سلفتي عملت في بنتي؟

سلفتي 
قبل مانبدا حكايتنا اعرفكم بنفسي انا اسمي نوال عندي 31 سنة ومعايا سلمي عندها 12 سنه ومالك عنده 3 سنين عايشه في بيت عيلة وفي يوم كنت قاعدة مع حماتي تحت وقالتلي
بقولك يانوال ادخلي يابنتي رتبي اوضتة نومي اصل بنادي على سلفتك معرفش مش بترد ليه
نوال
حاضر ياماما هعملها لك بس اخلص المطبخ لانه مبقاش ورايا غيره
نوال
معلش ياماما ماهي معذورة برضو من ساعت المرحوم ماراح وهي نفسيتها تعبانة وبعدين انا بعملك اللي انتي عايزاه
الحما
اه ياحبيبي الله يرحمة قطع بيا بس هاقول ايه ربنا عايز كده وانتي ربنا مايحرمني منك انتي خالد وولادكم يانوال مش عارفة من غيركم كنت عملت ايه

نوال
ربنا يصبر قلبك ياماما هي البت سلمي راحت فين انتي بعتيها في مشوار ولا حاجة
الحما 
ابدا يابنتي دي كانت هند بتنادي عليها قبل مانتي تنزلي يمكن بعتتها تجبلها حاجة
نوال 
يمكن بس البت هتروح من غير ماتقولي والله لاوريها 
وبعد شوية لقيت هند وداخلة من الباب ومعاها سلمي بنتي وبيهزروا وانا قولتلها 
انتي كنتي فين يازفتة خاڤت مني واستخبت ورا هند لقيت هند بتقولي 
في ايه يانوال براحة على البنت انتي هتضربيها ولا ايه
نوال 
عشان انا كذا مره قولتلها مترحش اي مكان من غير ماتقولي ودلوقتي عايزة اعرف هي كانت فين
هند 
نوال 
طيب ماكانت تقول ياهند انما تطلع عندك من غير معرف وانا ادور عليها
سلمي 
خلاص ياماما مش هعمل كده تاني وبعدين انا كنت مع طنط هند أصلها كانت عايزاني عشان.....
وقبل ما تكمل كلامها هند قطعتها وقالت 
كنت عايزاها عشان اوريها الكوتشي بتاعي اللي جبتة أصله ضيق عليا وقولت اديه لسلمى وبعدين هو انتي بتحققي مع البنت عشان كانت عندي يانوال هي مش برضو زي بنتي ولا ايه
الحما 
خلاص بقا يانوال هي مكنتش عند حد غريب
نوال 
خلاص ياهند مفيش بس بعد كده عايزة اعرف هي بتروح فين
هند 
بعد كده هتبقا تقولك انا هدخل اروق اوضتة حماتي تعالي معايا ياسلمي
واخدت سلمي ودخلوا جوه في اوضتة حماتي وقالتلها 
اوعي ياسلمي حد يعرف الاتفاق اللي بيني وبينك ياحبيبتي انتي عارفه عشان انا بحبك وعارفه انك شاطرة وكبيرة وذكية مكنتش قولتلك حاجة
سلمي 
لا مټخافيش ياطنط هند محدش هيعرف حاجة خالص
هند 
برافو عليكي وانا بقا هجبلك كل اللي انتي عايزاه كل ماتعملي اللي بقولك عليه
سلمي 
هند 
حبيبتى ياطنط عشان كده انا بحب اكتر من ماما ونفسي تكوني انتي بدالها
هند قالت بخبث 
هيحصل ياسلمي وحياتك عندي ليحصل
وكانت حماتي قاعدة هي وهند وسلمي في الصاله ورجع خالد جوزى من الشغل وانا كنت بجهز الاكل في المطبخ لاننا بناكل كلنا عند حماتي تحت ودخل خالد وقال 
مساء الخير ياجماعه 
لقيت هند بتعدل نفسها وطرحتها وقالتلة بدلع يسعد مساك ياسي خالد 
الحما 
مساء النور ياحبيبي حمد الله على السلامة
خالد
الله يسلمك يا أمي عاملة ايه يا هند
هند 
انا بخير ياسي خالد نحمد ربنا ياخويا
خالد 
هند 
ربنا يخليك ليا وبصت لحماتي وقالت ااه قصدي لينا كلنا ويبارك في عمرك
خالد 
تسلمي ياهند الله هي نوال لسه مخلصتش الاكل ولا ايه انا راجع جعان اوي
هند 
هاقوم اشوفها اهو حالا
خالد 
طيبة اوي البت هند دي يا أمي
الام بتريقة 
ااه طيبة
خالد 
ومالك بتقوليها بتريقة كده يا أمي
الام 
ابدا ياحبيبي بس أصلها رامية الحمل كله على مراتك ياخالد ومش بتعمل حاجة في البيت
خالد 
معلش يا أمي ماهي برضو ارملة وكتر خيرها انها مرضتش تمشي وتروح تتجوز بعد المرحوم او تروح تعيش مع امها وفضلت قاعدة معانا في البيت
الام 
لا ياضنايا وانت الصادق دي مش عارفه ترجع بيت امها عشان جوز امها مش بيحب انها تروح هناك
خالد 
وانتي اش عرفك بقا بالكلام ده ياست الكل وبعدين ماهي عندها شقة جوزها تقعد فيها معززه مكرمة ايه اللي يخليها تروح وتتبهدل في بيت