حمايا _ كاااااااامله

واتفضلي بقي بره..
_طلعت اسراء بره البيت وقعدت علي السلم وفضلت تبكي وهي لحد دلولقتي مش مصدقه اللي حصل من حماها اللي كانت بتعتبره زي ابوها قالت لنفسها بحزن..
اسراء _
لا هو مش ابويا ولا عمره هيكون زي ابويا ولا في مقامه حتي ربنا يرحمك يا بابا اهي بنتك من بعدك مش لاقيه مكان تروحو ولو روحت لعمتي هتشمت فيا وتعمل فيا ما بدالها...
_تاني يوم الصبح صحيت اسراء ولقيت نفسها علي السلم والسكان طالعين نازلين اتكسفت من منظرها وراحت خبطت علي الباب وفتح ليها حماها ودخلت هي وبتبص ليه بقرف فوقف هو قدامها وقال بكل بجاحه..
عبد الصبور _
اسمعي يا بت انتي لو نطقتي بكلمه قدام الواد علي ابني من اللي حصل امبارح الله في سمااه اخليه يطلقك ويرميكي في الشارع وانا عارف كويس ان امك وابوكي وراحو وعمتك مش طيقاكي فا مش هتلاقي حد تروحي ليه..
زعقت فيه اسراء وهي بتمسح دموعها وقالت _
انا مش هسكت فاهم يا عمي.. لا انت مش عمي ولا عمري هنسبك ليا تاني بس الغلط كان مني من الاول اني فتحت ليك بيتي وانا فعلا دلوقتي همشي لحد ما يجي جوزي ويشوف ليا حل معاك..
عبد الصبور بخبث بص ليها وقال _
براحتك يا مرات ابني ده انا كنت همسكك احلي فلوس بس معلش انتي اللي جيبتيه لنفسك واستحملي بقي اللي هيجري ليكي..
_ما ردتش عليه اسراء واخدت هدومها ومشيت راحت عند عمتها اللي اول ما دخلت عندها لوت بوقها وقالت بضيق..
العمه _
هو انتي جايبه الشنطه دي معاكي ليه ناويه تباتي ولا ايه يا اسراء..
ردت عليها اسراء وقالت _
ايوه يا عمتي هبات يومين كده وراجع جوزي وهرجع البيت وبعدين هو البيت ده انا مش ليا النص فيه ولا نسيتي انا مش جايه حمل علي حد هنا..
اتغاظت منها عمتها وقالت بسخريه _
وانتي ليه مستنيه جوزك يرجع علي حسب علمي ان حماكي قاعد معاكي ليكون عملك حاجه كده ولا كده..
اسراء پحده قاطعتها وقالت _
من غير ما تكملي يا عمتيي دي حاجه تخصني اناا وبعدين ما تتعبيش نفسك باللي حصل معايا وما حصلش معايا كتر الف خيرك علي اهتمامك ده..
نهي _
اسرااء عااش من شاافك يا بنتي وحشتيني اووي..
اسراء بحزن _
كنتي جيتي وسالتي عليا بدل ما هو كلام كده وخلاص..
نهي بضيق _
والله كنت هجيلك انتي عارفه انا ما اتاخرش عنك خالص بس بصراحه الراجل اللي اسمه حماكي ده من اخر مره كنت عندك فيها وانا ادايقت من نظراته ليا والنبي يا اختي ما تزعلي من الكلام ده..
قامت اسراء وففلت الباب وقالت _
لا انتي معاكي حق هو فعلا راجل لا يتراح ليه ولا يتقعد في وشه..
نهي بقلق سالتها وقالت _
ليه بس كده حصل ايه..
_ردت عليها اسراء وقالت ليها كل اللي حصل اټصدمت نهي وقالت..
نهي _
يا نهاره مش فايت ده انتي مرات ابنه يعني شرفه ازاي يعمل كدهده باينله كبر وخرف هو عنده كام سنه ده...
ردت عليها اسراء وقالت _
مش مسالة انه خرف الراجل ده ضميره وحش الحمد لله وعلى مش زيه..
نهي بضيق _
ربنا ينتقم منه الراجل ده قولي ليا طيب هو انتي قولتي لعلي جوزك ولا لسه..
اتنهد اسراء بحزن وقالت _
لا لسه اصلا الشغل بتاعه صعب وهو مسافر مش عايزه اشيله المهم والنكد ده وهو مسافر لما يرجع بقي ابقي اقول ليه المهم يا نهي امانه عليكي اوعي تجيبي سيره لامك انتي عارفاها مش بتحبني ولو عرفت حاحه زي دي هتسيحلي قدام الناس كلها واللي ما يشتري يتفرج عليا وعلي اللي بيعمله حمايا هعزعل منك اووي لو عرفت انك قولتي ليها..
_وقبل ما ترد عليها نهي دخلت عمت اسراء وقعدت علي السرير جنبيهم وقالت بضيق..
العمه _
هو ايه بقي اللي هتزعلي من نهي لو قالت ليا عليه..
بصت نهي واسراء لبعض وردت عليها اسراء وقالت _
ولا حاجه يا عمتي حاجه سر بيني وبين نهي المهم خير القعده دي انا عارفاها كويس وراها مصلحه..
العمه بهدوء _
نهي بضيق _
يووه يا ماما بقي انا مش هتجوز ريحي نفسك بقي وحلي عني..
بصت العمه لاسراء بخبث وقالت _
كل ده يا اسراء عشان العريس اللي