شحاته ب امر حماتي _الحلقه الثالثه _بقلم هويدا زغلول
تسيبيني في حالي بقى علشان هنظف المطبخ وهروح انام بالنسبه للفطار بقى شوفي انت هتعملي لي بنتك هتعمله انا عن نفسي مش هعمل حاجه النهارده
وفاء
كمان مش عايزه تعملي الاكل يا حلاوه يا ولاد وانا المطلوب مني بقى استحمل معاليكي
ناديه
مع الاسف لازم تستحملي علشان انا سبب الفلوس اللي بتدخل لك وفاء خرجت پغضب ووانا ضحكت وقولت
ولسه يا حماتي يا اما هتشوفي مني
في بيت ام عماد
عماد بهدوء
يا ماما اللي انت عملتيه مع ساره امبارح ده ما يصحش ما كانش ينفع تطلعي تزعقي معاها وتسمعي الجيران بينا
سماح
شفت يا ابني بتوقعك فيا ازاي هو انا كنت عملت حاجه ولا فتحت بقي حتى
عماد
الله يخليك يا ماما انا ما عايز مشاكل لو سمحتي سيبيني اعيش في هدوء انا ومراتي وابني
خلاص يا عماد انا كلمت امك امبارح وهي ما عدتش ليها دعوه خالص بساره
عماد
ماشي يا بابا انا مسافر النهارده ومش هاجي الا الاسبوع الجاي الله يخليكم بلاش مشاكل يلا السلام عليكم
ناجي
وعليكم السلام يا ابني توصل بالسلامه وفي شقه حماتي
عاصم رجع بعد ساعتين من خروجه وشافني وانا واقفه
عاصم بهدوء
ناديه لو سمحت ممكن تعملي كوبايه قهوه لو مش هتعبك
لا طبعا ما فيش تعب ولا حاجه قهوتك ايه
ودخلت عملت القهوه وراحت عنده تديها له في ايديه ومسكت ايديه وانا بديله القهوه
عاصم متوتر جدا وبصلي پصدمه وفريده كانت وافقه بعيد ودخلت وقالت
فريدة بعصبية
انا كنت متاكدة ان في بينكم حاجه بقي دي اخرتها يا حيوانة عايزة تاخدي جوزي مني بتلعبي اللعبة الرخيصة بتاعتك وفي الوقت ده عيط
ناديه
حرام عليكي يا فريدة انا ڠصب عني ايدي جت عليه ليه الظلم ده و بعدين انا مش بفكر غير في مدحت الله يرحمه لو في نيتي حاجه كنت روحت اتجوزت من زمان اي حد من الناس اللي اتقدمتلي بعد اخوكي الله يرحمه ودخلت حماتي
وفاء بعصبية
فيه اي مالكم
فريده
تعالي شوفي الهانم يا ماما اللي عايزه
ټخطف جوزى مني
اعقلي يا فريدة بقي
عاصم بتوتر
ايوة انتي مش طبيعية الفترة دي يا فريدة انتي محتاجة ترتاحي شوية
وفاء بهدوء
ادخلي اوضتك و اهدي شوية يا فريدة لان حالتك النفسية بقت وحشة يا بنتي و بتشكي في اللي حوليكي كدة مش هينفع يا كدة يا نوديكي لدكتور يعالجك
نادية
لا انا هروح علي بيت ابويا الا الشرف مش هقبل الكلام اللي اتقال عني يا حماتي
اهدي يا نادية هي متقصدش اللي قالته ليكي ادخلي انتي كمان اوضتك و ارتاحي شوية من الواضح انكم انتوا الاتنين محتاجين ترتاحوا.
نادية
لا مش هتعرفي تسكتني المرة دي يا حماتي انا مش هقبل اللي حصل مش كفاية مشكلت بنتي اللي بتعمله معايا كمان هتجي عليا انتي كمان ارحموني شوية
وفاء
خلاص بقي يا نادية دي اختك وغلطت عديها و روحي اوضتك ارتاحي
نادية
طيب بس اي حاجة هتحصل تاني
