جبت ل حماتي هديه الثانيه بقلم هويدا زغلول
براحتهم بس ينجزو ويخلصو الاكل
مروة
واهو الاكل جهز على السفرة اهو ياماما والمغرب اذن في الراديو اهو يلا ياهاني نادي على يحي اخوك عشان يفطر معانا
وخرج يحي من اوضته واقعدو كلهم يفطروا وهاني يبص ليحي وريتال ويحي باصص في طبقة ومش واخد باله من ريتال خالص
هاني
احم كولي يا ريتال كولي انتي مكسوفة ولا ايه ده بيتك متتكسفيش
ما انا باكل اهو يا ابيه هتكسف ليه بس
مروة
كولي ياحبيبتي خودي ياملك حته اللحمة دي وانتي ياريتال خود يا يحيى هو انا هعزم عليكم ياجماعة على فكرة ياماما نصي الاكل ده ريتال اختي اللي عملاه بزمتك مش حلو برضو
ثريا عوجت بوقها
اه ياحبيبتي حلو تسلم ايدك ياريتال
ريتال
شكرا ياطنط ربنا يخليكي
وانت مش هتقول اي حاجة خالص يامعلم ولا عمال تاكل وخلاص
يحي والاكل في بوقه
ااه الاكل حلو اوي تسلم ايد اللي عمله
يحي خبطه في دراعة
بتقولك ريتال اللي طبخت ايه مفيش كلمة حلوه ليها
يحي
ااه اه تسلم ايدك ياريتال انا شبعت خلاص هاقوم اغسل أيدي
ثريا
هو في ايه يا يحيى الله مالك ياحبيبي
هاني
وقامت مروة وريتال يشيلو الاكل ومروة قالت
الله التليفون ده بتاعك بيرن ياماما انتي مش سمعاه ولا ايه
ثريا
تليفوني دي اكيد سهى ياحبيبتي هاروح ارد عليها
ودخلت اوضتها وقالت الووو في ايه ياسهي بترني دلوقتي ليه مش المفروض انك لسه بتفطري ولا الوليه حماتك نكدت عليكي ياقلب امك
الحقيني ياماما انا في مصېبة ومش عارفة اعمل ايه
ثريا
مصېبة اي كفا الله الشړ يابنتي في ايه
سهى
ماهر راح وحجز عند دكتور عشان نروح بكره ويشوف موضوع الخلفه متأخر عندي ليه
ثريا
يلهوي انتي بتقولي ايه ازاى الكلام ده طيب وانتي ليه مقولتيش له اي حجة ليه عشان ميتكلمش في الموضوع ده تاني
قولت ياماما قولت ومفيش فايدة مصمم هو وامه كمان انا مش عارفة اعمل ده لو عرفو اللي فيها ماهر هيطلقني ويرميني انتي لازم تتصرفي ياماما
ثريا
طيب متقلقيش انا هتصرف وان شاء الله من النجمة الصبح هكون عندك وساعتها هتصرف
سهى
طيب ربنا يستر
ودخل ماهر قالها انتي قاعده هنا بتعملي ايه ياسهي
انا انا بكلم ماما ياماهر دي بتسلم عليك اوي
ماهر
طيب سلميلي عليها كتير انا نازل اقعد على القهوة وانتي ابقي ادخلي شطبي المطبخ قبل ماتطلعي الشقه فوق
سهى
حاضر ياحبيبي
ثريا
الله وهو بيقولك اغسلي المواعين ليه أن شاء الله هي امه كانت اتشلت ولا اتشلت بقولك ايه سيبك منه ياحبيبتي واطلعي على شقتك فوق ولا تغسلي ولا تعملي تلاقيها اصلا ياعين امك خلتك تعملي الاكل وتقفي على رجلك طول النهار في المطبخ
سهى
ها ااه اومال ياماما انا اللي عامله كل حاجة النهارده وياريت بيعجبها هي ولا ابنها
ثريا
معلش ياضنايا المهم انا الصبح هجيلك ونشوف هنعمل ايه في الموضوع
