المشر@حه المسكو@نه_بقلم رحاب القاضي_

ـ تلاجة الر@عب في المستشفي...

_الحلقه الاولي"١"
ــــــــــــــــــــــــــــــــــــــــ

ـ اعرفكم بيا انا سهيله عندي سبعه وعشرين سنه شغاله دكتورة تشر.يح في مستشفي كبيره، وبصراحه ديما بشوف حاجات كتيره انا كل شغلي بيبقي في التلاجه في المستشفي بين الناس اللي راحت في حا@دثه او في حاجه تانيه بس بطريقه بش@عه، وكنت كل فتره تحصلي حاحه غريبه، انا هحكيلكم دلوقتي شوية حكايات من الحاجات اللي بـ تحصل معايا

ـ في يوم روحت الشغل متاخر شويه وقابلتني صاحبتي رباب اللي شغالة معايا وقالتلي..

رباب ـ اتاخرتي لي كده النهارده

رديت عليها ـ وفيها اي ما انا خلصت الشغل بتاعي كله امبارح والنهارده معنديش حاجه..

ردت عليا رباب بسخريه وقالت ـ ده كان بقي قبل متيجي المر@حومه الجديده حالنا حاله جديده

اتنهدت ورديت عليها ـ خير المره دي؟..

ردت عليا رباب وقالت ـ
بنت عندها اتنين وعشرين سنه حد ي حرام حد قضي علي عمرها بدري بطريقه و@حشه، ع العموم الدكتور اشرف جوه هيخلص فحص ويجي يقولك اللي فيها عشان انتي تكملي..

سهيله ـ
طيب روحي لو هتعبك معايا هاتيلي سندوتشين طعمبه واتنين فول من تحت...

رباب ـ
من عينيا وكمان هجيبلك احلي كوبايتين شاي كمان..

ـ نزلت رباب وانا قعدت ع موبيلي شويه وبعدين خرج الدكتور اشرف وهو ماسك ورق في ايده وقرب مني وقال..

اشرف ـ صباح الخير ي دكتوره سهيله...

رديت عليه بجديه ـ صباح النور ي دكتور اشرف، خير ان شاء الله...

حطلي الورق قدامي وقال ـ لا خير ان شاء الله، دي حاجه بسيطه انا عملتلك التقرير مكانك اهو مفيش داعي تشوفيها... انا عارف ان قلبك ضعيف ومش حمل انك تشوفيها

رديت عليه ـ تسلم ي دكتور اشرف ربنا يخليك..

ـ مشي اشرف وانا فضلت اقرأ في التقرير، كان مكتوب اسمها ثريا ابو الوفا عمرها خمسه وعشرين سنه، وحالتها الاجتماعيه انسه، سبب الو@فاه ط@عن في البطن، فضلت اقلب في التقرير وبعد شويه جات رباب وجابت السندوتشات وقعدنا نفطر،وسألتني..