ام البناات ‌_كاامله

علشان خلفتها كلها بنات تخينه جوزها بيعمل اكبر كااااااارثة محدش يتوقعها
قبل مانبدا حكايتنا اعرفكم بطلتها منال عندها 33 سنة متجوزة ومعاها 3 بنات الكبيرة فاتن 18 سنة والوسطانية نوره 15 سنه والصغيرة سما 10 سنين 
في يوم حماتها كانت قاعده مع جوزها بتقوله
صفاء 
بقولك ياعبده شوفلي معاك قرشين كده اجيب بيهم دوا الضغط لخلص من عندي ومش معايا اجيب
عبده 
هو انا معايا فلوس ياما والنبي تسيبني في حالي الله يخليكي انا مش معايا اجيب علبة سجاير 
صفاء 
طيب متاخد من المخڤيه مراتك هي مش بتشتغل وتجيب

عبده 
ما هي لسه مرجعتش من الشغل
صفاء 
مانت ياخايب لو كنت خلفت ولد كانو زمانو هو اللي بيصرف عليك بدل الهم اللي عندك دول
عبده 
الله وانا ياما ماهي منال اللي خلفتها كلها بنات
صفاء 
طيب ماتتجوز واحدة تجبلك العيل ياموكوس
عبده 
اتجوز ايه انا قادر على اللي معايا وبناتها لما اروح اجيب واحدة كمان وتخلفلي تاني وياعالم يطلع ايه والنبي ياما تسكتي
صفاء 
اديني سكت اهو وانا اللي كنت عايزة مصلحتك
عبده 
كتر خيرك ياما انا رايح اقعد على القهوة وهو نازل على السلم قابل منال راجعة من شغلها 
اتاخرتي ليه يامنال المصنع قفل من نص ساعة
منال 
ماهي النص ساعة دي على ماوصلت البيت ياعبده وسع كده خليني اطلع اشوف
عبده 
استني هنا رايحة فين هاتي اليومية الأول
منال 
حرام عليك ياراجل انت كل يوم تاخد مني فلوس اليومية تصرفها على الهباب اللي بتشربة ومش بتخلي معايا جنية اجيب منه حتى رغيف عيش للبنات ياكلوا
عبده 
مش عايز ۏجع دماغ وهاتي الفلوس
منال 
خود خدك ربنا يابعيد 
ونزل مشي وهي طلعت شقتها ولقت حماتها اعده في الصالة واول ماشافتها قالت
صفاء 
حمد الله على السلامة ياختي
منال بتقول في سرها الله لا يسلمك انتي وابني وبعدين علت صوتها وقالت تسلمي ياحماتي هما البنات فين
صفاء 
اعدين في اوضتهم ياختي ادخليلهم 
دخلت منال علي بناتها 
ايه ياحبيبي بتعملو ايه
فاتن 
اعدين ياماما مش عارفين نطلع بره من ستي اللي اعده مش مبطلة كلام وتلقيح علينا
منال 
سيبكم منها تعالو كلو انا جيبالكم السندوتشات اللي بتحبوها خودو كلو ياولاد
سما 
دنا جعانة من الصبح ياماما وبابا مش عايز يديني فلوس نجيب اكل
منال 
ياحبيبتي اي حاجة انا هجبهالكم بس متقوليش لأبوكي حاجة ياسما ماشي
فاتن 
قولتلك كذا سبيني انزل اشتغل واريح من تعب كل يوم ده ياماما
منال 
قولت كذا لا وطول منا عايشة مفيش واحدة فيكم هتتبهدل وتشتغل وربنا يقدرني واجبلكم كل اللي نفسكم فيه
نوره 
ربنا يخليكي لينا ياماما بس انا كنت عايزة كتاب الانجليزي عشان مش عارفة اذاكر من غيرة
منال 
حاضر يومين بس كده واجبهولك يلا دلوقتي وخلصوا اكل ونامو
عبده رايح عند واحده بتشتغل في الشمال والحتة كلها عارفة عنها كده وبيبخبط على الباب 
ابتسام 
مين هو انت
عبده 
وحشتيني ياقمر بقا دي مقابلة برضو
ابتسام 
وحش يلهفك ياعبده جاي ليه وعايز مني ايه
عبده 
بقا دي مقابلة تقابليني بيها برضو يابت
ابتسام 
بقولك ايه انا ورايا شغل وكنت نازلة اخلص وقول عايز ومتعطلنيش
عبده 
كنت جاي اقعد معاكي شويه ولا نسيتي عبده بتاع السهرات الحلوه
ابتسام
لا يا حبيبي كان فيه وخلص انتي بقالك فترة بتيجي تاخد مزاجك ومبتدفعش وانا مش فاتحها سبيل ياعنيا
عبده
اعمل ايه طيب يابسبوسة مانتي عارفه البير وغطاه وحتتين الدهب بتوع مراتي جبتهوملك ومقباش حليتي حاجة واليومين دول مفيش شغل واعد اجيب منين
ابتسام 
يبقا تتكل على الله ياحبيبي لحد مايبقا معاك وبعدين هي مش مراتك بتشتغل في المصنع وبتاخد يومية حلوه وبتصرف على البيت
عبده 
ايوه بس دول يودبك مكفيين البنات بالعافيه
ابتسام 
خلاص يبقا تروح لبناتك ومراتك وتسبني دلوقتي عندي شغل ياراجل
عبده 
طيب استني بس انا كل اللي معايا خمسانية اهيه تنفع ولا ايه
ابتسام 
لا متنفعش خليهالك تروح تشرب بيها كوباية شاي على القهوة
عبده 
طيب اجيب منين بس يا ابتسام مانتي عارفه الظروف
ابتسام
ليه ياعبده مانت عندك بناتك حلوين ويقدروا يشتغلوا وياكلوك الشهد
عبده 
وهما هيشتغلوا ايه يعني هو اصلافي شغل في اي حته
ابتسام 
اذا كان على الشغل موجود وبالذات بنتك فاتن عارفه البت حلوه ومتدورة وشغلها على قفا مين يشيل
عبده 
مش فاهم حاجة تقصدي هتشتغل ايه
ابتسام 
فتح مخك كده معايا وانا اقولك
وتاني يوم الصبح منال نازلة رايحة المصنع اللي بتشتغل فيه باليومية وفاتن صحيت 
فاتن 
انتي نازلة الشغل برضو بدري كده ياماما
منال 
اعمل ايه بس يا فاتن منا لو اقعدت مش هتلاقي تاكلي انتي واخواتك وابوكي زي مانتي عارفه حاطت ايده في الميه الباردة
فاتن 
اه صحيح هو لسه مرجعش