اخو جوزي _الحلقه الرابعه _بقلم هويدا زغلول

بيت رشا حسين راح ليها واول لما 
فتحت قالت
رشا بضيق 
في اية تاني يا حسين ما قولتلك معرفش عنها حاجه الله
حسين 
قوللي بس علي مكان صحابها اللي انتي تعرفيهم يمكن راحت لاي حد كدة ولا كدة ساعدني يا رشا و ليكي الحلوة ها قولتي اية
رشا
بتتكلم بجد يا حسين ولا بتضحك عليا
حسين
والله يا ستي هديك اللي انت عايزاه قولي لي بقى مكان صحاب نوال فين
رشا بخبث
امسك بقى ورقه وقلم واكتب ورايا لنا نشوف اخرتها معاك ومعاها 
وفي شقه ماجده كانت بتكلم معاها في التلفون
ماجده
الو ياما في حاجه ولا ايه عامله ترني عليا من امبارح
الام
بقول لك يا ماجده يا بنتي انت عارفه طبعا ان اخوك المفروض فرحه في العيد
ماجده
ايوه ياما عارفه
الام
اخوك يعني محتاج 90000 الف جنيه لو محمود يديهم له وهو بعد الفرح هيديهم له ثاني
ماجده
والله ياما ما كان ينعزوا على عبد الرحمن اخويا حبيبي بس انا جوزي اصلا معهوش مبلغ زي ده انت عارفه البير وغطاه
الام
يا ماجده يا بنتي اقسم لك بالله هيرجعهم لك ثاني انت وجوزك بس اخوك جوازته هتخرب لو مااكملش جهازه يا بنتي
ماجده
ياما انت مش مصدقاني ليه فعلا جوزي معهوش مبلغ زي ده والله بس بصي لما يجي هساله لك برده ولو طلع معاه هبعتهم لك بس انا عارفه جوزي يعني اللي رايح على قد اللي جاي
الام
ماشي يا ماجده مع السلامه
ماجده
مع السلامه
ماجده قفلت مع مامتها وقالت
هو ايه الحكايه دي كل واحد طالع لي بحجه وطمعان في جوزي يكونش مليونير وانا ما اعرفش ايه الخيبه التقيله دي يا رب احنا بعد كده لازم ما نبينش حاجه خالص من العز اللي احنا فيه احسن نتحسد ونرجع للفقر تاني
سماح قاعده على الارض بتغسل رجل حماتها
نبويه بغل
ما تغسلي حلو يا بت انت الله
سماح
حاضر يا حماتي حاضر اهو
نبويه خبطتها برجليها بغل في كتفها
بالراحه يا غبيه
سماح بعياط
مش انت اللي قلت لي اغسلي حلو يا حماتي بتخبطيني ليه كده
نبويه
انا اعمل اللي انا عايزاه يا بت وما تتكلميش يلا اخلصي اغسلي عادي وبالراحه على رجلي انا ست كبيره هو انا زيك
سماح
حاضر يا حماتي حاضر وبعد ربع ساعه خلصت
سماح
ينفع اخرج بقى يا حماتي اروح عند ابويا ساعتين ثلاثه واجي
نبويه
ليه يا حبيبتي ناويه تفطري معاه هناك ولا ايه ما اعتقدش ان مراته هترضى يعني انها تاكلك
هناك ده عندها ترمي الاكل للكلاب ولا تخدي منه حته واحده
سماح
خلاص يا حماتي هم ساعتين زمان وهاجي هقعد بس معاها شويه وقبل الفطار هاجي
نبويه
ما بقتش مرتاحه لك يا بت يا سماح وحاسه كده انك بتعملي حاجه مش مظبوطه من ورا ظهري
سماح بتوتر
لا يا حماتي والله ما بعمل حاجه انا بس رايحه لابويا لو مش عايزاني اروح خلاص بلاش
نبويه بشك
لا روحي يا سماح بس يكون في معلومك لو عرفت حاجه كده ولا كده انك بتلعبي من ورانا لنكون واخدين منك العيال ورامينك في الشارع ومش هتشوفيهم تاني في حياتك
سماح
ما تخافيش يا حماتي انا لا بعمل ولا بسوي انا شغاله خدامه اهو عندكم ويا ريت حتى باخد اجر تعبي ومرمطتي
نبويه
الخدامه اللي بتاخد اجر يا حبيبتي دي خدامه عليها القيمه لكن انت اهلك بايعينك اصلا وما لكيش مكان تروحيه واحنا من كرمنا مقعدينك لسه في بيتنا مش عارفه انا ابني كان عقله فين لما راح اتجوز واحده زيك
سماح بدموع
شكرا يا حماتي اقدر امشي
نبويه
روحي يا اختي روحي
خرجت سماح ولسه هتعدي من البوابه لقيت محمود واقف قدامها
سماح بتوتر
محمود في حاجه ولا ايه
محمود
رايحه