حماتي بتحبني _كااااااااامله

ايه اللي بتقوله ده..
ناهد 
سيبيه يا ايه يقول اللي عايزه ما هما امه وابوه راحو بدري وما لقيش اللي يربيه..
خالد پحده 
شايفه امك يا ايه..
ايه بقلق
طيب ندخل نتكلم جوه والنبي كده الناس هتتفرج علينا..
فتح خالد الباب ودخل وكان رايح اوضته بس مسكته ناهد من دراعه جامد وقالت بعصبيه.
ناهد
علي فين شوفلك حته بات فيها انا هبات هنا النهارده..
مسك خالد ايد ايه وقال
ماشي يا حماتي وانا ومراتي هبات في اوضة الأطفال..
ناهد شدت ايه ناحيتها. قالت
لا يا حبيبي انا مش جايه هنا ابات لوحدي انا وحشاني بنتي وهتبات في حضڼي النهارظه..
ايه
معلش يا حبيبي هبات جنب ماما النهارده..
_ما ردش عليهم خالد ودخل اوضة الاطفال وهو متعصب انه لسه عريس ومراته هتبات بعيد عنهوتاني يوم صحي علي صوت الغساله وكركبه ولما طلع لقي حماته قالبه الشقه..
خالد
انتي عملتي ايه في الشقه..
ناهد 
ايه تعبانه شويه قولت اروق ليها الشقه واغسل الهدوم هو انت ما بتستحمااش هدومك تقرف..
خالد 
اللهم طولك يا روح انا داخل اطمن علي ايه ما كانت كويسه..
ناهد 
لا استني هنا انا نا صدقت انها نامت تعالي ساعدني..
خالد
اساعد ايه انا ما ليش في شغل البيت ده.
ناهد بعصبيه. 
تتعلم يا حبيبي اومال بعد كده هتسيب بنتي تعمل كل حاجه لوحدها اكمنها يا حبة عيني تعبانه وهي لسه عروسه..
خالد
حاضر يا حماتي تحبي اعملك ايه..
ناهد
تعالي شيل الكنب ده وامسح الارض لحد ما اطلعلك الغسيل من الغساله عشان تنشره..
خالد 
منك لله يا شيخه.
عدت يجي ست سعات واخيرا قدر يقعد بعد ما روق الشقه كلها لوحده وكانت ناهد طالعه من المطبخ وهي بتشرب شاي وبصت للشقه وقالت..
ناهد
مش بطاله كويس ابقي انزل هات شوية طلبات هقول ليك عليهم..
خالد بغيظ وصوت واطي
ربنا يهدك يا شيخه انت علي الظالم والمفتري ياارب..
_نزل خالد جاب الحاجه للبيت وبعد شويه رجع خالد البيت وهو تعبان وحط الشنط علي الترابيزه وقال لناهد اللي كانت قاعده بتتفرج علي التلفزيون
خالد
الحاجات اللي طلبتيها اهي يا حماتي..
ناهد
يوووه تاني حماتي ما قولت ليك تقولي يا طنط ايه ما بتفهمش..
خالد بغيظ
معلش اصل كلمة طمط تقيله عليا هقولك يا خالتي اهو حل وسط
اتعصبت ناهد وقالت
هو انت مصمم ټعصبني وخلاص
_طلعت ايه من اوضتها كانت واخده دور برد شدبد واتكلمت بتعب..
ايه 
في ايه بس يا جماعه صوتكم جايب اخر الشارع ليه..
ناهد وهي عامله نفسها زعلانه
يرضيكي عمايل جوزك كل ما اقول كلمه يشخط ويزعق فيا لو مش طايقني اقعد عندكم يومين يقولي وانا ارجع بيتي
خالد بحماس
بجد يا حماتي هترجعي بيتك
ايه 
انت بتقول ايه يا خالد ما يصحش كده
ناهد
ما تخافيش يا ايه يا حبيبتي انا لو مشيت هاخدك معايا لحد ما تخفي..
اتعصب خالد وقال
هتاخدي بنتك في تاني اسبوع جواز ليها يا وليه اتقي الله..
ناهد
ولولو عليك بدري ويا تلم نفسك يا هاخدها بجد وهمشي..
خالد راح باس علي راسها وقال
انا اسف حقك عليا يا حماتي وهاتي راسك ايوسها اهي ده انتي لو ما شالتكيش الارض اشيلك فوق راسي واحدفك من الشباك..
ناهد 
نعمم بتقول ايه انت يا متخلف..
خالد
بهزر معاكي يا خالتي
ناهد
روحي انتي يا ايه ارتاحي في اوضتك واحنا هنا هنعمل كل حاجه..
خالد
ايوه يا حبيبتي روحي انتي ارتاحي وانا وخالتي هنا هنعمل كل حاجه..
ايه 
بس ياريت من غير مشاكل..
خالد بصوت واطي قال ل ايه
ربنا يستر بس وما تطلعيش تلاقيني معلقها ليكي في سقف الشقه..
ايه 
اتلم بقي..
ناهد 
بيقول ليكي ايه الواد ده يا ايه..
خالد 
في ايه يا خالتي بقول لمراتي حاحه سر بينا هو انتي لازم كل حاحه تعرفيها كده...
_ضحكت نور ودخلت اوضتها عشان ترتاح وناهد وقفت بصت في الحاجه اللي جابها وقالت بضيق
ناهد
انت كمان خيبه ومش عارف تشتريةشوية خضار وفاكهه وحتي الفرخه مديها ليك من غير الرجلين..
خالد بسخريه 
مش معقول يا حماتي انتي بتاكلي رجلين الفراخ اكمنك..
ناهد بعصبيه 
انت مالك انت باكلهم ولا لا ما تخليك في حالك واسمع خد الحاجات دي وديها المطبخ واعمل شوربه ل ايه عشان البرد اللي عندها..
خالد
اومال انتب جايه تعملي ايه هنا يا حماتي تقزقزي لب وانتي بتتفرجي علي التلفزيون.
نااهد 
ايوه براحتي اعمل اللي عايزاه اومال فاكرني جايه اكنسلك واطبخلك وروح اعمل اللي بقولك عليه ولا كمان هتطلع البنت تعمل هي الاكل وهي تعباانه..
خالد 
لا طبعا انا هدخل اعمل الاكل البيت منور بيكي يا حماتي..
ناهد 
يوووه تاني