حمايا _ كاااااااامله

السلام عليكم يااحلي متابعين في الدنيا يارب تكونوا بخير وسعاده وراحة بال انهارده جيبالكم قصة احداثها حقيقيه وحصلت بالفعل بس في الاول نصلي علي رسولنا الكريم اللهم صل وبارك عليك ياشافيعي يا رسول الله ومننساش الايك ياحبيبي قلبي ودلوقتي يلا بينا نبدا حكاينتا..
_بطلتنا النهارده اسمها اسراء وعمرها تلاته وعشرين سنه متجوزه من سنه ونص وربنا لسه ما رزقهاش باولادوعايشه هي وجوزها لوحدها في شقتهم وحماتها راحت من قبل ما تتجوز وحماها راجل عنده٦٥ سنه وعايش في بلد تانيه..

_وفي يوم الباب خبط وراحت اسراء اللي كانت بتعمل الاكل في المطبخ وفتحت الباب ولقيت حماها في وشها اللي ما شافتوش غير يوم الاتفاق ويوم الفرح ابتسمت ليه وقالت بسرعه..
اسراء _
اهلا اهلا ازيك يا عمي اتفضل..
دخل عبد الصبور وقال _
ربنا يزيد فضلك يا بنتي ويكرمك والله انا وشي منكم في الارض اني جيت كده من غير معاد..
اسراء ردت عليه بهدوء وقالت _
ازاي بس تقول كده يا عمي بيتك ومطرحك طبعا دقيقه هنادي لعلي من جوه..
_دخلت اسراء عشان تصحي علي جوزها وفضل عبد الصبور قاعد بره وبص للارض والبيت وقال بسخريه لنفسه..
عبد الصبور _
بلا نيله ايه القرف ده ده التراب مالي البيت كله البنت دي لازم تتعلم النضافه وانا هقعد ليها..
علي _
حمد لله علي سلامتك يا بابا وحشني اووي..
انت. واحشني اكتر يا ابني يا حبيبي شوفت اللي حصل لابوك..
علي بقلق قعد جنبيه وقال _
خير يا بابا حصل ايه يا حبيبي..
بص عبد الصبور لاسراء بتوتر فقالت هي بتفهم _
طيب انا هروح اعملك كوباية عصير فريش يا عمي عبال ما اجهز الغداا..
عبد الصبور بهدوء _
تسلم ايدك يا بنتيوربنا يبارك فيكي ويعوض عليكي..
دخلت اسراء المطبخ وقال علي لباباه بقلق _
خير يا حج في ايه ما تقلقنيش اكتر من كده..
رد عليه عبد الصبور وقال _
البت تهاني اللي اتجوزتها و..
علي پخوف قال بصوت واطي _
وطي صوتك يا بابا انت عارف اني ما قولتش لاسراء انك اتجوزت بعد امي الله يرحمها وانك عايش لوحدك مش اتجوزت بنت اصغر مني واخواتها رموها ليك عشان مش لاقيين يأكلوها..
رد عليه عبد الصبور بحزن وقال _
يا ريتني سمعت كلامك يا ابني دي طلعت بنت حرام خلتني امضي ليها علي تنازل عن البيت ورمتلي هدومي في الشارع..
علي پحده قال لباباه _
وانت ازاي يا بابا تعمل حاجه زي دي هو احنا حيلتنا غيره البيت هنا افرض الشغل هنا بتاعي وقف او الراجل صاحب العماره لغي الايجار بتاعي ايه نترمي في الشارع عشان حضرتك كتبت بيت سبع ادوار باسم بنت ما تسواش تلاته ابيض..
عبد الصبور بضيق رد عليه وقال _
اهو اللي حصل بقي وانا اترميت في الشارع هتشيل ابووك ولا هترجعني للشارع تاني يا ابني يا حبيبي..
قال ليه علي. بسرعه _
كلام ايه ده بس يا بابا ده بيتك يا حبيبي وان ما شالتكش الارض اشيلك فوق راسي ..
طبطب عليه عبد الصبور وقال _
ربنا يجبر بخاطرك ويكرمك خير بس اا..
علي بقلق سأله _
بس ايه يا بابا في ايه تاني..
رد عليه عبد الصبزر بسرعه وقال _
لا لا لا ما فيش حاجه انا بس قلقان لا تكون مراتك زعلانه من وجودي او ما ترضاش تخليني قاعد معاكم هنا..
قال ليه علي بهدوء 
لا لا من الناحيه دي ما تقلقش اسراء بنت حلال وطيبه وبتحبك زي ابوها دي كانت علي طول تقولي تعالي نروح لابوك طيب كلمه خليه يجي يقعد معانا..
عبد الصبور بخبث _
لا برضو يا ابني معلش قوم اسألها دي صاحبت البيت وانا مش هقعد هنا دقيقه واحده غير وهي راضيه ولو ما وافقتش ما تقلقش عليا انا ممكن اجيب اوضه ايجار في اي حته اقعد فيها..
علي پحده _
بس يا بابا والنبي اوضه ايه واي حته ايه وبيت ابنك موجود وعشان ترتاح انا هدخل اسألها دلوقتي..
_دخل علي المطبخ عند اسرااء اللي اول ما شافته قالت..
اسراء _
كويس انك جيت يا علي خد العصير ده اديه لعمي بره لحد ما اخلص تجهيز الغدا انا ما رضيتش اطلع وازعجكم لتكونو بتتكلمو في حاجه خاصه..
علي بهدوء رد عليها وقال _
لا ولا خاصه ولا حاجه ده