امي _الجزء التاني
انت في الصفحة 1 من 4 صفحات
امي 2
الام
ما تغلاش عليكي يا بت كلمي جوزك. خليه ياخد عربيه ويجي ياخدها..
هبه
والله يا ماما انتي احسن ام في الدنيا وانا اوعدك ان هبيع التلاجه القديمه واديكي تمنها توسعي بيه علي نفسك...
الام
لا يا حبيبتي خليهم معاكي بس ما تبقيش خايبه وتقولي عليهم لجوزك حوشي حاجه بيهم لنفسك..
هبه
هبه
ده علي جوزي هشوفه عايز ايه... وردت..
هبه
ايوه يا علي اييه بتقول جاي طيب تعالي..
علي
يا حبيبتي ما انا جاي اهو وجايب معايا كفته وبطيخ عشان ماما تاكل معانا..
هبه بسرعه قالت
هاا لا لا اوعي تيجي انت فاهم ولا لا روح علي البيت يا علي..
علي
يا بنتي في ايه وليه يعني ما اجيش وانا وانتي وامك نتعشي..
بقولك ايه يا علي ارجع البيت ماما فيها اللي مكفيها.. وقغلت معاه..
الام
ماله يا بت جوزك ومش راضيه ليه تخليه يجي..
هبه
اسكتي يا ماما ده بطنه ۏجعاه وعنده برد وانا خاېفه يجي ويعديكي وانتي يا امي مش ناقصه فيكي اللي مكفيكي..
الام
جدعه يا هبه والله انتي احين من اختك ليلي دي اول امبارح نازله وهي تعباانه وقال ايه عايزاني اعملها الغدا..
اوعي يا ماما تعملي كده تاني احسن يخدوكي تسليه وكل شويه يقولولك اعملي وادفعي وحسن جوزها طماع..
الام
عيب عليكي يا بت هو انا مش عارفه حسن وتصرفاته المهم روحي انتي لجوزك وخلي بالك منه واستني خدي علبة الجبنه ووالكام بيضه اللي في التلاجه وخدي كيس فراخ بالمره..
هبه
ربنا ما يحرمنيش منك ابدا يا ماما ربنا يخليكي ليا يا حبيبتي... وراحت اخدت الحاجه ومشيت..
دلال
انتي جيتي يا حبيبتي الف مليون حمدلله علي سلامتك..
مروه
الله يسلمك يا ماما بجد كان اليوم ده متعب النهارده..
دلال
طيب ادخلي خدي دوش لحد ما اروح اجهزلك العشا يا حبيبتي..
مروه
والله انا تعباكي معايا اووي يا ماما ما تتعبيش انتي وانا هاخد شاور واحي اجهز..
لا لا والله ما يحصل انتي يا بنتي جايه تعباانه روحي يلا وانا عملالك فراخ ومكرونه انما ايه هتاكلي صوابعك وراهم..
مروه
حاضر يا ماما... ودخلت جوه لقيت احمد بيكلمني..
ردت عليه وقولت
ايوه يا حبيبي انا لسه راجعه من الشغل اهو..
احمد
يا بنتي ما تسيبي الشغل ده بقي انتي صوتك تعبان اوووي..
والله هو برغم انه تعب بس انا برتاح في الشغل وكده..
احمد
ربنا يديكي الصحه يا حبيبتي المهم قوليلي العفش هيروح امتي بقي..
مروه
بعد يومين كده فاضل ليا شوية هدوم اجيبهم وخلاص..
احمد
انتي طيب محتاجه فلوس اوعي تتكسفي تقولي احنا بقينا واحد خلاص..
مروه
لا يا احمد انا معايا والله وبعدين انا ما ينغعش اخد منك فلوس عشان جهازي ابدا..
احمد
ليه بقي ان شاء الله مش خلاص بقيتي مراتي وانا وانتي واحد..
مروه
ولو يا امد انا عايزه جهازي مله اجيبه لوحدي انا كده هكون
