتفضلو الشاي اهو والسكر بره زي ماما مابتحبه عايزين حاجه تاني
يحي
شكرا يامرات اخويا تسلم ايدك
هاني
شوفي بقا ياست الكل الواد يحي عايز يكلمك في موضوع مهم وحساس
ثريا
موضوع مهم وحساس خير يا يحيى ربنا يستر في ايه
يحي
جرا ايه يا ثريا ماتهدي عليا
