حماتي وامي_الاول

حماتي وچثه امي
الحلقه الاولي
بقلم هويدا زغلول
حماتي عايزه تطلع چثه امي من تربتها
وقبل ما نبدأ الحكايه اعرفكم بنفسي أنا ثريا 
عندي 35سنه متجوزه وامي في المستشفي
وكنت عندها
الام 
اسمعي يا بنتي لو جرالي حاجه عايزه 
اكون جمب ابوكي الله يخليكي روحي لعمك 
واتحايلي عليه
ثريا 
انتي بتقولي اي يا ماما بكره باذن الله هتكوني

كويسه الدكتور الحمد لله طمني عليكي
الام 
ارجوكي يا بنتي اعملي اللي هقولك اي 
انا عارفه ان عمك مش بيحبني واكيد مش هيوافق
ثريا 
حاضر يا ماما هعملك اللي انتي عايزه وبعدها 
خرجت وكانت ايمان اخت جوزي وافقه
ايمان 
اي يا ثريا طمنيني علي مامتك
ثريا 
الدكتور بيقولي انها تعبانه جدا 
والعمليه لازم تتعمل في اسرع وقت
ايمان 
طيب انتي ناويه تجيبي الفلوس منين 
احنا عارفين الظروف عامله ازاي
ثريا
سبيها علي الله وباذن الله هتتحل المهم 
عايزكي تروحي البيت ولو مامتك قالت 
حاجه قولي ليها ان مع ماما
ايمان 
اي الكلام الغريب ده ماما عارفه يا بنتي ظروف 
مامتك المهم لو عوزتي اي حاجه اتصلي 
بيا علي الطول
ثريا 
اكيد يا حبيبتي وبعدها مشيت وروحت 
البيت
الام 
اهلا باللي فاكره نفسها ملهاش بيت 
انتي اي يا حبيبتي مش ليكي ام ولازم 
تيجي تشوفي طلباتي
ايمان 
انتي عارفه يا ماما ان ثريا لوحدها وابنك 
عالطول سيبها
الام 
واحنا مالنا يا حبيبتي مهي ليها عم ولازم 
يشيل معاها
ايمان 
يا امي يا بخت من يقف مع مريض 
عيب الطريقه دي ارجوكي يا ماما 
حاولي تعاملي ثريا كويس الفتره دي
الام 
بقولك اي ادخلي جوا الاوضه وملكيش دعوه 
ب اي حاجه تحصل الا اعملها حلو ال وبعدها 
روحت بيت عمي وفتحت دلال مراته
دلال 
مين بنت ناديه خير اي اللي فكرك بينا 
عايزه اي
ثريا 
اي طريقه الكلام دي يا مرات عمي بدل 
ما تقولي امك عامله اي جايه تتكلمي معايا 
بالطريقه دي
دلال 
كن كتر حبي فيكي ولا فيه امك هسال عليكم 
عايزين اي ياختي وخرج محروس
محروس 
بس يا دلال البت عندنا في بيتنا. مينفعش 
المعامله دي معاها
ثريا 
والله في الخير بس كمل الكلام ده انت 
ناسي يا عمي أن البيت ده بتاع ابويا ولا اي
دلال 
شوفت يا اخويا اخر كلامها علشان تقول 
نتكلم معاها عدل تاني اهي جايه طمعانه 
في البيت
ثريا 
لا والله انا كل اللي عايزه يا عمي امي 
تكون جمب ابويا انت اخد كل حاجه وهي 
عايشه أكرمها بس لما تروح
محروس 
هي امك يا بت حصلها حاجه ولا اي
ثريا
لا يا عمي بس دي وصيتها لما تروح الله 
يخليك
دلال 
اسمعي يا بت اللي كان رابطنا بيكي راح 
مش عايزه اشوف وشك هنا تاني يلا امشي 
من هنا
ثريا
رايك اي يا عمي في الكلام اللي مراتك بتقولوا
ده وبعدها لقيت عمي سكت 
شكرا ليك يا عمي دي الوصيه اللي ابويا وصاك عليها وبعدها مشيت
محروس 
مكنش ينفع نعمل كده معاهم برضه دي 
مهما أن كان مرات اخويا وبنته
دلال 
انت عايز ترجع الماضي ولا اي بقولك اي يا راجل انت انا لحمي مر اوعي تكون فاكر ان هسكت 
علي اللي حصل زمان
وبدأت تفتكر اللي حصل زمان
فلاش باك
محروس رايح يخبط علي بيت ناديه امي 
بعد وفاه ابويا ب٤ايام
ناديه 
مين محروس تعالي اتفضل بس خيريا