حماتي طردتني من البيت بفضيحه والسبب حمايا

السلام عليكم ورحمة الله وبركاته

وقبل ما احمي ليكم حكايتي اعرفكم بنفسي انا اسمي منال وعندي اربعه وعشرين سنه ومتجوزه في بيت عيله لا ده مش بيت دي شقه تلات اوض وصاله كبير وحمام ومطبخ..

كانت حماتي وحمايا كويسين معايا، هي حماتي مش كويسه اووي بعني كانت بتتخانق معايا علي الترويق والطبيخ بس كانت بترجع وتصالحني..

وجوزي كان راجل جدع ومحترم وطيب وكويس وكان مش حارمني من حاجه وخصوصا اني كنت يتيمه ولا ليا اب ولا ام ولا اخوات بس هو كان معوضني عن كل ده....

وفي يوم حمايا تعب اووي وكانت حالته كل يوم عن التاني بتزيد والدكاتره قالو ان عنده زهايمر واصل معاه لدرجة صعبه وانه مش فتكر اي حاجه عنه ولا عن اي حد حواليه ده غير انه بقي بيعمل حمام علي نفسه ديما وكمان بياكل زي الاطفال بيبهدل الدنيا..

واللي حصل ان حماتي كانت بتقرف منه وعلي طول بتزعقله وسعات كانت تمد. ايدها عليه، وانا كنت بعمل ليه حاجات خفيفه بصراحه لان البيت كله عليا..

وفي يوم جات وقالت لابنها اللي هو جوزي انها عايزه تطرد جوزها ده من البيت لانها مش حمل تعبه وقالت توديه لدار مسنين طبعا جوزي رفض واټخانق معاها وقالها انه عمره ما هيخلي ابوه يروح دار مسنين ابدا..

وهي جات وقالت ليا اني ما اعملش حاجه لجوزها تاني عشان ابنها يشوف ابوه تعباان جدا كده. هياخده هو من نفسه ويوديه دار مسنين...

انا وافقت لاني ما كنتش عايزه اعمل مشاكل معاها، بس اللي اكتشفته بعد كده ان حماتي كانت علي علاقه بواحد جارنا مطلق، وعايزه تودي حمايا دار مسنين وتطلق منه وتتجوز جارنا ده..

حماتي كانت صغيره مش كبيره اووي وبصراحه كانت حلوه وحمايا كان اكبر منها لتلاتين سنه اتجوزها وهي كانت صغيره وعشان كده مش راضيه ولا قادره تقعد من غير راجل..

وبصراحه حمايا صعب عليا اووي بس ما كانش في ايدي حاجه اعملها ليه عشان انا ماليش حد وخاېفه اعاند. مع حماتي او اعمل حاجه هي مش عايزها تقلب عليا وقتها هيكون مكاني الشارع..

خۏفت فعلا تستقصدني وتقلب جوزي عليا ووقتها انا اللي هخسر ففضلت قاعده في حالي لحد ما جوزي في يوم طلب مني اني اخدم ابوه لما لاقاه قاعد بهدوم مش نضيفه وبيعملها علي نفسه ومش بيغير ولما كان بيطلب من امه حاجه كانت بتتخانق معاه..