جبت ل حماتي هديه الثانيه بقلم هويدا زغلول

جبت لحماتي في عيد الام عقربة
الحلقة التانيه
سهى بارتباك 
هو انت برضو مصمم اننا نروح للدكتور يا ماهر انا بقول نستنى شوية يعنى سنه كمان كده ولا حاجة
ماهر
وليه نستنى يا سهى مش فاهم انا ايه اللي مانعك انك تخلفي ما البت بنتك كبيره اهي ومش صغيرة يعني يبقا نستني ليه
سهى
انا بس بقول يعنى ياماهر.....

ماهر
ولا تقولي ولا تعدي خلاص انا حجزت وخلصنا خلاص يبقا تحضري نفسك بكره على بعد الفطار هنروح ماشي
وخرجت حمات سهى من المطبخ
هدي
في ايه ياماهر بتزعق ليه يابني كده وصوتك عالي
ماهر 
مفيش يا أمي حاجة
هدي 
الله قولي انتي ياسهي في ايه جوزك ماله
سهى 
اصل ياماما ماهر عايزنا نخلف ونخاوي نور وانا بقوله نستنى شوية سنه ولا اتنين عادي يعنى مفيهاش حاجه عشان انا اللي بحمل وبولد وبسهر وكل ده تعب عليا انا ومش راضي
هدي عوجت بوقها وقالت 
وماله ياحبيبتي لما تخلفو دلوقتي هو ايه هيمنعك يعني ماكل النسوان بتحمل وتخلف وترضع وتسهر ولا انتي اللي هتبقي خاېفة على نفسك يعنى
ماهر 
قوليلها والنبي يا امي عشان انا لو هي اتكلمت كلمة تانية زيادة هخلي يومها مش معدي
هدي 
اهدي ياحبيبي وهدى نفسك انت وسهى هتعملك اللي انت عايزة مش كده ياسهي ولا عندك كلام تاني
سهى بقلة حيلة 
لا معنديش كلام تاني خلاص اللي تشوفوه
وعند مروة في البيت حضرت الفطار وعزمت اختها ريتال وكانت بتساعدها في المطبخ 
بقولك ايه يا ريتال هو انتي ياحبيبتي مرتاحة مع خالتك وجوزها ولا ايه اوعي تكون مزعلاكي ولا فتحي جوزها يكون مزعلك
ريتال بحزن 
ها لا لا ابدا يامروة دول كويسين معايا خالص الحمد لله
مروة 
امال ليه يابت مش مرتاحلك لو في حاجة قوليلي ياحبيبتي وبعدين انا عايزة اخد رايك في موضوع كده
ريتال 
موضوع ايه يامروة قولي في ايه
مروة 
ايه رايك في يحي اخو هاني
ريتال 
رأي فيه ازاى يعنى مش فاهمة
مروة 
يابت بسالك رايك فيه ايه يعنى انتي شايفاه حلو وحش محترم مش محترم كده يعنى
ريتال 
والله انا شايفه انه كويس يعني وبصراحة لما باجي هنا بحس انه مؤدب وعمره مارفع عينه فيا
مروة 
حلو اوي طيب يلا نحضر السفرة الاذان قرب يأذن خلاص وحماتي هتدخل دلوقتي وتفتح بوقها
دخلت ثريا وقالت 
انتي ياختي انتي وهي عمالين ترغو من الصبح ولسه محضرتوش السفرة ماتخلصو المغرب قرب يأذن
ريتال بصت لمروة وضحكت 
مروة 
حاضر ياماما والله كنت لسه هغرف الاكل واطلعة على السفرة اهو متقلقيش المغرب هياذن والاكل كله على السفرة
ثريا 
طيب يلا ياختي اعملو لكم همه شوية انتي وهي هو ايه ياختي بنات اليومين دول دحنا مكناش بنات والله
هاني 
في ايه ياماما مالك طالعة من المطبخ بتكلمي نفسك ليه بس
ثريا 
مراتك ياخويا واختها في المطبخ من اول النهار ونازلين رغي رغي رغي بنات آخر زمن
هاني 
ههههه طيب امال يعني انتي عايزاهم يقفو في المطبخ مع بعض من غير كلام يعني
ثريا 
لا يا حبيبي ما يتكلمو