حماتي في رمضان _الثانيه
انت في الصفحة 5 من 5 صفحات
مع الفرح اقدر باذن الله اجيبهم
ام مصطفى
بصراحة عايزين الفرح يبقي بعد العيد يا حج حسين انا ابني جهز يا حج ونفسي افرح بيه انهاردة قبل بكرة و نفسي توافق علي طلبي
حسين
ايوة بس كدة بنتي هي اللي جهازها مكملش.
ام مصطفى
يا خويا دي حاجات ملهاش لازمة ما كلنا اتجوزنا لا كان عندنا غسالة اطباق ولا ميكرويف ولل حاجه من دول خالص هما عايزينهم يجبوها بعد الجواز
اية رايكم يا نوال
نوال بهدوء
الراي راي سامية هي اللي تقول هي اللي هتتجوز
سامية بكسوف
اللي تشوفه يا بابا
ام مصطفى
خلاص يبقي علي بركة الله يا حج حسين هي موافقة اهي
حسين ابتسم
مش لما تقولها يا ست ام مصطفى
ام مصطفى
قالتلك اللي تشوفه انت مش موافق
حسين بهدوء
ام مصطفى
اخص عليك يا حج احنا بتوع الكلام ده يرضه. احنا ناس تعرف الاصول كويس يا حج ولا اية يا نوال
نوال
معاكي حق يا ام مصطفى احنا بس بنطمن مش اكتر
ام مصطفى
لا اطمنوا خلاص يبقي الفرح بعد العيد
عماد
سارة انا بديهم علشان دول اهلي وواجب عليا ادلهم
سارة بهدوء
دقيقه واحده يا عماد هسالك كام سؤال وانت جاوب هو باباك مټوفي مامتك مطلقه
عماد
لا بعد الشړ عليه اية اللي بتقوليه كده
سارة
اهو لا هي مطلقة ولا ارملة وجوزها معاها يعني مسؤلة منه يا عماد يعني هو مسؤل عن مصاريفها و مصاريف بيتها
ايوة هو موجود بس
سارة.
امك محتاجه للفلوس دي يا عماد يعني من غير الفلوس دي يحصل حاجه في حياتها ممكن تتغير
عماد
لا طبعا مش ممكن تتغير لان ابويا موجود
سارة بهدوء
اديك جوبت اهو يا عماد امك عايزة تعمل مشاكل بنا و خلاص و اختك كدة جوزها معاها مش محتاجة فلوسك بالعكس انت بتخلي جوزها هيقعد مش الشغل علشان انت بتصرف عليهم بتديهم تلات تربع المرتب وانا وابنك ناكل ظلط
عماد بهدوء
معاكي حق يا سارة بس هما اخدوا اني اديهم فلوس كل اسبوع
سارة
قولهم ادتهم لسارة لما تحرجهم مرتين تلاته محدش هيطلب منك تاني انا وابنك اولي بكل جنية تديه لاهلك اللي حالتهم المادية احسن منك
عماد بهدوء
حاضر يا سارة هعملك اللي انتي عايزة
صدقني يا عماد ده لمصلحتنا
عماد ابتسم
عارف علي الله بس ما يحصلش مشاكل
سارة بهدوء
ان شاءلله خير وتاني يوم كنت في اوضتي قاعده
ولقيت حماتي دخلت وقالت
وفاء
يلا يا بت يا ناديه انزلي كده شوفي رزقك وارجعي لي ب 1000 جنيه نزلي لك دمعتين كده خليهم يعطفوا عليك اكتر
ناديه بدموع
حاضر يا حماتي حاجه تاني
وفاء
لا يا اختي لا تاني ولا تالت لو جبت اكل كتير وانت جايه مش هنضطر نعمل فطار النهارده ونوفر بس لو اكل حلو يعني علشان بنتي وجوزها هنا وعيالهم عايزين ياكلوا اكله نظيفه
لكن لو جبت اكل يعني من البواقي مش مهم هيتاكل برده ابقي خديه ليكي انت والعيال
ناديه پحده
زي ما ولاد بنتك عايزين ياكلوا اكله نظيفه انا كمان ولادي عايزين ياكلوا اكله حلوه ونظيفه زيهم ولاد بنتك مش احسن من ولاد ابنك
وفاء
مالك يا بت بتكلميني كده ليه خلاص يا اختي ما تزعليش قوي كده روحي بس نفسي ترجعي لي بحاجه عدله
ناديه
حاضر يا حماتي
وخرجت من بيت حماتها وراحت على منطقه غير اللي راحتها قبل كده وابتدت تخبط على البيوت
ناديه
بدموع
السلام عليكم يا حاج
الله يخليك يا عمي انا ارملة و عندي تلات عيال و مش لقيه اكلهم و محتاجة ساعدني باي حاجه علشان خاطر ربنا في شهر مفترج زي ده الله يخليك
الراجل صعبت عليه جدا وقال
خدي يا بنتي دول كل اللي معايا صدقيني انا عارف انهم قليلين جدا و ميعملوش حاجه في الزمن ده بس ربنا هيكرمك وهيبعتلك اللي يكفي ليكي بيتك خدي الشنطة دي بتاعة رمضان كانت جاية ليا خديها ليكي
نادية عيطت من حنية الراجل الكبير عليها
نادية
لا يا حج خليهالك وزي ما انت قولت ربنا هيكرمني في حد تاني
الراجل
اقسم بالله لا تاخديها يا بنتي خليني اخد ثواب
نادية بدموع
ربنا يخليك يا حج علي اللي عملته معايا بعد اذنك
الراجل
اذنك معاكي يا بنتي ربنا يوقفلك ولاد الحلال يارب نادية خبطت علي شقة تانية في عمارة تانية
نادية بدموع
الله يخليكي ساعدني انا بجري علي تلات يتامة ملهمش غير ربنا يا ست ساعدني يا اجبلهم فطار
الست
بقولك اية بلاش شغل الشحاتة بتاعكم ده واخدينها وظيفة وانتم علي قلبكم قد كدة يا اختي ما انتي بصحتك اهو روحي اشتغلي بدل التسول ده يا روحي يلا من هنا مش ناقصين قرف
نادية بدموع
انا مش واخدها شغله صدقيني انا فعلا ارملة و
الست
ياستي متوجعيش دماغنا بقي امشي ربنا يهديكي احنا عارفيين ناكل عيالنا لما نديكي تاكلي عيالك امشي من هنا وفي الوقت ده و
جايه امشي بس كانت الصدمه لما شوفت
فاطمه بنتي في صاله الست وحصل
ولحد هنا تكون خلصت حلقتنا
