بسبب اخويا . كامله

_ بسبب اخويا فراش المدرسه عمل فيا... 
 
_ وقبل ما نبدأ حكايتنا اعرفكم علي بطلتنا النهارده واللي اسمها شهد وعندها سته وعشرين سنه مامتها وباباها راحو واخوها الكبير ومراته هما اللي ربوها كانت ساكنه في حاره شعبيه..
وفي يوم وفي منطقه تاني غير اللي ساكنه فيها شهد وخصوصا في الموقف الخاص بالميكروبصات وصل يونس هناك وسمع صوت زعيق جامد والناس ملمومه قرب منهم وقال..
يونس 
باااس في ايه يا سيد..
سيد شاور علي شهد اللي قدامه وقال
الانسه اللي قدامك دي يا معلم يونس ركبت معايا من المنطقه اللي بنحمل منها وجات هنا وتقولي ان دي مش المنطقه اللي ساكنه فيها وعايزاني ارجعها لمنطقتها..

يونس بصلها وقال
انتي رايحه فين يا ابله..
شهد بضيق
رايحه في منطة الساهر وقولتله كده لما ركبت هو بقي ما وقفش ليه وفكرني انزل..
يونس بسخريه 
يا ابله هو هيفتكر ايه ولا ايه انا كنت سففته تراب الارض لو كنتي قولتيله ينزلك وهو ما رضيش ينزلك انما انتي ما قولتيش ليه..
شهد باحراج 
احمم كنت بسمع اغاني في الهاند فري وسرحت ونسيت اقوله ينزلني عادي يعني بتحصل..
ضحك كل السواقين وسيد قال
اتفضل اهو يا معلم يونس وبعدين قولتلها تنزل وتركب عربيه تانيه من اللي رايحه المنطقه بتاعتها مش راضيه..
شهد پحده 
وانا حلفت مش هنزل وعايزني انزل عشان تفضل تتوه فيا واستني العربيه تحمل انت كان زمانك دلوقتي كنت وصلتني اصلا بدل الدوشه دي كلها..
سيد بغيظ 
يا ابله بس اا..
يونس پحده
خلصنا ياااه هات المفتاح انا هوصلها وارجع مش عايزين مشاكل واهل منطقة الساهر كلهم حبايبنا..
شهد بضيق
ثواني بس هو انت مالك اصلا هو اللي يوصلني ورجله فوق رقبته..
يونس قرب من باب العربيه وقال
انا كبير الحته هنا وكلمتي بتمشي علي اللي يعجبك وقولت هوصلك يبقي تسكتي ولا انتي عايزه ترغي..
_خافت شهد من طريقته وسكتت وهو قفل الباب وراح ركب مكان السواق وطلع بالعربيه وما خدش باله من عظيمه مرات ابوه واخته الصغيره بطه اللي كانو واقفين علي مسافه منهم وشافو اللي حصل..
عظيمه 
بت يا بطه قوليلي مين البنت دي انا حاسه اني اعرفها او شوفتها قبل كده ..
بطه 
دي شهد يا ماما اخت الاسطي صبري المكانيكي صاحب عمي حامد..
عظيمه 
ايوه ايوه صبري جوز البنت زهره عرفته طيب يلا بينا نروح لجدتك عشان ما نتاخرش...
بطه 
شكلك كده يا ماما ناويه تفرحينا بيونس قريب..
عظيمه 
يا بت يا لمضه بطلي رغي ويلا بينا عايزه اشوف جدتك بسرعه ونروح قبل ما ابوكي يستعوقني.. 
 
_وبعد شويه وفي العربيه اللي سايقها يونس كانت قاعده شهد في الكرسي اللي وراه وموبيلها رن وردت بقلق وقالت...
شهد 
ايوه يا زهره... يا نهار اسود هو حبكت يعني يجي بدري النهارده... لا خلاص قربت اجي اهو والنبي خليه يهدي شويه انا مش حمل اخد علقھ تاني الاسبوع ده... ماشي سلام...
_ قفلت وعيونها اتملت دموع وكان باين عليها اووي انها خاېفه ويونس بصلها في المرايه بهدوء ووقف قدام المنطقه اللي هي ساكنه فيها وجات تنزل بس الباب ما كانش راضي يفتح فا بصت ليونس وقالت..
شهد 
لو سمحت انا مش عارفه افتح الباب ممكن تيجي تفتحه ليا معلش...
يونس بهدوء
حاضر...
_ ونزل من العربيه وراح فعلا فتحلها الباب وهي جات تنزل بس اتكعبلت في الجيبه بتاعها وكانت هتقع بس هو مسكها بسرعه واتحول وشها للون الاحمر وبعدت عنه بسرعه وقالت..
شهد بتوتر 
انت قليل الادب ايه اللي انت عملته ده..
يونس قفل الباب جامد وقال
انا فعلا قليل الادب كان المفروض اسيبك تقعي واقف ساكت اوعي كده ده انتي وليه بومه..
شهد بتوتر 
اهو انت اللي بومه واستني هنا انا مش لسه انا بكلمك انت رايح فين...
_ ما ردش عليها يونس واخد عربيته ومشي وهي راحت بيتهم واول ما دخلت لقيت اخوها في وشها اللي مسكها من دراعها جامد وقال..
صبري پحده
كنتي فين يا بت هو ده اللي هتروحي تزوري قبر امك وابوكي وتيجي بسرعه..
شهد پخوف
والله العظيم انا طلعت متأخر والله حتي اسال زهره ده انا ما كملتش ساعه بره..
زهره بقلق
قولتله والله بس هو اللي مش مصدقني..
صبري پحده 
شيفاني برياله يا بت انتي ده انتي يومك مش فايت...
_ قال كلامه ونزل بايده علي وشها ووقعت علي الارض وهي بټعيط پخوف وجات زهره وقفت قدامه وقالت..
زهره 
ورحمة