حمايا _ كاااااااامله

بسرعه وقال _
اهدي كده واسمعي الكلام عشان تكسبي معايا الزبون قاعد في الصاله و..
زعقت اسراء فيه وقالت _
ياا نهارك مش فايت قعدت علي راسك وراسه حيطه انت ايه يا راااجل انت ما بتحرمش ولا لازم اصوت والم عليك الحته كلها..
رد عليها عبد الصبور بعصبيه وقال _
طيب فكري بس تعلي صوتك وانا اقول اني قفشتك انتي وهو مع بعض ولما قولت ليكي اني هكلم جوزك واقوله انتي عملتي الشويتين دول..
اسراء بدموع قالت ليه _
الحق مش عليك انت الحق عليا انا اني قبلت اقعد في البيت ده معاك دقيقه واحده تاني..
عبد الصبور بسخريه رد عليها وقال _
قال تمشي قال انتي نسيتي يا بت ان علي حالف عليكي لو ما سمعتيش كلامي هيزعل..
ردت عليه اسراء بكل قوه وقالت _
يعمل اللي يعمله فيا هو احسن ما عيشتي كلها تتحرم واعمل معصيه ذنبها مش بيتغفر عند ربنا ومدام جوزي مش مصدقني يبقي ما يلزمنيش...
_قالت كلامها ودخلت لمت حاجتها وجات تطلع لقيت الراجل اللي مع حماها في وشها جوه الاوضه فزعقت فيه وقالت..
اسراء بعصبيه _
وسع من سكتي يا راجل انت..
رد عليها الراجل وقال _
اوسع من سكتك ليه ده حماكي ساحب مني فلوس اد كده عشان خاطر توافقي وفي الاخر تقولي ليا وسع من سكتي..
ردت عليه اسراء پخوف وقالت _
فلوسك عنده والله العظيم انا ما اخدت منهم قرش ابعد عن سكتي بالله عليك وانا اقسم بالله البيت ده ما هدخله تاني..
طيب اهدي كده وليله وتعدي وابقي صلي ركعتين توبه بعديها وربنا يسامحك..
جريت وقفت عند الشباك وقالت پبكاء _
والله لو قربت مني لارمي نفسي من فوق انت فاهم ولا لا..
الراجل بقلق _
ده انت ست نكديه بصحيح انت يا عبد الصبور خد هنا..
دخل عبد الصبور وقال بقلق _
ايه يا بيه فيه حاجه مديقاك..
زعق فيه الراجل و قال _
بقي هي دي يا اخويا اللي ادخل اقول ليها كلمتين حلوين الاقيها جات معايا سكه علي طول...
_بص عبد الصبور لاسراء اللي كانت واقفه عند الشباك وپتبكي وقالت بعصبيه وهي بتتنفض وكأنها شايفه شياطين قدامها..
اسراء پخوف _
والله لو حد منكم قرب مني لارمي نفسي من فوق واجيب ليكم مصېبة انتو فاهمين ولا لا..
قال الراجل بعصبيه لعبد الصبور _
بقول ليك ايه يا راجل انت ترجع الفلوس اللي سحبتها مني فاهم ولا لا والا هوديك في ستين داهيه..
_قال كلامه ومشي واسراء بعد منه علي طول مسكت الشنطه بتاعتها وجريت بسرعه علي بره ووقفت تاكسي وراحت لبيت عمتها وقالت ليهم علي اللي حصل..
العمه بضيق _
هو انا يا بت مش بطيقك ولا بطيق امك الله يرحمها بصراحه بس انتي برضو بنت اخويا واللي بيحصل ده لا يتسكت عليه ولا ينفع..
جوز عمتها قال هو كمان بجديه _
انتي بس يرجع جوزك يا بنتي ونقف لينا هلي موقف معااه يا ابوه يسيب البيت يا هو يجيب ليكي مكان تاني في حته تانيه هما ايه فاكرين ان ما لكيش اهل..
ابتسمت ليهم اسراء وقالت _
انا مش عارفه اشكركم ازاي علي وقفتكم. جنبي دي..
العمه بسخريه _
ده مش عشانك قولت يا حيلتها ده عشان اخويا الله يرحمه.. 
_ضحكت اسراء عليها لانها عارفاها كويس انها بتفضل تتكلم وتقول حاجات تستفز اللي قدامها بس من جواها طيبه ومش بيهون عليها تعب حد..
_في مكان الشغل اللي قاعد فيه علي كان قاعد مدايق وقرب منه زميله في الشغل وسأله وقال..
صاحب علي _
مالك ياا عم من لما نزلت الاجازه ورجعت وانت مش مظبوط احكي يا اخويا وفضفض باللي جواك..
اتنهد علي بحزن وقال 
كل الحكايه اني متجوز بنت بقالي سنه ونص وتمري ما شوفت معاها غلطه ولحد ما جه ابويا قعد معانا الاول كانت بتعامله كويس وبعد كده كل حاجه اتغيرت خاالص..
قال ليه صاحبه باهتمام _
ازاي يعني اتغيرت اديني خلفيه عن التغير ده..
_رد عليه علي وحكي ليه كل اللي حصل لما رجع الاجازه اللي عدت لحد ما سافر تاني..
صاحب علي _
انت عملت الصح اصل صنف الحريم ده خبيث واعي تامن ليهم..
علي بضيق _
طيب لو رجعت ولقيتها مشيت من البيت او عملت حاجه فيه تاني..
صاحب علي _
يبقي ترمي عليها اليمين علي طول